ဇန်နဝါရီ ၁၅ – ၂၀၂၅ SN (VOM) ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ စပေါ့ကျေးရွာက ကျောက်စိမ်းတွင်းဟောင်း နွံပေါက်ကျမှုဖြစ်စဉ်မှာ မနေ့ ဇန်နဝါရီ ၁၄ ရက်၊ ညနေပိုင်းအထိ ရုပ်အလောင်း ၂၀ ကျော်ကို ရှာဖွေတွေ့ရှိထားတယ်လို့ ကယ်ဆယ်ရေး လုပ်ဆောင်နေသူတွေက ပြောပါတယ်။ မနေ့ မနက် ၉ နာရီဝန်းကျင်မှ စတင်ကာ ရွံ့နွံတွေ ဖုံးအုပ်သွားတဲ့ နေရာတွေကို ရှာဖွေကယ်ဆယ်ရေး လုပ်ငန်းတွေ ပြန်လည် လုပ်ဆောင်နေခြင်းဖြစ်ပြီး လက်ရှိအချိန်အထိ ရုပ်အလောင်း ၂၁ လောင်း ရှာဖွေတွေ့ရှိထားကာ အဲဒီ ရုပ်အလောင်းတွေထဲမှာ အသက် ၁၀ နှစ်အောက် ကလေးငယ် လေးယောက်ခန့် ပါဝင်တယ်လို့ သိရပါတယ်။ “လက်ရှိအချိန်အထိ တွေ့ရှိထားတဲ့ ရုပ်အလောင်းတွေ အကုန်လုံးကို မနေ့က မီးသင်္ဂြိုဟ်ပြီးပါပြီ။ ကလေးတွေလည်း ပါနေတော့ အတော်ကို စိတ်မကောင်းစရာပါပဲ။…

ဇန်နဝါရီ ၁၅ – ၂ဝ၂၅KKO(VOM)ယခုနှစ်ပိုင်းတွေအတွင်းမှာ ကျားဖြန့်လုပ်ငန်းတွေကို ထိထိရောက်ရောက်နှိမ်နင်းနေ ပေမယ့်၊ထိုကျားဖြန့်လုပ်ငန်းတွေဟာ သိသိသာသာလျော့နည်းပပျောက်သွားခြင်းမျိုးမရှိဘဲ အွန်လိုင်းငွေလိမ်ဂိုဏ်း(ကျားဖြန့်) လုပ်ငန်းတွေဟာ ရန်ကုန်မြို့မှာတောင်လှုပ်ရှားမှုတွေရှိနေတယ်လို့ အဲဒီလုပ်ငန်းနဲ့နီးစပ်ပတ်သက်သူတွေထံကနေ VOM က သိရှိရပါတယ်။ပြီးခဲ့တဲ့ ၂ဝ၂၃ ခုနှစ်ကစလို့ ကျားဖြန့်လုပ်ငန်းတွေကို တရုတ်-မြန်မာနှစ်နိုင်ငံအစိုးရက ပူးပေါင်းပြီး ထိထိရောက်ရောက်နှိမ်နင်းဖမ်းဆီးအရေးယူတာတို့ မြန်မာနိုင်ငံအတွင်းက ဖမ်းဆီးရမိတဲ့ ကျားဖြန့်လုပ်ငန်း လုပ်ကိုင်သူတွေကို တရုတ်နိုင်ငံဘက်ကို ပြန်လည် လွဲပြောင်းပေးအပ်တာတွေကိုပြုလုပ်နေသော်လည်း ယနေ့အထိတော့ ထိုကျားဖြန့်လုပ်ငန်းတွေဟာ လျော့ပါးသွားခြင်းမရှိဘဲအွန်လိုင်းကနေ နည်းလမ်းမျိုးစုံနဲ့ ငွေကြေးလိမ်လည်ရယူနေကြဆဲဖြစ်တယ်လို့ ကျားဖြန့်လုပ်ငန်းတွေရဲ့သားကောင်ဖြစ်ခဲ့ရပြီးလိမ်လည်မှုကိုခံခဲ့ရသူတွေက