မေ ၁၆-၂၀၂၂ Shy V (VOM) မြန်မာနဲ့ တရုတ် အဓိကကုန်သွယ်ရာ ဂိတ်တခုဖြစ်တဲ့ ကျင်စန်းကျော့ကနေ ဂိတ်ပေါက်အသစ် ထပ်ဖွင့်ပြီး မနေ့ မေလ ၁၅ ရက်နေ့ကစတင်ကာ တရုတ်ဘက်ကို ကြံတွေ စတင် တင်ပို့နေပြီဖြစ်တယ်လို့ မြန်မာဘက်က ကြံ လုပ်ငန်းရှင်ကုန်သည်တွေဆီက သိရပါတယ်။ “မနေ့ကတော့ ၇ စီးဝင်တယ်။ တရက်ကို ဘယ်နှစီး ဝင်နိုင်မယ်ဆိုတာတော့ မသိသေးဘူး။ တရက်ကို အစီး ၅၀ ဝင်နိုင်အောင်တော့ ကြိုးစားသွားမယ်။” လို့ မြန်မာ လုပ်ငန်းရှင် ၁ ဦး က ပြောပါတယ်။ တရုတ်ဘက်က ကြံ ကုမ္ပဏီတွေအနေနဲ့ အခု မေလမှာ နောက်ဆုံးအနေနဲ့ လက်ခံမှာဖြစ်လို့ အမြန်ဆုံး နယ်ခြား စည်းရိုးတွေဖျက်၊ တံခါးပေါက်တွေဖွင့်ပြီး ‌လမ်းတွေညှိ၊ ကရိန်းတွေ အထိုင်ချကာ အမြန်ဆုံး စီစဉ်နေရတာဖြစ်တယ်လို့ သိရပါတယ်။…

မေ ၊ ၁၆-၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ မြိုင်မြို့နယ် မြောက်ပိုင်းမှာ စစ်တပ်က နယ်မြေရှင်းလင်းရေး လုပ်ငန်းတွေတိုးမြင့် လုပ်ဆောင်လာတဲ့အတွက် တိုက်ပွဲရှောင်ပြည်သူအရေအတွက်ဟာလည်း တိုးမြင့်လာနေပြီး အဲ့ဒီ တိုက်ပွဲရှောင်တွေထဲကပြည်သူ ၂ထောင်နီးပါးဟာ နေအိမ်တွေ မီးရှို့ခံရတာကြောင့် အိုးမဲ့ အိမ်မဲ့ အခြေအနေနဲ့ ရင်ဆိုင်နေရတယ်လို့ မြိုင်မြို့နယ် ပရဟိတအဖွဲ့တွေဆီက သိရပါတယ်။ ” အခုလ ၁၃ ရက်စလို့ မြိုင်နယ် မြောက်ပိုင်းကို အထူးစစ်ဆင်ရေးလုပ်ပြီး တပ်က စစ်ကြောင်းထိုးလာတယ် ၊ ပိတောက်ကန် ခေါ် ရွာရှည်ရွာထဲကို လက်နက်ကြီးကျည်တွေကျပြီး ပေါက်ကွဲတယ် ၊ ဘယ်အဖွဲ့က ပစ်တယ်ဆိုတာ ဘယ်သူမှ မသိကျဘူး ၊ လူနေအိမ်ပေါ်ကျရောက်ပေါက်ကွဲပြီး အသက် ၆၀ အရွယ် အဖိုးအဖွား လင်မယား ၂ ယောက်နဲ့ အသက် ၃၀…

မေ ၁၆-၂၀၂၂ VOM (GG) မွန်ပြည်နယ်ရှိ ဆံတော်ရှင်ကျိုက်ထီးရိုးဘုရားကို ဒီနေ့မေလ ၁၆ ရက် မနက်အစော ၂ နာရီကျော်လောက်က မိုးကြိုးလျှပ်စီးစက်ကွင်း အနည်းငယ်ခခဲ့တယ်လို့ ဘုရားဂေါပကအဖွဲ့ဆီကသိရပါတယ်။ ” ဒီနေ့မနက် ၂ နာရီ ၄၀ လောက်မှာ မိုးကြိုးကွင်းခခံရတာပါ။ကြီးကြီးမားမားထိခိုက်တာတော့မရှိဘူး၊ရွှေသင်္ကန်းကပ်ထားတာတွေ ကွာကျတာမျိုးပဲရှိတာပါ ” လို့ ဂေါပကအဖွဲ့ဝင်တဦးကပြောပါတယ်။ ကျိုက်ထီးရိုးဘုရားရဲ့ကျောက်လုံးတော်ကြီး အောက်ခြေကနေ အမြင့် ၆ ပေကျော်ကျော်လောက်မှာ ၃ ပေခန့်ရှိတဲ့ အစင်းကြောင်းအရာ ဖြစ်ပေါ်ခဲ့သလို နောက်ထပ် ၆ လက်မ ပတ်လည်လောက် သရိုးဖတ်တွေ ကွာကျသွားခဲ့တာပဲရှိပြီး အခြား ကြီးကြီးမားမား ထိခိုက်တာမျိုးမရှိဘူးလို့ သိရပါတယ်။ ” မနေ့က မိုးတော်တော်လေးကို သည်းတာ၊ကြောက်ဖို့တောင်ကောင်းတယ်။မိုးကြိုးတွေပစ်တာလည်း တအုန်းအုန်းနဲ့၊လေကတော့ နည်းနည်းပဲ တိုက်တယ်၊ ကျနော်တို့ကြားရသလောက်တော့ ဘုရား ကြီးကြီးမားမားထိခိုက်တာမရှိဘူးလို့သိရတယ် ” လို့ ဒေသခံတဦးက ပြောပါတယ်။ မနေ့က…

