ဇန်နဝါရီ ၁၅-၂၀၂၁ ကောင်းလက်ျာ(VOM) တနင်္သာရီတိုင်း၊ ကော့သောင်းမြို့နယ်၊ ရွှေပြည်သာရပ်ကွက်၊ မြရည်ပု လဲလမ်း‌ပေါ်မှာ ဒီကနေ့ မနက်အ‌စောပိုင်းက ဂက်စ်အိုးတွေတင်လာတဲ့ ၁၀ ဘီးကား တိမ်းမှောက်ခဲ့ရာ လူနေအိမ် ၃ လုံး မီးလောင်ပျက်ဆီးပြီး လူ တစ်ဦးသေဆုံးခဲ့တယ်လို့ ကော့သောင်းမြို့နယ်မီးသတ်ဦးစီးဌာနကနေ သိရပါတယ်။ ” လျှပ်စစ်မီးပေးတဲ့ မီးစက်တွေကို ဂတ်စ်အိုးလိုက်ပို့သူပါ။ ကားဒရိုင် ဦးသောင်းစိန်က အခင်းဖြစ်နေရာမှာပဲ သေဆုံးခဲ့တာပါ။ အမှုလည်း သူ့ကိုဖွင့်ထားပါတယ်”လို့ ကော့သောင်းမြို့နယ်မီးသတ်ဦးစီးဌာနမှ တာဝန်ရှိသူတစ်ဦးကပြောပါတယ်။ ဂတ်စ်အိုးတွေတင်လာတဲ့ ၁၀ ဘီးကား ကုန်တင်ယာဉ်ဟာ ၁၂မိုင်စခန်း ဘက်ကနေ မြို့တ‌ွင်းကို မောင်းလာချိန် အခင်းဖြစ်နေရာမှာ အရှိန်လွန် ‌တိမ်းမှောက်ခဲ့တာဖြစ်ပြီး ဂတ်စ်အိုးအချို့ပေါက်ကွဲကာ ကားမီးလောင်ခဲ့ရာကနေ အနီးရှိ လူနေအိမ်အချို့ကို မီးကူးစက်‌လောင်ကျွမ်းခဲ့တာ ဖြစ်တယ်လို့ သိရပါတယ်။ မီးလောင်တဲ့နေရာကို ကော့သောင်းမြို့နယ်မီးသတ်တပ်ဖွဲ့မှ မီးသတ်ယာဉ် ၄ စီး၊ ရေသယ်ယာဉ် ၁ စီး၊…

ဇန်နဝါရီ ၁၅-၂၀၂၁ သိင်္ဂီထွန်း(VOM) တိုင်းရင်းသားစည်းလုံးညီညွတ်ရေး(တ.စ.ည)ပါတီရဲ့ ဥက္ကဋ္ဌ ဖြစ်သူ ဗိုလ်ချုပ်ကြီးဟောင်း ဦးသန်းတင်ဟာ မင်္ဂလာဒုံ စစ်ဆေးရုံမှာ ဆေးကုသမှုခံယူနေရင်း မနေ့ ဇန်နဝါရီလ ၁၄ ရက်နေ့ညပိုင်းက ကွယ်လွန်သွားပြီဖြစ်တယ်လို့ ပါတီရဲ့တာဝန်ရှိသူတစ်ဦးကပြောပါတယ်။ “ဥက္ကဋ္ဌကြီးကွယ်လွန်တဲ့အပေါ် ပါတီဌာနချုပ်အနေနဲ့ကတော့ မိဘတစ်ယောက်၊ ခေါင်းဆောင်ကောင်းတစ်ယောက်ဆုံးရှုံးသွားတာဖြစ်လို့ ဌာနချုပ်က တာဝန်ရှိတဲ့သူတွေ လိုက်ပို့ပါမယ်။ ပါတီအနေနဲ့ ဆက်လုပ်မယ့်ကိစ္စကတော့ CEC အစည်းအဝေးထိုင်ပြီးမှပဲ ဘယ်လိုလုပ်မလဲသိပါမယ်။ ဥက္ကဋ္ဌကြီးကလည်း နေမကောင်းဖြစ်နေတာ အချိန်အတော်ကြာပြီဖြစ်နေတော့ သူနေမကောင်းစဉ်ကတည်းက ဒီမှာရှိတဲ့တွဲဖက်အထွေထွေအတွင်းရေးမှူး၊ အထွေထွေအတွင်းရေးမှူး အဲ့ဒီ နှစ်ယောက်က အိန္ဒြေမပျက် လုပ်နေပါတယ်”လို့ တ.စ.ည ပါတီမှ ပြောရေးဆိုခွင့်ရှိသူ ဦးထွန်းရီကပြောပါတယ်။ ပါတီဥက္ကဋ္ဌကြီးဟာ အရင်က တပ်မတော်သားဖြစ်ခဲ့တာကြောင့် သူ့ကို မင်္ဂလာဒုံ စစ်သချိုင်္င်းမှာပဲ မီးသဂြိုလ်မှာဖြစ်တယ်လို့ သိရပါတယ်။ တ.စ.ည ပါတီအတွင်း ဆက်လက်လုပ်ဆောင်ရမယ့်ကိစ္စတွေကိုတော့ ကိုဗစ်ကပ်ရောဂါကာလ ကန့်သတ်ချက်တွေ မရှိတော့တဲ့အချိန်ရောက်မှသာ ပါတီညီလာခံခေါ်ပြီး အစည်းအဝေးဆက်လုပ်ဖို့ရှိတယ်လို့ သိရပါတယ်။…

ဇန်နဝါရီ ၁၅ -၂၀၂၁ သိင်္ဂီထွန်း(VOM) ပြည်မြို့အကျဉ်းထောင်က အချုပ်သား ၂ ဦးမှာ ကိုဗစ်-၁၉ပိုးတွေ့ရှိတာကြောင့် ပြည်မြို့ကုတင် ၅၀၀ အထွေထွေရောဂါကုဆေးရုံကြီးမှာ ကျန်းမာရေးစောင့်ရှောက်မှုပေးထားတယ်လို့ သိရပါတယ်။ ” နေမကောင်းလို့ ပြရင်းနဲ့ ပိုးတွေ့တာလို့သိရတယ်။ အချုပ်သားတွေဆိုတော့ ရုံးထုတ်ရတာတွေရှိတာပေါ့။ ပိုးတွေ့သူနဲ့ထိစပ်တဲ့ ၃၂ ဦးကိုတော့ အသွားအလာကန့်သတ်စောင့်ကြည့်ထားတယ်။ သူတို့ကိုလည်း ဆေးစစ်မယ်လို့သိရတယ်”လို့ ပြည်အကျဉ်းထောင်မှ အမည်မဖော်လိုသူဝန်ထမ်းတစ်ဦးကပြောပါတယ်။ အချုပ်သား ၂ ဦးမှာ ပိုးတွေ့ရှိကြောင်းကို မနေ့က ဇန်နဝါရီ ၁၄ ရက်နေ့မှာ စစ်ဆေးသိရှိရတာဖြစ်ပြီး ပိုးရှိကြောင်းသိရှိပြီးနောက်ပိုင်း ပိုးတွေ့လူနာ နှစ်ဦးကို မိုးမေတ္တာ နာရေးကူညီမှုအသင်းက Covid-19 သီးသန့်ယာဉ်နဲ့ တင်ဆောင်ကာ ပြည်သူ့ဆေးရုံကြီး အထူးကုသဆောင်ကို ပို့ဆောင်ပေးခဲ့တာဖြစ်ပါတယ်။ “မနေ့ကပေါ့ ကျန်းမာရေးဌာနကဆက်သွယ်တော့ ကျနော်တို့အကျဉ်းထောင်ကိုသွားတယ်။ ဆက်သွယ်တော့မှ လမ်းကြောင်းထွက်တာပေါ့။ကိုဗစ်တွေ့တဲ့ ၂ယောက်ကိုခေါ်တယ်။ခေါ်ပြီး ဆေးရုံကြီးကိုပို့ပေးခဲ့တယ်။ ကျနော်တို့က အသေးစိတ်တော့မသိဘူး”လို့ မိုးမေတ္တာ နာရေးကူညီမှုအသင်းမှာ ကူညီပေးနေသူ…