ဆိုးလ်၊ မတ်-၁၆-၂၀၂၂ မျိုးဆက်(VOM)   မြောက်ကိုရီးယားဟာ အမျိုးအမည်မသိ ဒုံးကျည်တစ်စင်းကို စမ်းသပ်ပစ်လွှတ်ခဲ့ပြီး အဲဒီစမ်းသပ်မှုဟာ အောင်မြင်ဖွယ်မရှိဘူးလို့ တောင်ကိုရီးယားစစ်ဘက်က မတ် ၁၆ ရက်မှာပြောပါတယ်။   အဲဒီဒုံးကျည်ကို မြောက်ကိုရီးယားနိုင်ငံ ပြုံးယမ်းမြို့ပြင် တနေရာကနေပစ်လွှတ်ခဲ့တာဖြစ်ပြီး ယခင်ကတိုက်ချင်းပစ်ဒုံးကျည်တွေလို့ အမေရိကန်ကစွပ်စွဲခဲ့တဲ့ စမ်းသပ်မှုအပါအ၀င် ဒုံးကျည်အများအပြား စမ်းသပ်ပစ်လွှတ်ခဲ့ရာသောနေရာဖြစ်ပါတယ်။   မကြာသေးမီ သီတင်းပတ်တွေအတွင်း မြောက်ကိုရီးယားဟာ သူ့ရဲ့လက်နက်စမ်းသပ်မှုကို အရှိန်မြှင့်လုပ်ဆောင်နေချိန်မှာ အခုလိုဒုံးကျည်စမ်းသပ်မှု ထပ်မံပြုလုပ်ခဲ့တာလည်း ဖြစ်ပါတယ်။   မြောက်ကိုရီးယားဟာ ဒီနေ့နံနက် ၉ နာရီ ၃၀ မိနစ်၀န်းကျင်မှာ ဆူနန်ဒေသကနေ အမျိုးအမည်မသိ ဒုံးပျံတစ်စင်းကို စမ်းသပ်ပစ်ခတ်ခဲ့ပြီး ပစ်လွှတ်ပြီးများမကြာမီ စီစဉ်ထားတဲ့အတိုင်း အောင်မြင်ခဲ့ဖွယ်မရှိဘူးလို့ တောင်ကိုရီးယား ပူးတွဲစစ်ဦးစီးချုပ်များအဖွဲ့က ထုတ်ပြန်ထားပါတယ်။   ယခုနှစ်အတွင်းမှာ မြောက်ကိုရီးယားဟာ လက်နက်စမ်းသပ်မှု ကိုးကြိမ်ပြုလုပ်ခဲ့ပြီး တိုက်ချင်းပစ်ဒုံးကျည် အပြည့်အ၀စမ်းသပ်ပစ်လွှတ်မှုမတိုင်မီ ဒုံးကျည်နည်းပညာသစ်ရဲ့ အစိတ်အပိုင်းတွေကို စမ်းသပ်ခဲ့ကြောင်း…

ကိယက်ဗ်၊ မတ်-၁၆-၂၀၂၂ မျိုးဆက်(VOM)   ယူကရိန်းမှာ တိုက်ခိုက်မှုတွေပြုလုပ်နေတဲ့ ရုရှားတပ်ဖွဲ့၀င်တွေအနေနဲ့ လက်နက်ချဖို့ ယူကရိန်းသမ္မတ ဇီလန်စကီးက မတ် ၁၅ ရက်မှာ တိုက်တွန်းပြောဆိုလိုက်ပါတယ်။   ရုရှားတပ်ဖွဲ့၀င်တွေအနေနဲ့ ချေချင်းညာပဋိပက္ခထက် ယူကရိန်းကို ကျူးကျော်မှုမှာ ပိုမိုထိခိုက်ဆုံးရှုံးနေတယ်လို့ သမ္မတ ဇီလန်စကီးက ညစဉ်ပြောတဲ့ ရုပ်သံမိန့်ခွန်းမှာ ပြောဆိုပါတယ်။   စစ်ပွဲကြောင့် ဘာအောင်မြင်မှုမှမရဘူးဆိုတာ ရုရှားတွေနားလည်လာပြီလို့ သူကဆိုပါတယ်။ ရုရှားတပ်ဖွဲ့၀င်တွေအနေနဲ့ အသက်ရှင်သန်လိုတာကို သိရှိကြောင်း လက်နက်ချသူတွေကို လူပီသစွာ ဆက်ဆံသွားမယ်လို့ ဇီလန်စကီးကပြောပါတယ်။   ယူကရိန်းစစ်ပွဲဆန့်ကျင်ရေး ဆိုင်းဘုတ်ကိုင်ပြီး ရုရှားနိုင်ငံပိုင်သတင်းဌာနက တိုက်ရိုက်သတင်းတင်ဆက်စဉ်မှာ ဆန္ဒထုတ်ဖော်ခဲ့တဲ့ Marina Ovsyannikova အတွက်ကိုလည်း ဂုဏ်ယူကြောင်း၊ အဲဒီလိုမျိုး အမှန်တရားကို ထုတ်ဖော်ဖို့ မရပ်မနားကြိုးစားနေတဲ့ ရုရှားနိုင်ငံသားတွေကို ကျေးဇူတင်တယ်လို့ ယူကရိန်းသမ္မတကပြောပါတယ်။   ရုရှားနဲ့ယူကရိန်းအကြား ပဋိပက္ခချုပ်ငြိမ်းရေး ဆွေးနွေးပွဲတွေကို ဆက်လက်ကျင်းပသွားမှာဖြစ်ပြီး ဆွေးနွေးမှုတွေဟာ…

