ပေကျင်း၊ ဇန်နဝါရီ-၁၀-၂၀၂၅ ရတီ(VOM) တရုတ်နို်ငငံ အနောက်မြောက်ပိုင်းရှိ မြို့တမြိုမှာ ဆယ်ကျော်သက်လူငယ်တယောက် သေဆုံးမှုနဲ့ပတ်သက်ပြီး ပြင်းထန်တဲ့ ဆန္ဒပြပွဲတွေ ဖြစ်ပွားခဲ့တယ်လို့ ရုပ်သံမှတ်တမ်းတွေအရ သတင်းဌာနတွေက အတည်ပြုထားပါတယ်။ ဆယ်ကျော်သက်လူငယ်ဟာ သူ့ရဲ့ စာသင်ကျောင်း ကျောင်းဆောင်ပေါ်ကနေ ဇန်နဝါရီ ၂ ရက်ကပြုတ်ကျသေဆုံးခဲ့တယ်လို့ အာဏာပိုင်တွေက ထုတ်ပြန်ထားပြီး နောက်ပိုင်းမှာတော့ ဒီသေဆုံးမှုနဲ့ပတ်သက်တဲ့ စွပ်စွဲချက်တွေ ထွက်ပေါ်လာပါတယ်။ လူမှုကွန်ရက်မှာ မျှဝေထားတဲ့ ရုပ်သံမှတ်တမ်းတွေမှာတော့ ရှန်စီပြည်နယ် ပူချန်းမှာ ဆန္ဒပြသူတွေက ရဲနဲ့ လုံခြုံရေးတပ်ဖွဲ့ကို အရာ၀တ္ထုတွေနဲ့ ပစ်ပေါက်နေပြီး ဆန္ဒပြသူအချို့ကို ရဲတပ်ဖွဲ့က ရိုက်နှက်ခဲ့ပါတယ်။ ပြီးခဲ့တဲ့ သီတင်းပတ်ကုန်ပိုင်းက နှိမ်နှင်းမခံရမီထိ ရက်ပေါင်းများစွာ ဆန္ဒပြမှုတွေ ဖြစ်ပွားခဲ့ပါတယ်။ ဆန္ဒပြပွဲတွေနဲ့ပတ်သက်ပြီး တရုတ်နိုင်ငံပိုင်မီဒီယာကတော့ နှုတ်ဆိတ်နေခဲ့ပါတယ်။ ဆန္ဒပြပွဲနဲ့ပတ်သက်တဲ့ မှတ်တမ်းဗီဒီယို၊ ဓါတ်ပုံတွေကိုလည်း လူမှုကွန်ရက်ကနေ ကန့်သတ်မှုတွေရှိခဲ့တယ်လို့ ဆိုပါတယ်။ ဒီဆန္ဒပြမှုဟာ တရုတ်သမ္မတရှီကျင်းပင်နဲ့ နို်ငငံရဲ့ ကိုဗစ်-၁၉ မူဝါဒတွေကို…

ဝါရှင်တန်၊ ဇန်ဝါရီ-၉-၂၀၂၅ မျိုးဆက်(VOM) အမေရိကန်နိုင်ငံ လော့အိန်ဂျလိစ်နဲ့ အနီးနားရှိ ဗန်တူရာတို့မှာ တောမီးလောင်ကျွမ်းမှု ပိုမိုဆိုးရွားလာပြီး လက်ရှိအချိန်ထိ လူငါးဦးထက်မနည်း သေဆုံးသွားကြောင်း တာဝန်ရှိသူတွေက ပြောပါတယ်။ Sunset Fire လို့အမည်ပေးထားတဲ့ ဒီတောမီးဟာ နေရာခြောက်ခုထက်မနည်းမှာ အကြီးအကျယ်လောင်ကျွမ်းနေပြီး ၀ုဒ်လေမှာ လောင်ကျွမ်းမှုနည်းပါးသွားတာကလွဲပြီး ထိန်းချုပ်လို့ မရသေးဘူးလို့ ဆိုပါတယ်။ လက်ရှိအချိန်ထိ အီတန်ဒေသရှိ လူတသိန်းကျော်ကို ဘေးလွတ်ရာရွှေ့ပြောင်းဖို့ အမိန့်ထုတ်ထားပြီး ပါလစ်ဆာဒက်မှ လူ ၃၇၀၀၀ ကျော်ကိုလည်း ကယ်ဆယ်ရေးတွေ လုပ်ဆောင်ခဲ့ရပါတယ်။ တောမီးဟာ နာမည်ကျော် ဆယ်လီတွေပိုင်ဆိုင်တာတွေအပါအဝင် နေအိမ်ထောင်ပေါင်းများစွာကို ခြိမ်းခြောက်နေပါတယ်။ ပါလစ်ဒက်စ်၊ အိစတန်၊ ဟာ့စ်နှင့် ၀ုဒ်လေတို့မှာ တောမီလောင်ကျွမ်းမှုကို ထိန်းချုပ်နိုင်ခြင်းမရှိသေးဘဲ အဆောက်အဦ ၁၀၀၀ ကျော်မီးလောင်ကျွမ်းခဲ့ပါတယ်။ ဇန်နဝါရီ ၇ ရက်က စတင်လောင်ကျွမ်းခဲ့တဲ့ တောမီးမှာ လော့အိန်ဂျလိစ်သမိုင်းမှာ အဆိုးရွားဆုံး တောမီးလောင်ကျွမ်းမှုဖြစ်လာနိုင်ကြောင်း တာဝန်ရှိသူတွေက သတိပေးထားပါတယ်။…

  ဝါရှင်တန်၊ ဇန်နဝါရီ-၉-၂၀၂၅ မျိုးဆက်(VOM) မြောက်ကိုရီးယားတပ်တွေဟာ ယူကရိန်းစစ်ပွဲမှာ ရုရှားနဲ့အတူ တိုက်ပွဲဝင်နေမှုကနေ အကျိုးအမြတ်တွေရရှိနေပြီး အိမ်နီးချင်းနိုင်ငံတွေကို စစ်တိုက်နိုင်စွမ်း ပိုရှိလာတယ်လို့ အမေရိကန်က သတိပေးလိုက်ပါတယ်။ ၂၀၂၂ ခုနှစ် ဖေဖော်ဝါရီလမှာ ယူကရိန်းကို ရုရှားက ကျူးကျော်တိုက်ခိုက်ပြီးနောက် ရုရှား-မြောက်ကိုရီးယား ဆက်ဆံရေးဟာ ပိုမိုနီးကပ်လာခဲ့ပြီး လက်ရှိမှာတော့ ရုရှားမှာ မြောက်ကိုရီးယားတပ်ဖွဲ့ဝင် ၁၂၀၀၀ ကျော်ထိ ရှိနေပါတယ်။ မြောက်ကိုရီးယားဟာ ရုရှားဆီကနေ စက်လက်နက်နည်းပညာ၊ အတွေ့အကြုံတွေကနေ သိသာထင်ရှားတဲ့ အကျိုးအမြတ်တွေရနေပြီး အိမ်းနီးချင်းနိုင်ငံတွေကို စစ်တိုက်နိုင်စွမ်းရှိလာတယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး ဒိုရိုသီကမ်မေးရှီရာက သတိပေးပါတယ်။ ဒါအပြင် စစ်ရေးစွမ်းရည်တိုးတက်လာတာကို အသုံးပြုပြီး မြောက်ကိုရီးယားဟာ ကမ္ဘာတစ်ဝန်း လက်နက်ရောင်းချမှုနဲ့ စစ်ရေးဆိုင်ရာ စာချုပ်တွေကို တိုးမြှင့်ဖို့ လုပ်ဆောင်လာနိုင်တယ်လို့ သံအမတ်ကြီးက ကုလသမဂ္ဂလုံခြုံရေးကောင်စီမှာ ပြောဆိုခဲ့ပြီး မကြာသေးမီက ဒုံးပျံစမ်းသပ်မှုကိုလည်း ဝေဖန်ခဲ့ပါတယ်။ နိုင်ငံရဲ့ ခုခံကာကွယ်ပိုင်ခွင့်အတွက် ဒုံးကျည်စမ်းသပ်မှုဟာ…

ဝါရှင်တန်၊ ဇန်နဝါရီ-၉-၂၀၂၅မျိုးဆက်(VOM)မြန်မာနိုင်ငံက နျူကလီးယားပစ္စည်းတွေ မှောင်ခိုကူးမှုနဲ့ အမေရိကန်က စွဲချက်တင်ခံထားရတဲ့ ဂျပန်ယာကူဇာခေါင်းဆောင်ဟာ အပြစ်ရှိကြောင်း ဝန်ခံခဲ့တယ်လို့ အမေရိကန် တရားရေးဌာနက ထုတ်ပြန်ပါတယ်။အသက် ၆၀ နှစ်အရွယ် ဂျပန်နိုင်ငံသား တာကီရှီအီဘီဆာဝါဟာ မြန်မာနိုင်ငံကနေ အခြားနိုင်ငံတွေကို ယူရေနီယံနဲ့ လက်နက်အဆင့် ပလူတိုနီယံတွေအပါအဝင် နျူကလီးယားပစ္စည်းတွေကိူ သယ်ဆောင်ရောင်းဝယ်ဖို့ ပူးပေါင်းကြံစည်ခဲ့တာဖြစ်ပြီး နယူးယောက် မန်ဟန်တန် တရားရုံးမှာ အပြစ်ရှိကြောင်း ဝန်ခံခဲ့တာပါ။သူ့ရဲ့ မှောင်ခိုရောင်းဝယ်မှုကို အမေရိကန် ၊ အင်ဒိုနီးရှား၊ ဂျပန်နဲ့ ထိုင်းအာဏာပိုင်တွေ ပူးပေါင်းဟန့်တားနိုင်ခဲ့တာဖြစ်ပြီး နျူကလီးယားပစ္စည်းတွေ သယ်ဆောင်မှုနဲ့ စွဲချက်တင်ခဲ့ပါတယ်။ သူဟာ ၂၀၂၂ ခုနှစ်ကလည်း နို်ငငံတကာမှာ မူးယစ်ဆေးဝါးရောင်းဝယ်မှု၊ လက်နက်ပြစ်မှုတွေနဲ့ တရားစွဲခံထားရသူဖြစ်ပါတယ်။မြန်မာနိုင်ငံမှ လက်နက်အဆင့်ရှိ ပလူတိုနီယံအပါအဝင် နျူကလီးယားပစ္စည်းတွေကို ပြောင်ပြောင်တင်းတင်းရောင်းဝယ်ဖောက်ကားခဲ့ပြီး နိုင်ငံတကာမူးယစ်ဆေးဝါးရောင်းဝယ်မှုနဲ့ လက်နက်မှုတွေအတွက်လည်း အပြစ်ရှိကြောင်း ဝန်ခံခဲ့တယ်လို့ ဆိုပါတ.်တချိန်တည်းမှာပဲ မြန်မာနိုင်ငံ စစ်မြေပြင်တွေမှာသုံးမယ့် မြေပြင်မှ ဝေဟင်ပစ်ဒုံးကျည်တွေလို အကြီးစားလက်နက်တွေနဲ့…

ဂါဇာစီးတီး၊ ဇန်နဝါရီ-၆-၂၀၂၅မျိုးဆက်(VOM)ဂါဇာစစ်ပွဲအဆုံးသတ်ရေး အလားအလာရှိတဲ့ အပစ်အခတ်ရပ်စဲရေး ပထမအဆင့်မှာ ဓါးစာခံတွေ လွှတ်ပေးဖို့ဆန္ဒရှိကြောင်း ဟားမတ်စ်ထိပ်တန်း တာဝန်ရှိသူတယောက်က ထုတ်ဖော်ပြောဆိုပါတယ်။ပါလက်စတိုင်း ဟားမတ်စ်အဖွဲ့ရဲ့ ပြန်လွှတ်ပေးမယ့် ဓါစားခံစာရင်းမှာ ၃၄ ယောက်ရဲ့ နာမည်တွေပါဝင်ပြီး ဓါးစာခံဘယ်လောက် အသက်ရှင်သေးတယ်ဆိုတာကိုတော့ လက်ရှိအချိန်ထိ ရှင်းလင်းစွာ မသိရသေးပါဘူး။ပြန်လွှတ်ပေးမယ့် စာရင်းမှာ ပါဝင်သူတွေဟာ အသက် ၅၀ ကနေ ၈၅ အရွယ်အရှိ သက်ကြီးရွယ်အို အမျိုးသား ၁၁ ယောက်၊ အမျိုးသမီး ၁၁ ယောက်နဲ့ အစ္စရေးရဲ့လေကြောင်းတိုက်ခိုက်မှုမှာ သေဆုံးသွားပြီလို့ ဟားမတ်စ်တို့ ယခင်ကပြောဆိုဖူးတဲ့ ကလေးတွေလည်း ပါဝင်နေပါတယ်။ကျန်းမာရေးမကောင်းဘူးလို့ ဟားမတ်စ်တို့ ထုတ်ပြန်ထားသူတွေလည်း ပါဝင်ပါတယ်။ ဒီအတောအတွင်း ဂါဇာမှာ ပြီးခဲ့တဲ့ သီတင်းပတ်အတွင်း အစ္စရေးရဲ့ လေကြောင်းတိုက်ခိုက်မှုကြောင့် လူ ၁၀၀ ကျော်သေဆုံးခဲ့တယ်လို့ ဂါဇာတာဝန်ရှိသူတွေက ပြောပါတယ်။ပြန်လွှတ်မယ့် ဓါးစာခံစာရင်းကို ဟားမတ်စ်တို့က ပေးပို့ထားတယ်ဆိုတဲ့သတင်းကို အစ္စရေးဝန်ကြီးချုပ်ရုံးက ငြင်းဆိုထားပါတယ်။…