ဆိုပါတယ်။“သူတို့ကအကောင့်ပေါင်းစုံနဲ့ လူမှုကွန်ရက်တွေကိုအသုံးပြုပြီးတော့ လိမ်ကြတာပါ။ဖေ့ဘွတ်စ်ကနေ သူတို့ရဲ့ပစ်မှတ်သားကောင်တွေကိုလိုက်ရှာတယ်။စကားဝင်ရောပြီးရင်းနှီးအောင်လုပ်တယ်။နောက်တော့သူတို့ရဲ့စတော့ရှယ်ယာဈေးကွက်တွေမှာဝင်ကစားဖို့ဖိတ်ခေါ်တာစွယ်တာ ပထမကတော့သောင်းဂဏန်းလောက် ရင်းခိုင်းပြီးဝင်ကစားခိုင်းတာ အစပိုင်းမှာသူတို့ကလုပ်ငန်းကရတယ်ဆိုပြီး အမြတ်လည်းပေးတယ်။နောက်တော့မှ စတော့ရှယ်ယာဆိုတဲ့ ငွေဆတိုးတဲ့ဟာတွေကိုကစားရင်းငွေနဲ့လိုက်ရင်း၊လိုက်ရင်း ကိုယ့်ဆီကငွေတွေကသူတို့ဆ ီပါသွားတာပေါ့။ ကျွန်တော်အသိတယောက်ဆို ၃ သိန်းလောက်ပါသွားတယ်။ဖြစ်တာမကြာသေးဘူး၊ အဲဒါဟိုတလောတုန်းကမှဖြစ်တာ၊သူကမယုံလို့အဲဒီစတော့ကို ဆက်မကစားတော့တာသူ့အတွက် ကံကောင်းသွားတယ်လို့ပြောရမယ်၊ကျားဖြန့်တွေကနည်းအမျိုးမျိုးလိမ်နေကြတာပဲ၊အခုနောက်ပိုင်းပိုဆိုးလာတယ်”လို့ ရန်ကုန်မြို့နေ ပြည်သူတယောက်က ကျားဖြန့်လုပ်ငန်းတွေရဲ့လိမ်လည်မှုအကြောင်းကို ပြောပြခဲ့ပါတယ်။မြန်မာပြည်တွင်းမှာ လူသုံးအများဆုံးဖြစ်တဲ့ ဖေ့ဘွတ်စ်လူမှုကွန်ရက်မှာလည်း မိန်းကလေးပုံစံဟန်ဆောင်ခိုင်းထားတဲ့ကျားဖြန့်အကောင့်တုပေါင်းများစွာရှိနေသလို ထိုအကောင့်တွေကနေတဆင့်…

ဇန်နဝါရီ ၁၅ -၂၀၂၅ GG (VOM) ရွှေစက်တော်ဘုရားပွဲကို ဖေဖော်ဝါရီ ၂ ရက်နေ့မှာစတင်ကျင်းပမှာဖြစ်ပြီး လုံခြုံရေးအနေနဲ့ အခုကတည်းကရွှေစက်တော်ပတ်ဝန်းကျင်တဝိုက်မှာ လုံခြုံရေးအပြည့်အဝချထားတယ်လို့ မန်းရွှေစက်တော်ရာဘုရား ဂေါပကအဖွဲ့ဆီကသိရပါတယ်။ ရွေစက်တော်ဘုရားပွဲမှာ ချထားတဲ့လုံခြုံရေးအင်အားနဲ့ပတ်သက်လို့အသေးစိတ်မပြောနိုင်ပေမယ့် မနှစ်ကပွဲတော်ကာလမှာထားရှိတဲ့လုံခြုံရေးထက် ပိုပြီးတိုးမြှင့်ချထားတယ်လို့ ဆိုပါတယ်။ “တချို့လုံခြုံရေးကိစ္စတွေကြတော့လျို့ဝှက်လုပ်ရတာကျ ကျွန်တော်တို့လည်း