မေ ၊ ၁၄ – ၂၀၂၂ SP(VOM) မန္တလေး-ပြင်ဦးလွင် အဆင်းလမ်း မိုင်တိုင်အမှတ် ၁၆ / ၃ အနီး ကျောက်ချော နတ်စင်ကွေ့နားမှာ ဒီကနေ့ ညနေပိုင်းက ကားတစ်စီး တိမ်းမှောက်မီးလောင်ပြီး ကားပေါ်ပါတဲ့ လူ ၁၉ ဦး ပြင်းထန်ဒဏ်ရာရခဲ့တယ်လို့ လူမှုကူညီရေး အသင်းတွေဆီက သိရပါတယ်။ ” ဒီညနေ ၅ နာရီဝန်းကျင်က ဖြစ်တာပါ ၊ ကားက Isuzu ကားဖြစ်တယ် ၊ ကားပေါ်မှာက လူ ၃၀လိုက်ပါလာခဲ့တယ် ၊ အဲ့ဒီအထဲက အမျိုးသား ၁၂ ယောက်နဲ့ အမျိုးသမီး ၇ ယောက် ပြင်းထန်ဒဏ်ရာရတယ် ” လို့ စေတနာမွန် လူမှုကူညီရေး (အုန်းချော)က ပြောပါတယ်။ အဲ့ဒီ တိမ်းမှောက်တဲ့ကားဟာ CNG ဓာတ်ငွေ့သုံး ကားအမျိုးအစားဖြစ်တာကြောင့်…

မေ ၊ ၁၅ ၊ ၂၀၂၂ SP (VOM) စစ်ကိုင်းတိုင်း ၊ ရွှေဘိုခရိုင် ၊ ရေဦးမြို့မှာ မနေ့ မေ ၁၄ ရက် ၁ ရက်ထဲမှာ ၂ လောင်းပြိုင် လူသတ်မှု ၂ ကြိမ်ဆက်တိုက်ဖြစ်ခဲ့တယ်လို့ နယ်ခံလူမှုကူညီရေးအသင်းတွေဆီက သိရပါတယ်။ ” မနေ့က ညနေ ၃ နာရီဝန်းကျင်မှာ ဖြစ်တာပါ ၊ ပထမ ဖြစ်စဥ်က ရေဦးမြို့ရဲ့တောင်ဘက် ၅ မိုင်လောက်ဝေးတဲ့ မစိုးရိမ်ရွာ ယူကလစ်တောထဲမှာ ၂ လောင်းပြိုင်တွေ့ရတယ် ၊ သေဆုံးသူတွေက မောင်ချစ်နိုးနဲ့ ဒေါ်တင်မာဝင်း ဖြစ်တယ် ၊ ဒုတိယ ၂ လောင်းပြိုင်ဖြစ်စဥ်က နှောကုန်းရွာနားက နှောကုန်း – ချမ်းသာ မူးဘောင်လမ်းမှာတွေ့ရတာပါ ၊ သေဆုံးသူတွေက အမျိုးသား ၁ ဦးနဲ့…

မေ ၊ ၁၅-၂၀၂၂ SP(VOM) စစ်ကိုင်းတိုင်း ၊ ရွှေဘိုမြို့နယ်နဲ့ ဝက်လက်မြို့နယ်ကြားက ကျေးရွာတွေဘက်ကို အခုလ ၁၃ ရက်ကစလို့ စစ်တပ်က နယ်မြေရှင်းလင်းရေးလုပ်ငန်းတွေ တိုးမြင့် လုပ်ဆောင်လာတဲ့အတွက် ကျေးရွာပေါင်း ၂၀ ကျော်က ဒေသခံပြည်သူတွေဟာ ဘေးလွတ်ရာကို ထွက်ပြေးတိမ်းရှောင်နေရတယ်လို့ ရွှေဘိုမြို့ခံတွေဆီက သိရပါတယ်။ ” ဘာကြောင့်ပြေးရတာလည်းဆိုတော့ စစ်ကြောင်းဝင်လာတယ်ကြားရင် ရွာလုံးကျွတ်ပြေးရတယ် ၊ မပြေးပဲ ရွာမှာကျန်နေခဲ့ရင် ကျန်တဲ့သူက ဒလန်ဆိုပြီး စွပ်စွဲခံရတယ် ၊ ရွာမှာက စစ်ကြောင်းလည်းကြောက်ရ ၊ PDF လည်းကြောက်ရဆိုတော့ သူများပြေးရင် ပြေးရတာပါ ” လို့ ဒေသခံတယောက်က ပြောပါတယ်။ အဲ့ဒီလို ဘေးလွတ်ရာကို ထွက်ပြေးတိမ်းရှောင်နေရတဲ့ ကျေးရွာပေါင်း ၂၀ ကျော်နဲ့ ဒေသခံပြည်သူ ၉ ထောင်ကျော်ရှိတယ်လို့ သိရပါတယ်။ အဲ့ဒီရွာတွေကတော့ ရွှေဘိုမြို့နယ်ရဲ့ အရှေ့တောင်ပိုင်း ၊…

မေ-၁၅-၂၀၂၂ VOM မန္တလေး စက်မှုဇုန်အတွင်း လောင်းကစားကို တရားဝင်သဖွယ် ပွဲတော်ကဲ့သို့ လောင်းကစားနေတာကို ဒီနေ့နေ့ခင်းပိုင်းမှာ သက်ဆိုင်ရာ ဝင်ရောက်ဖမ်းဆီးခဲ့တယ်လို့ သိရပါတယ်။ မန္တလေးမြို့၊ စက်မှုဇုံ ( ၂ ) ၊ ကနောင်မင်းသားကြီးလမ်း (၁၃၉)လမ်းနဲ့ (၅၉)လမ်း‌ဒေါင့်မှာရှိတဲ့ မဟာဓာတ်အားလိုင်း အများပိုင်နေရာကို မြေဖို့၊ ဝင်းခတ်၊ ကာရံပြီး တရားဝင်လောင်းကစားဝိုင်းသဖွယ် စည်ကားစွာ လောင်းကစားနေကြလို့ ပတ်ဝန်းကျင်ထိခိုက်ကြောင်း တိုင်ကြားချက်ကြောင့် ဝင်ရောက်ဖမ်းဆီးတာလို့ ပတ်ဝန်းကျင်နေသူတွေက ပြောပါတယ်။ သက်ဆိုင်ရာလုံခြုံရေးအဖွဲ့က ထုတ်ပြန်ရာမှာတော့ အမျိုးသား ၄၅ယောက်၊ အမျိုးသမီး ၇ ယောက်ကို သက်သေခံပစ္စည်းတွေနဲ့အတူ ဖမ်းမိခဲ့ပြီး အောင်ပင်လယ်ရဲစခန်းမှာ လောင်းကစားအက်တွေနဲ့ ဆက်လက်အမှုဖွင့် အရေးယူထားတယ်လို့ သိရပါတယ်။ #voiceofmyanmar #VOM #လောင်းကစားဝိုင်းဖမ်းဆီး

မေ ၁၅-၂၀၂၂ SW(VOM) ရခိုင်ပြည်နယ်၊ မင်းပြားမြို့နယ်မှာ ဒီကနေ့ မနက်ပိုင်း ၉ နာရီလောက်က မိုင်းပေါက်ကွဲမှုဖြစ်ပွားပြီး ထင်းခွေသွားတဲ့ ပန်းမြောင်းတိုက်နယ်ဒေသခံ ဦးမောင်သာထွန်း အသက် (၆၀) နှစ်ဟာ ခြေထောက်နှစ်ဖက်လုံးပြတ်ထွက်ပြီး နေရာမှာပဲ သေဆုံးသွားတယ်လို့ ဒေသခံတွေရဲ့ ပြောကြားချက်အရ သိရပါတယ်။ ဒါ့အပြင် အမ်းမြို့နယ်၊ ဒါးလက်ချောင်းကျေးရွာအုပ်စု ဒါးလက်မြောက်ကျေးရွာမှာ မနေ့ မေလ ၁၄ ရက်နေ့ ညနေပိုင်း ၃ နာရီခွဲလောက်က သီဟို၌စိုက်ခင်းအတွင်း မြေမြုပ်မိုင်းနင်းမိရာကနေ ပေါက်ကွဲမှုဖြစ်ပြီး ဒေသခံတဦး နေရာမှာတင် ပွဲချင်းပြီးသေဆုံးသွားတယ်လို့ ကျေးရွာတာဝန်ရှိသူတွေဆီကနေ သိရပါတယ်။ ဒါးလက်မြောက်ရွာအနီး မြေမြုပ်မိုင်းပေါက်ကွဲလို့ ဒေသခံတစ်ဦးသေဆုံးတာနဲ့ ပတ်သက်ပြီး ကျေးရွာတာဝန်ခံ ဦးသန်းဦးက “ ဖြစ်တာကတော့ သီဟို၌စိုက်ခင်းထဲကိုသွားပြီး သီဟို၌စေ့တွေကောက်တယ်။ ပြီးတော့ တောထဲကိုလည်း ဝမ်းစာရှာဖို့သွားရင်း နင်းမိတာပါ။ သူ့အခြေအနေကတော့ ဒဏ်ရာကအရမ်းပြင်းတော့ မနေ့က အဲဒီနေရာမှာပဲ ဆုံးသွားပါတယ်။…

မေ ၊၁၆-၂၀၂၂ SP(VOM) စစ်ကိုင်းတိုင်း၊ ကသာခရိုင်၊ ဗန်းမောက်မြို့နယ်နဲ့ ဟုမ္မလင်းမြို့တို့ကို ကိုယ်ထူကိုယ်ထ ဆက်သွယ်ဖောက်လုပ်ထားတဲ့ ဗန်းမောက် – အနောက်တော – နမ့်စက် – ဟုမ္မလင်း ကားလမ်းဘက်မှာ အဆက်မပြတ် မိုးရွာနေတဲ့အတွက် ကားတွေ သွားလာလို့မရဘဲ တောင်ပေါ်မှာ ပိတ်မိနေတယ်လို့ ကားသမားတွေဆီက သိရပါတယ်။ ” အခုလ ၁၃ ရက်ကနေစလို့ လမ်းမကောင်းလို့ ကားတွေ ပိတ်မိနေတာပါ ၊ ကုန်စိမ်းနဲ့ စားသောက်ကုန်တွေကတော့ ရက်ကြာလာတဲ့အတွက် ပုတ်သိုးပျက်စီးကုန်တယ် ၊ ပိတ်မိနေတဲ့ ကားအရေအတွက်က အတက်ကားရော အဆင်းကားပါဆို ၅၀ ကျော်မယ် ” လို့ ကားသမားတယောက်က ပြောပါတယ်။ အရင်က အခုလို မိုးဦးကာလတွေနဲ့ မိုးရာသီတွေမှာ ကောလင်း ၊ ပင်လည်ဘူး ၊ ဖောင်းပြင် ဟုမ္မလင်းလမ်းကို ကားတွေက အသုံးပြု…