ပြုံးယမ်း၊ မေ-၁၆-၂၀၂၂ မျိုးဆက်(VOM) မြောက်ကိုရီးယားနိုင်ငံမှာ ကိုဗစ်-၁၉ ရောဂါကူးစက်မှုလှိုင်းဖြစ်ပေါ်နေချိန်မှာ ကျန်းမာရေးတာ၀န်ရှိသူတွေကို ကင်ဂျုံအန်က ပြစ်တင်ပြောဆိုလိုက်ပြီး ဆေးဝါးများဖြန့်ဝေမှုတွေကို ကူညီဖို့ စစ်တပ်ကို အမိန့်ပေးလိုက်ပါတယ်။ နိုင်ငံတွင်းမှာ ဖျားနာခြင်းလို့ မြောက်ကိုရီးယားအာဏာပိုင်တွေက သတ်မှတ်ထားတဲ့ အဖျားရောဂါခံစားနေရသူ တစ်သန်းကျော်ရှိကြောင်း နိုင်ငံပိုင်းသတင်းဌာနက မေ ၁၆ ရက်တွင် ထုတ်ပြန်ထားပါတယ်။ လက်ရှိချိန်ထိ အဖျားရောဂါကြောင့် လူ ၅၀ ဦးသေဆုံးခဲ့ပေမယ့် သူတို့ထဲမှာ ကိုဗစ်-၁၉ ရောဂါကြောင့် ဘယ်လောက်သေဆုံးခဲ့တယ်ဆိုတာကိုတော့ ရှင်းလင်းစွာမသိရသေးပါဘူး။ မြောက်ကိုရီးယားမှာ ကိုဗစ်-၁၉ စမ်းသပ်မှု အကန့်အသတ်ဖြင့်သာရှိတာကြောင့် ရောဂါကူးစက်မှုကို အနည်းငယ်သာ အတည်ပြုနိုင်ပါတယ်။ ကာကွယ်ဆေးမထိုးတာနဲ့ ကျန်းမာရေးစောင့်ရှောက်မှုစနစ် ညံ့ဖျင်းခြင်းတို့ကြောင့် မြောက်ကိုရီးယားနိုင်ငံသားတွေဟာ အထူးသဖြင့် ကိုဗစ်-၁၉ ရောဂါ ကူးစက်နိုင်ခြေ မြင့်မားနေပါတယ်။ လက်ရှိမှာ တနိုင်ငံလုံးအတိုင်းအတာနဲ့ လော့ခ်ဒေါင်းချထားပါတယ်။ ကိုဗစ်-၁၉ ကူးစက်ပျံ့နှံ့နေတာနဲ့ ပတ်သက်ပြီး မြောက်ကိုရီးယားခေါင်းဆောင် ကင်ဂျုံအန်ဟာ ယခုသီတင်းပတ်ကုန်ပိုင်းမှာ ပေါ်လစ်ဗျူရိုအစည်းအဝေးပြုလုပ်ခဲ့ပြီး…

ကိယက်ဗ်၊ မေ-၁၆-၂၀၂၂ မျိုးဆက်(VOM) ရုရှားက ကျူးကျော်တိုက်ခိုက်တဲ့စစ်ပွဲကို ယူကရိန်းက အနိုင်ရနိုင်ကြောင်း နေတိုးအကြီးအကဲ စတိုတင်ဘာ့က ထုတ်ဖော်ပြောဆိုလိုက်ပါတယ်။ ယူကရိန်းအရှေ့ပိုင်း ဒွန်ဘတ်စ်ဒေသမှာ ရုရှားရဲ့ ထိုးစစ်တွေရပ်တန့်သွားကြောင်း ဗြိတိန်စစ်တပ်ကျောထောက်နောက်ခံပြုထားတဲ့ အကဲဖြတ်ချက်တစ်ခုမှာ ဖော်ပြထားတယ်လို့ သူကဆိုပါတယ်။ ဆွီဒင်ဟာ နေတိုးအဖွဲ့ထဲကို၀င်ဖို့အတွက် ထောက်ခံချက်ရရေးနဲ့ပတ်သက်ပြီး ယနေ့ လွှတ်တော်ကို သွားရောက်မယ်လို့ ဆွီဒင်၀န်ကြီးချုပ် Magdalena Andersson ကပြောပါတယ်။ ယူကရိန်းမှာ စစ်ရေးလှုပ်ရှားမှုတွေလုပ်နေတဲ့ ရုရှားကတော့ နေတိုးအဖွဲ့ချဲ့ထွင်မှုဟာ အမှားအယွင်းတခုဖြစ်လိမ့်မယ်လို့ သတိပေးပြောဆိုထားပါတယ်။ ဘော်လ်တစ်ဒေသမှာ နေတိုးအဖွဲ့ရဲ့ အကြီးဆုံးစစ်ရေးလေ့ကျင့်မှုကိုတော့ အက်စ်တိုးနီးယားနဲ့ လတ်ဗီးယားမှာ စတင်တော့မှာဖြစ်ပါတယ်။ ဒီစစ်ရေးလေ့ကျင့်မှုကို ရုရှားကယူကရိန်းကို မကျူးကျော်မီကတည်းက စီစဉ်ထားပေမယ့်လည်း လက်ရှိမှာတော့ ရုရှားရဲ့ ကျူးကျော်မှုကို တုံ့ပြန်ရေးမှာ ဘောလ်တစ်နိုင်ငံတွေနဲ့ မဟာမိတ်တွေရဲ့ စွမ်းရည်ကို စမ်းသပ်မှုဖြစ်လာပါတယ်။ Ref: BBC #voiceofmyanmar #VOM #ကိယက်ဗ်