မေးလို့စမ်းလို့မရတာတွေရှိတယ်။ဒါပေမယ့် လုံခြုံရေးတိုးမြှင့်ချထားတဲ့အခြေအနေလို့ပြောလို့ရပါတယ်။မနှစ်ကနဲ့မတူတာက ခုနှစ်မှာပွဲတော်မစခင်ကတည်းကလုံခြုံရေးကိုတိုးမြှင့်ချထားတယ်။ ရွှေစက်တော်သွားတဲ့လမ်းမှာလုံခြုံရေးရှိတယ်။ရွှေစက်တော်မှာလည်းလုံခြုံရေးချထားတယ်။ရွှေစက်တော်ပတ်လည်မှာလည်းလုံခြုံရေးတွေချထားတယ်။” လို့ ဂေါပကဥက္ကဋ္ဌမှ VOM ကိုပြောပါတယ်။ လက်ရှိမှာ ရွှေစက်တော် ဘုရားအနီးမှာလည်း တိုက်ပွဲတွေ၊ပစ်ခတ်မှုတွေ ဖြစ်ပွားခြင်းမရှိတဲ့အပြင် အခုကတည်းကပင် နယ်ဝေးဘုရားဖူးသူတွေလာရောက်မှုရှိနေတယ်လို့ဆိုပါတယ်။ “ဘုရားနယ်မြေမှာတော့အေးအေးချမ်းချမ်းပါပဲ။တည်းခိုခန်းတွေလည်းဆောက်နေပါပြီလိုင်းပေါ်မှာပြောနေတဲ့ ဘယ်ရွာမှာဘာဖြစ်တယ်ညာဖြစ်တယ်ဆိုတာရွှေစက်တော်နဲ့နည်းနည်းလှမ်းပါတယ်။အနီးဆိုတာမဟုတ်ပါဘူး။ဒါပေမယ့်ရွှေစက်တော်သွားရင်တော့ဒီရွာတွေတော့ဖြတ်ရတာမျိုးရှိတာပေါ့။ မြေပြင်အနေအထားကတော့ ရွှေစက်တော်မုခ်ဦးနားမှာလုံခြုံရေးအမြဲရှိပါတယ်။။လူတွေလည်းသွားနေကြပါတယ်။လိုင်းပေါ်မှာတော့ကောလဟာလတွေပျံ့နေတာ။လက်တွေ့မြေပြင်အခြေအနေမှာတော့အေးဆေးပါပဲ။ရွှေစက်တော်ကိုသွားလို့လာလို့ရနေပါပြီ။”လို့သူကထပ်မံပြောပါတယ်။ ရွှေစက်တော်ဘုရားပွဲလာရောက်မယ့်ခရီးသွားဧည့်သည်တွေအပါအဝင် ဘုရားပွဲတော်ကာလအတွက် လုံခြုံရေး ကိုတိုးမြှင့်ချထားတဲ့အပြင် မြေပြင်လည်းတိုက်ပွဲဖြစ်တာတွေမရှိတာကြောင့် ခရီးသွားဧည့်သည်တွေ လာရောက်နိုင်ကြောင်းပြောဆိုပါတယ်။ ဒါပေမယ့် နယ်မြေခံ မင်းဘူးခရိုင် အမှတ် ၆ PDF အဖွဲ့က မင်းဘူးမြို့နယ်အတွင်းရှိ ပုသိမ်-မုံရွာလမ်းပိုင်း၊ လက်ပံတော-အိုင်းမ-ကိုင်းမကြီးလမ်းပိုင်းကို အသုံးမပြုဖို့နဲ့ရွှေစက်တော်ဘုရားအနီးသွားလာခြင်းမပြုဖို့ ထုတ်ပြန်ပြောဆိုထားပါတယ်။ ”…