မေ ၁၆-၂၀၂၂ KT(VOM) ငြိမ်းချမ်းရေး ကြိုးပမ်းမှုဆောင်ရွက်ချက်မှု လုပ်ငန်းစဉ်များကို ကြိုဆိုထောက်ခံခြင်းနှင့် ပြည်ပစွက်ဖက်နှောက်ယှက်မှုများကို ရှုပ်ချသည့်ပွဲကို ဒီကနေ့မနက်ပိုင်းက နေပြည်တော် ဥပါတ္တသန္တိဘုရားကြီးရှေ့ရှိ တပေါင်းကွင်းမှာ ကျင်းပပြုလုပ်ခဲ့ပါတယ်။ အဲ့ဒီထောက်ခံပွဲ မကျင်းပခင် မနက် ၇နာရီခန့်က ဒက္ခီဏသီရိ အမျိုးသမီးရေးရာအဆောက်အဦးရှေ့မှာ အသံဗုံးပေါက်ကွဲမှုဖြစ်ခဲ့တယ်သေးတယ်လို့ “ထောက်ခံပွဲလုပ်တာက ပုဗ္ဗသီရိမြို့နယ်၊ ဥပါတ္တသန္တိဘုရားတပေါင်းကွင်း၊ ကွဲတာကဒက္ခိဏသီရီအမျိုးသမီးရေးရာအဆောက်အဦးရှေ့မှာပါ။ ဗုံးကအသံဗုံး နံနက် ၇း၁၅ လောက်မှာကွဲတာ၊ နေရာခြင်းတော့တနေရာဆီပါ”လို့ အမည်မဖော်လိုသူတဦးကပြောပါတယ်။ အဲ့ဒီပွဲကို ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဦးဆောင်ကာ ငြိမ်းချမ်းရေးလိုလားသူတွေနဲ့ စုပေါင်းပြုလုပ်တဲ့ပွဲဖြစ်တယ်လို့လည်း သိရပါတယ်။ #voiceofmyanmar #VOM #နေပြည်တော် #ငြိမ်းချမ်းရေး #ထောက်ခံပွဲ

မေ ၊ ၁၆-၂၀၂၂ SP(VOM) စစ်ကိုင်းတိုင်း ၊ ကလေးမြို့နယ် တောင်ပိုင်း ၊ မြစ်သာမြစ်ရဲ့ အရှေ့ဘက်ကမ်းနဲ့ နွားတောင် တောင်တန်းအကြားမှာ စစ်တပ်က နယ်မြေရှင်းလင်းရေး လုပ်တာတွေ အရှိန်တိုးမြင့်လာတဲ့အတွက် ပစ်ခတ်တာတွေဖြစ်ပြီး အဲ့ဒီနယ်ဘက်က ရွာတွေဟာ လူမနေရဲတော့ဘဲ ဘေးလွတ်ရာကို ထွက်ပြေးတိမ်းရှောင်နေရတယ်လို့ နယ်ခံတွေဆီက သိရပါတယ်။ ” မနေ့က မနက် ၁၀ နာရီဝန်းကျင်မှာ နွားတောင်ဘက်ကို လေယာဥ်တွေနဲ့ လာပစ်တယ် ၊ ရွာနားမှာ တိုက်ပွဲဖြစ်တော့ ရွာမှာမနေရဲလို့ ထွက်ပြေးတိမ်းရှောင်နေရတာပါ ” လို့ တိုက်ပွဲရှောင် ဒေသခံတယောက်က ပြောပါတယ်။ မနေ့က မနက်အစောပိုင်း စစ်ကြောင်းဝင်ရောက်လာတဲ့အတွက် ကုက္ကို ၊ လယ်ကြား ၊ ရှားတော ၊ စည်းဟောင် ၊ အရှေ့စည်း ၊ ဒိုးနွယ် ၊ တင်သား ၊…