ဒေလီ၊ မေ-၁၃-၂၀၂၂ မျိုးဆက်(VOM) အိန္ဒိယနိုင်ငံမြောက်ပိုင်း ဥတာရာခန်ပြည်နယ်မှာ အိမ်ထောင်သက်ခြောက်နှစ်ကြာအထိ မြေးမွေးမပေးတဲ့ တဦးတည်းသောသားနဲ့ ချွေးမဖြစ်သူတို့ကို မိဘနှစ်ပါးက တရားစွဲဆိုလိုက်ပါတယ်။ သားဖြစ်သူကို ပြုစုပျိုးထောင်ပေးပြီး ခမ်းနားသောမင်္ဂလာပွဲအပါအ၀င် သူ့အတွက် လေယာဉ်မှူးသင်တန်းအတွက် စုဆောင်းငွေတွေကို အသုံးပြုခဲ့ရကြောင်း မိဘတွေဖြစ်တဲ့ အသက် ၆၁ နှစ်အရွယ် ဆန်ဂျီဗ်နှင့် ၅၇ နှစ်အရွယ် ဆက်ဟာနာပရာဆက်တို့ကပြောပါတယ်။ တနှစ်အတွင်း သားဖြစ်သူဇနီးမောင်နှံက မြေးမွေးမပေးနိုင်ဘူးဆိုရင် အမေရိကန်ဒေါ်လာ ခြောက်သိန်းငါးသောင်းနီးပါးကို လျော်ကြေးငွေအဖြစ် မိဘတွေက တောင်းခံထားပါတယ်။ ဒီကိစ္စနဲ့ပတ်သက်ပြီး သားဖြစ်သူ ဇနီးမောင်နှံက မှတ်ချက်ပေးခြင်းမရှိသေးပါဘူး။ သားဖြစ်သူအတွက် စုဆောင်းငွေအားလုံးအသုံးပြုခဲ့ပြီး လေယာဉ်မှူးသင်တန်းအတွက် ၂၀၀၆ ခုနှစ်မှာ အမေရိကန်သို့ စေလွှတ်ခဲ့ကြောင်း မစ္စတာ ပရာဆက်ကပြောပါတယ်။ သားဖြစ်သူဟာ ၂၀၀၇ ခုနှစ်မှာ အိန္ဒိယသို့ပြန်လာခဲ့ပေမယ့် အလုပ်ပြုတ်ခဲ့တာကြောင့်မိသားစုက သူ့ကိုငွေရေးကြေးရေးအရ နှစ်နှစ်ကျော် ထောက်ပံ့ခဲ့ရကြောင်း အိန္ဒိယအခြေစိုက် သတင်းဌာနတွေက ဖော်ပြထားပါတယ်။ အသက် ၃၅…

ဝါရှင်တန်၊ မေ-၁၃-၂၀၂၂ မျိုးဆက်(VOM) အမေရိကန်-အာဆီယံထိပ်သီးဆွေးနွေးပွဲ တက်ရောက်ဖို့ အမေရိကန်နိုင်ငံကို ရောက်ရှိနေတဲ့ ကမ္ဘောဒီးယား၀န်ကြီးချုပ်ဟွန်ဆန်ဟာ သူ့ကိုထောက်ခံသူတွေနဲ့ တွေ့ဆုံမှုတခုအတွင်း ဖိနပ်နဲ့ ပစ်ပေါက်ခံခဲ့ရပါတယ်။ ဝါရှင်တန်မှာဖြစ်ပွားခဲ့တဲ့ အဲဒီဖြစ်စဉ်နဲ့ပတ်သက်တဲ့ ဓါတ်ပုံနဲ့ ရုပ်သံမှတ်တမ်းတွေကို ခမာဘာသာနဲ့ သတင်းတင်ဆက်တဲ့ monoroom.info ၀က်ဘ်ဆိုက်မှာ ဖော်ပြထားတာကို တွေ့ရမှာဖြစ်ပါတယ်။ တစုံတယောက်က ပစ်ပေါက်လိုက်တဲ့ အဲဒီဖိနပ်ဟာ ၀န်ကြီးချုပ်ဟွန်ဆန်ကိုတော့ ထိမှန်ခဲ့ပုံမရပါဘူး။ ဟွန်ဆန်ဟာ ကမ္ဘောဒီးယား အတိုက်အခံတွေနဲ့ တက်ကြွလှုပ်ရှားသူတွေကို ဖိနှိပ်မှုတွေကြောင့် အမေရိကန်အစိုးရနဲ့ အခြားနိုင်ငံတွေက ဝေဖန်မှုတွေနဲ့ ရင်ဆိုင်နေရသူဖြစ်ပါတယ်။ ဟွန်ဆန်အပါအ၀င် အာဆီယံခေါင်းဆောင်တွေဟာ မေ ၁၂ ရက်မှာ အမေရိကန်လွှတ်တော် ခေါင်းဆောင်တွေနဲ့ နေ့လယ်စာစားခဲ့ကြပြီး အာဆီယံဒေသတွင်းမှာ ဒီမိုကရေစီကျဆင်းမှုကို အံတုဖို့နဲ့ လူ့အခွင့်အရေးတွေကို အကာအကွယ်ပေးရေ အတူတကွလုပ်ဆောင်ကြဖို့ အမေရိကန်တာ၀န်ရှိသူတွေက တိုက်တွန်းခဲ့ကြပါတယ်။ အဲဒီနောက်မှာတော့ သမ္မတဂျိုးဘိုင်ဒင်နဲ့ ညစာစားပွဲမကျင်းပမီမှာ အမေရိကန်စီးပွားရေးလုပ်ငန်းရှင်တွေနဲ့ အာဆီယံခေါင်းဆောင်တွေဟာ တွေ့ဆုံခဲ့ကြပါသေးတယ်။ Ref: Reuters…

ပြုံးယမ်း၊ မေ-၁၃-၂၀၂၂ မျိုးဆက်(VOM) မြောက်ကိုရီးယားမှာ ကိုဗစ်-၁၉ ရောဂါကြောင့် ပထမဆုံးလူသေဆုံးမှုကို အတည်ပြုခဲ့ပြီး လူသောင်းပေါင်းများစွာဟာ အဖျားရောဂါလက္ခဏာများခံစားနေရကြောင်း နိုင်ငံပိုင် သတင်းဌာနက ထုတ်ပြန်ကြေညာပါတယ်။ အိုမီခရွန်ဗိုင်းရပ်စ်ကူးစက်ခံရမှုကြောင့် လူခြောက်ဦးသေဆုံးခဲ့ပြီး ဖျားနာနေသူ ၁၈၇၀၀၀ ကို သီးခြားခွဲထားပြီး ကုသမှုပေးနေကြောင်း နိုင်ငံပိုင် ကေစီအင်န်အေ သတင်းဌာနက မေ ၁၃ ရက်မှာ ထုတ်ပြန်ထားပါတယ်။ မြောက်ကိုရီးယားမှာ ကိုဗစ်-၁၉ ရောဂါကူးစက်မှုဟာယခင်အချိန်တွေကတည်းက ရှိနေတယ်လို့ ကျွမ်းကျင်သူတွေက ယုံကြည်ထားသော်လည်း မြောက်ကိုရီးယားအာဏာပိုင်တွေကတော့ မေ ၁၂ ရက်မှသာ ပထမဆုံး ရောဂါကူးစက်မှုကို အတည်ပြုကြေညာခဲ့တာဖြစ်ပါတယ်။ မြို့တော်ပြုံးယမ်းမှာ အိုမီခရွန်ဗိုင်းရပ်စ်ကူးစက်မှု ဖြစ်ပွားခဲ့ကြောင်း အာဏာပိုင်များက အတည်ပြုခဲ့ပြီး လော့ခ်ဒေါင်းအစီအမံတွေကို ကြေညာခဲ့ပါတယ်။ ဒါပေမယ့် ရောဂါဖြစ်ပွားမှုအရေအတွက်ကို ထုတ်ပြန်ခြင်းမရှိပါဘူး။ မြောက်ကိုရီးယားဟာ နိုင်ငံတကာအသိုင်းအဝိုင်းက သန်းပေါင်းများစွာသော ကိုဗစ်-၁၉ ကာကွယ်ဆေးတွေ ပေးအပ်ဖို့ ကမ်းလှမ်းမှုကို ပယ်ချခဲ့ပါတယ်။ ကပ်ရောဂါစတင်ဖြစ်ပွားပြီးနောက် ၂၀၂၀…

ပေကျင်း၊ မေ-၁၂-၂၀၂၂ မျိုးဆက်(VOM) ခရီးသည် ၁၁၃ ဦးကို တင်ဆောင်ထားတဲ့ တရုတ်ခရီးသည်လေယာဉ်တစီးဟာ ချုံကင်းလေဆိပ်မှာ မေ ၁၂ ရက်က ပြေးလမ်းချော်ပြီး မီးလောင်မှုဖြစ်ပွားခဲ့ပါတယ်။ တိဘက်လေကြောင်းလိုင်းက Airbus A319 လေယာဉ်ဟာ တိဘက်ကိုယ်ပိုင်အုပ်ချုပ်ခွင့်ရဒေသရှိ နင်ချီမြို့ကို ပျံသန်းဖို့ လုပ်ဆောင်နေစဉ် မီးလောင်မှုဖြစ်ပွားခဲ့တာဖြစ်ပြီး လူ ၃၆ ဦးဒဏ်ရာရရှိခဲ့ပါတယ်။ လေယာဉ်ပေါ်မှာ ခရီးသည် ၁၁၃ ဦးနဲ့ လေယာဉ်အမှုထမ်း ကိုးဦးလိုက်ပါသွားတယ်လို့ တရုတ်လေကြောင်း အာဏာပိုင်တွေက ပြောပါတယ်။ အားလုံးကို ဘေးလွတ်ရာကို ရွှေ့ပြောင်းပေးထားပြီး ဒဏ်ရာရသူ ၃၆ ဦးကို ဆေးရုံပို့ထားတယ်လို့ အာဏာပိုင်တွေက ပြောပါတယ်။ လေယာဉ်မှူးတွေဟာ လေယာဉ်ရဲ့ မူမမှန်မှုကို သတိထားမိတာကြောင့် ပျံသန်းမှုကို ရပ်တန့်လိုက်ပြီးနောက် လေယာဉ်ဟာ ပြေးလမ်းချော်ကာ မီးလောင်မှုဖြစ်ပွားခဲ့ကြောင်း တာ၀န်ရှိသူတွေက ပြောပါတယ်။ မတ်လအတွင်းကလည်း တရုတ်နိုင်ငံတောင်ပိုင်း Guangxi Zhuang ကိုယ်ပိုင်အုပ်ချုပ်ခွင့်ရဒေသမှာ…

ပြုံးယမ်း၊ မေ-၁၂-၂၀၂၂ မျိုးဆက်(VOM) မြောက်ကိုရီးယားမှာ ကိုဗစ်-၁၉ ရောဂါပထမဆုံး ကူးစက်မှုကို အတည်ပြုပြီးနောက် တင်းကြပ်တဲ့ လော့ခ်ဒေါင်းအစီအမံတွေချမှတ်လိုက်ကြောင်း နိုင်ငံပိုင် ကေစီအင်န်အေ သတင်းဌာနက မေ ၁၂ ရက်မှာ ထုတ်ပြန်ပါတယ်။ မြို့တော်ပြုံးယမ်းမှာ အိုမီခရွန်ဗိုင်းရပ်စ်ကူးစက်မှုဖြစ်ပွားခဲ့ကြောင်း နိုင်ငံပိုင်သတင်းဌာနက ဖော်ပြခဲ့ပေမယ့် ကူးစက်မှုအရေအတွက် ဘယ်လောက်လဲဆိုတာကိုတော့ အသေးစိတ်ထုတ်ပြန်ခြင်းမရှိပါဘူး။ ဒီဖြစ်စဉ်ဟာ နိုုင်ငံရဲ့အကြီးမားဆုံးသော အရေးပေါ်အခြေအနေဖြစ်ပြီး အရေးပေါ်တုံ့ပြန်မှုတွေကို ပြင်ဆင်ဖိုဇ့အတွက် မြောက်ကိုရီးယားခေါင်းဆောင် ကင်ဂျုံအန်က အရေးပေါ်ဆွေးနွေးပွဲတွေ ပြုလုပ်ခဲ့တယ်လို့ ဆိုပါတယ်။ လေ့လာသူတွေကတော့ ကိုဗစ်-၁၉ ရောဂါဟာ မြောက်ကိုရီးယားမှာ ကူးစက်နေတာ ကြာနေပြီလို့ ယူဆနေကြပါတယ်။ မြောက်ကိုရီးယားဟာ တရုတ်နိုင်ငံထုတ် ဆီနိုဗက်ကာကွယ်ဆေးနဲ့ အန်စထရာဇန်နီကာ ကာကွယ်ဆေးတွေ ပေးအပ်ဖို့ကမ်းလှမ်းမှုကို ပယ်ချခဲ့ပြီး လက်ရှိချိန်ထိ ပြည်သူတွေကို ကိုဗစ်ကာကွယ်ဆေးထိုးနှံပေးခြင်းမရှိသေးပါဘူး။ မြောက်ကိုရီးယားဟာ ကပ်ရောဂါစတင်ဖြစ်ပွားချိန်မှစပြီး နယ်စပ်တွေကို ပိတ်ထားခြင်းဖြင့် ကူးစက်မှုကိုတားဆီးဖို့ ရည်မှန်းထားခဲ့ပြီး ဒီလိုလုပ်ဆောင်မှုကြောင့် စီးပွားရေကျဆင်းခြင်းနဲ့ စားနပ်ရိက္ခာပြတ်လပ်မှုတွေ…