ဇန်နဝါရီ ၁၂ – ၂၀၂၅SS (VOM)ပြည်တွင်းက ကုန်းလမ်းခရီး သွားလာရခက်တဲ့ ဒေသတွေမှာ လေယာဉ်လက်မှတ်ခ ဈေးနှုန်းတွေ အဆမတန် ထပ်မံ မြင့်တက်လာတယ်လို့ ဒေသတွင်း လေယာဥ်လက်မှတ် အရောင်းဌာနတွေဆီက သိရပါတယ်။စစ်တွေ၊ မြစ်ကြီးနား၊ ကော့သောင်း၊ ကလေး၊ ခန္တီး စတဲ့ ဒေသတွေမှာ ဒေသတွင်း တည်ငြိမ်မှုမရှိတဲ့ အခြေအနေတွေကြောင့် ကုန်းလမ်းခရီး သွားလာရ ခက်ခဲနေတဲ့အတွက် လေကြောင်းကသာ အဓိကထား သွားလာနေရတဲ့အတွက် အခု ၂၀၂၅ ခုနှစ်၊ နှစ်ဆန်းပိုင်းမှာ လေယာဉ်လက်ခ ဈေးနှုန်းတွေဟာ ထပ်မံ မြင့်တက်လာတာဖြစ်တယ်လို့ သိရပါတယ်။“လေယာဉ်လက်မှတ် ဈေးနှုန်းတွေက ခုနောက်ပိုင်း တောက်လျှောက်ကို တက်နေတယ်ပြောရမယ်။ ဖြေးဖြေးတက်တာနဲ့ မြန်မြန်တက်တာပဲရှိတာ။ ဈေးနှုန်းအပြောင်းအလဲလည်း အရမ်းမြန်တယ်။ ရန်ကုန် – စစ်တွေ လေယာဉ်လက်မှတ်ခဆို အရင်နှစ်က ကျပ် တသိန်းခြောက်သောင်းပေါ့။ အဲဒီကနေမှ အဆင့်ဆင့် ဈေးတက်လာတာ။ လွန်ခဲ့တဲ့…

ဇန်နဝါရီ ၁၀ – ၂၀၂၅KKO(VOM)ရန်ကုန်တိုင်းအတွင်းက မြို့နယ်/ရပ်ကွက်အချို့မှာ ထောက်ပံ့ကြေးငွေ ပေးအပ်ဖို့ စာရင်းကောက်ယူမှု တွေရှိနေတယ်လို့ VOM က စုံစမ်းသိရှိရပါတယ်။ရန်ကုန်တိုင်းဒေသကြီးအတွင်းက မြို့နယ်တွေမှာ အခုဇန်နဝါရီ ၉ ရက်နေ့မှစတင်လို့ ရပ်ကွက်အတွင်းမှာ နေထိုင်ကြတဲ့ ကိုယ်၀န်ဆောင်အမျိူးသမီးများစာရင်း၊ အသက်ငါးနှစ်အောက်ကလေးသူငယ်များစာရင်း၊အသက် ၇၀ အထက်ကျား/မစာရင်း၊ မသန်စွမ်းသူများစာရင်းကိုစတင်ကောက်ယူ နေတာလို့ အုပ်ချုပ်ရေးပိုင်းဆိုင်ရာအသိုင်းအဝိုင်းနဲ့ နီးစပ်သူတွေက ပြောပါတယ်။“အမလည်း မွေးစာရင်းသွားတင်ထားတယ်။လူတွေကတော့ ရပ်ကွက်ရုံးမှာကြိတ်ကြိတ် တိုးပဲ။မနေ့က နေ့လည် ၂ နာရီလောက်က စပြီးစာရင်းကောက်တာ လူအရမ်းများနေလို့ အခုခဏရပ်ထားတယ်။ဘယ်လောက်ပေးမှာလဲတော့ မပြောသေးဘူး။အိမ်က အဖေကလည်း အသက် ၇၀ ကျော်ဆိုတော့ သူလည်း သန်းခေါင်စာရင်းတင်ရတယ်။ကလေးအတွက်က မွေးစာရင်း၊လူကြီးက သန်းခေါင် စာရင်းတင်ရတယ်။ကလေးဆိုရင် မွေးစာရင်းရှိရမယ်။မရှိရင် မရဘူး။ မွေးစာရင်းရယ်၊ သန်းခေါင်စာရင်းရှိရင် သန်းခေါင်စာရင်း မရှိရင် ဧည့်စာရင်း၊ အဲဒီနှစ်ခု တွဲတင်ရတယ်။ မိတ္တူတွေပေးရတယ်။လူကြီးဆိုရင် မှတ်ပုံ တင်ရှိရမယ်။မရှိရင် မရဘူး။မှတ်ပုံတင်ရယ်၊ သန်းခေါင်စာရင်းရှိရင်…