ဒေလီ၊ မေ-၁၆-၂၀၂၂ မျိုးဆက်(VOM) အိန္ဒိယနိုင်ငံ မြောက်ပိုင်းကို ပြင်းထန်တဲ့အပူလိုင်းဖြတ်နေပြီး မြို့တော်ဒေလီရဲ့ နေရာအချို့မှာ အပူချိန် ၄၉ ဒသမ ၂ ဒီဂရီစင်တီဂရိတ်ထိရှိနေပါတယ်။ ဒါဟာ မတ်လနောက်ပိုင်း မြို့တော်ဒေလီမှာ ပဉ္စမမြောက် အပူလိုင်းဖြတ်တာ ဖြစ်ပါတယ်။ အပူချိန်ဆက်လက်မြင့်တက်နေတာကြောင့် ပြည်သူတွေ သတိထားနေထိုင်ကြဖို့ တာ၀န်ရှိသူတွေက သတိပေးထားပါတယ်။ အပူလှိုင်းကြောင့် အထူးသဖြင့် ကလေးသူငယ်တွေ၊ သက်ကြီးရွယ်အိုတွေနဲ့ နာတာရှည်ရောဂါသည်အပါအ၀င် ထိခိုက်လွယ်သူတွေ ကျန်းမာရေးထိခိုက်နိုင်ကြောင်း တာ၀န်ရှိသူတွေက သတိပေးထားပါတယ်။ ဟိမာချယ်ပရာဒက်ရှ်၊ ဟာယာနာ၊ ဥတာရာခန်၊ ပန်ဂျပ်နဲ့ ဘီဟာပြည်နယ်တို့မှာ ပြီးခဲ့တဲ့ ရက်အနည်းငယ်အတွင်း အပူချိန် မြင့်တက်လာကြောင်း အိန္ဒိယမိုးလေ၀သဌာနက ထုတ်ပြန်ထားပါတယ်။ အချို့နေရာတွေမှာ အပူချိန် ၂ ဒီဂရီစင်တီဂရိတ်ကနေ ၄ ဒီဂရီစင်တီဂရိတ်ထိ ကျဆင်းနိုင်ပေမယ့်လည်း ပြင်းထန်တဲ့ အပူဒဏ်ကနေ သက်သာရာရနိုင်ခြေမရှိကြောင်း ထုတ်ပြန်ချက်မှာ ဖော်ပြထားပါတယ်။ ဆိုးရွားတဲ့အပူလှိုင်းတွေကြောင့် ယခုနှစ်နွေရာသီအတွင်း အိန္ဒိယနိုင်ငံမြောက်ပိုင်းက သန်းနဲ့ချီတဲ့…

ဒေလီ၊ မေ-၁၄-၂၀၂၂ မျိုးဆက်(VOM) အိန္ဒိယနိုင်ငံ မြို့တော်ဒေလီိရှိ လေးထပ်အမြင့်ရှိရုံးခန်း အဆောက်အအုံတစ်ခု မေ ၁၃ ရက်တွင် မီးလောင်ကျွမ်းမှုကြောင်း လူ ၂၇ ဦထက်မနည်းသေဆုံးသွားပြီး ၁၂ ဦးဒဏ်ရာရရှိသွားကြောင်း အရေးပေါ်၀န်ဆောင်မှုဌာနက ပြောပါတယ်။ မီးစတင်လောင်ကျွမ်းချိန်မှာ အဆောက်အအုံအတွင်း လူ ၇၀ ကျော်ရှိနေပြီး ရဲတွေကပြတင်းပေါက်တွေကို ချိုးဖျက်ကာ ကြိုးတွေကိုအသုံးပြုပြီး ပ်ိတ်မိနေသူတွေကို ကယ်တင်ခဲ့ရပါတယ်။ မြို့တော်ဒေလီအနောက်ဘက်ရှိ မန်ခါမြေအောက်ရထားဘူတာရုံအနီးဖြစ်ပွားခဲ့တဲ့ အဲဒီမီးလောင်ကျွမ်းမှုကို မီးသတ်ကား အစီး ၂၀ နဲ့ ငြိမ်းသတ်ခဲ့ရပါတယ်။ မီးလောင်မှုဟာ ဝါယာရှော့ခ်ဖြစ်ပြီး စတင်ခဲ့တယ်လို့ ယူဆရပါတယ်။ ဒီဖြစ်စဉ်နဲ့ပတ်သက်ပြီး လူနှစ်ဦးကို ရဲတပ်ဖွဲ့ကဖမ်းဆီးထားပါတယ်။ သေဆုံးသူတွေအတွက် လွန်စွာ၀မ်းနည်းကြောင်း ၀န်ကြီးချုပ်မိုဒီက ပြောဆိုထားပြီး သေဆုံးသူတစ်ဦးချင်းအတွက် ဂရုဏာကြေး ဒေါ်လာ ၂၅၈၀ ပေးအပ်မယ်လို့ ဆိုပါတယ်။ အခင်းဖြစ်ရာနေရာမှာ မီးငြိမ်းသွားပေမယ့်လည်း ကယ်ဆယ်ရေးလုပ်ငန်းတွေ ဆက်လက်လုပ်ဆောင်နေကြောင်း၊ အလောင်းအများစုကို ဒုတိယထပ်မှာ တွေ့ရှိခဲ့တယ်လို့…