ဇန်နဝါရီ ၁၀ – ၂၀၂၅GG (VOM)HMPV ရောဂါက ဆောင်းရာသီမှာဖြစ်လေ့ဖြစ်ထရှိတဲ့ရောဂါဖြစ်တဲ့အပြင် ရောဂါကြောင့် သေဆုံးနူန်းကလည်း အခြားအသက်ရှုလမ်းကြောင်းဆိုင်ရာရောဂါတွေ သေဆုံးနူန်းရဲ့ ၁ ရာခိုင်နူန်းအော က်မှာသာရှိလို့ ပြည်သူလူထုအနေနဲ့ စိုးရိမ်ထိတ်လန့်စရာမလိုဘူးလို့ကျန်းမာရေးဝန်ကြီးဌာန၊ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်းကပြောပါတယ်။လက်ရှိမှာ HMPV ရောဂါပိုးနဲ့ ရာသီတုပ်ကွေးရောဂါပိုး အပါအဝင် အဏုဇီဝပိုးကြောင့် ဖြစ်ပွားတဲ့ လက်တလော အသက်ရှူလမ်းကြောင်းရောဂါတွေကို ကျန်းမာရေးဝန်ကြီးဌာနက အချိန်ပြည့် ရောဂါစောင့်ကြပ်ကြည့်ရှုခြင်းစနစ်နဲ့ စောင့်ကြပ်ကြည့်ရှုနေတယ်လို့သိရပါတယ်။“HMPV ရောဂါပိုးက ရာသီဥတုအလိုက် ကူးစက်ဖြစ်ပွားမှုရှိနေခဲ့ပြီးဖြစ်လို့ အဲဒီ ရောဂါပိုးနဲ့ပတ်သက်ပြီး မိမိတို့ပြည်သူများအတွင်း ကိုယ်ခန္ဓာခုခံအားစနစ်ရှိနေပြီးဖြစ်တယ်လို့ သုံးသပ်ယူဆရနိုင်ပါတယ်။ရောဂါစောင့်ကြပ်ကြည့်ရှုခြင်းလုပ်ငန်းကို အရှိန်အဟုန်မြှင့်တင်ဆောင်ရွက်နေပါတယ်။ လိုအပ်ပါက သက်ဆိုင်ရာ နှီးနွှယ် ဌာနဆိုင်ရာတွေနဲ့ ကဏ္ဍပေါင်းစုံဝိုင်းဝန်းပူးပေါင်းပါဝင်ပြီး ညှိနှိုင်းကာ ကြိုတင်ပြင်ဆင်ရေးလုပ်ငန်းနဲ့ ရောဂါကာကွယ် ထိန်းချုပ်ရေးလုပ်ငန်းကို ထိထိရောက်ရောက် ဆောင်ရွက်သွားမှာဖြစ်လို့ပြည်သူလူထုအနေနဲ့ အထူးစိုးရိမ်ထိတ်လန့်မှုဖြစ်ဖို့ မလိုပါဘူး ။တရုတ်နိုင်ငံမှာလည်း ဆောင်းရာသီဖြစ်လို့ ရောဂါဖြစ်ပွားမှုမြင့်တက်ခြင်းသာဖြစ်ပြီး အရေးပေါ်အခြေအနေ သတ်မှတ်ကြေညာထားရှိခြင်း မရှိသေးပါဘူး။” လို့ပြည်ထောင်စုဝန်ကြီးကပြောပါတယ်။HMPV ဗိုင်းရပ်စ်ပိုးက…