– မြို့တော်ကီယက်ဗ်က လူနေတိုက်ခန်းတွေ နဲ့ မြေအောက်ဘူတာတစ်ခု ကို ရုရှားက လက်နက်ကြီးတွေနဲ့ ပစ်ခတ်နေပါတယ်။ သေဆုံးသူတွေရှိပေမယ့် ဘယ်နှစ်ဦးသေဆုံးတယ်ဆိုတာ မသိရသေးပါဘူး။ ကီယက်ဗ်မှာ နှစ်ရက် ညမထွက်ရ ကာဖြူးအမိန့် ( ညနေ၆နာရီ – နံနက်၅နာရီ) ထုတ်ထားပါတယ်။   – အင်္ဂါနေ့မှာ ကီယက်ဗ်က အရပ်သားတွေလိုက်ပါလာတဲ့ ကားအစီးရေ ၂၀၀၀ နီးပါး မြို့ကနေ ဘေးလွတ်ရာဆီကို ထွက်ခွာနိုင်ပါတယ်။   – ကီယက်ဗ် မြို့တော်ဝန်က ခက်ခဲကြမ်းတမ်းပြီး အန္တရာယ်များတဲ့ ကာလကိုဖြတ်သန်းနေကြ ရတယ်လို့ သတိပေးလိုက်ပါတယ်။   – ယူကရိန်းနဲ့ ရုရှားကိုယ်စားလှယ်တွေအကြား အပစ်ရပ်ရေးကိုဆွေးနွေးပွဲ မနက်ဖြန်မှာ ဆက်ဆွေး‌နွေးမယ်လို့ သိရပါတယ်။   – ရုရှားက သိမ်းပိုက်ထားတဲ့ ကါဇွန်၊ မာလီတီပို၊ Berdyansk ဘာဒီယန်စခါ မြို့တွေမှာ ရုရှားဆန့်ကျင်ရေးဆန္ဒပြပွဲတွေ ဆက်ဖြစ်နေပါတယ်။…

ကိယက်ဗ်၊ မတ်-၁၅ မျိုးဆက်(VOM)   ရုရှားနဲ့ ယူကရိန်းတို့အကြား လာမယ့်သီတင်းပတ်တွေအတွင်း ငြိမ်းချမ်းရေးသဘောတူညီချက်တရပ်ကို လက်မှတ်ရေးထိုးနိုင်တယ်လို့ ယူကရိန်းသမ္မတ ဇီလန်စကီးရဲ့ အကြံပေး တဦးဖြစ်သူ Alexey Arestovich က မတ် ၁၄ ရက်မှာ ထုတ်ဖော်ပြောဆိုလိုက်ပါတယ်။   “ဖြစ်နိုင်တာကတော့ မေလမှာ ငြိမ်းချမ်းရေး သဘောတူညီချက် ရနိုင်မယ်လို့ ကျွန်တော် ယုံကြည်ပါတယ်၊ မေလ အစောပိုင်းမှာ ဒါမှမဟုတ် စောနိုင်ပါသေးတယ်လို့ သူကဆိုပါတယ်။   အကောင်းဆုံး အခြေအနေတခုအနေနဲ့ ရုရှားတပ်တွေ ဆုတ်ခွာရေး သဘောတူညီချက်ကို တပတ်မှ နှစ်ပတ်အတွင်း ရရှိနိုင်တယ်လို့ Alexey Arestovich ကပြောပါတယ်။   မနေ့ကပြုလုပ်ခဲ့တဲ့ နှစ်ဘက်အကြား အွန်လိုင်းကတဆင့် စတုတ္ထအကြိမ် ဆွေးနွေးပွဲဟာ ပိုမိုအပြုသဘောဆောင်တယ်လို့ သူကဆိုပါတယ်။   ရုရှား-ယူကရိန်း ၁၉ ရက်ကြာ စစ်ပွဲအတွင်း ရုရှားစစ်လေယာဉ် အစင်း…

ကိယက်ဗ်၊ မတ်-၁၅-၂၀၂၂ မျိုးဆက်(VOM)   ယူကရိန်းနိုင်ငံ ကိယက်ဗ်မြို့ကို ရုရှားက မတ် ၁၄ ရက် ညပိုင်းမှာ အပြင်းအထန် လေကြောင်းတိုက်ခိုက်မှုတွေ ပြုလုပ်ခဲ့ပြီး လူနေအဆောက်အအုံတွေပါ တိုက်ခိုက်ခံခဲ့ရပါတယ်။   ကိယက်ဗ်မြို့ပေါ်က လူနေအဆောက်အအုံတခုကို လေကြောင်းတိုက်ခိုက်ခဲ့ရာမှာတော့ လူနှစ်ဦးသေဆုံးပြီး ၃၅ ဦးကိုတော့ ကယ်တင်နိုင်ခဲ့တယ်လို့ ယူကရိန်းအရေးပေါ်ဌာနကပြောပါတယ်။   အဲဒီလို လေကြောင်းတိုက်ခိုက်မှုတွေမှာ ထိမှန်ပျက်စီးခဲ့တဲ့နေရာနဲ့ အဆောက်အအုံတွေက Sviatoshynskyi ခရိုင်မှာရှိတဲ့ ကိုးထပ်နဲ့ ၁၆ ထပ်အမြင့်ရှိ အဆောက်အအုံနှစ်ခု၊ Podilskyi ခရိုင်ရှိ၁၀ ထပ်လူနေ အဆောက်အအုံ၊ Darnytskyi ခရိုင်မှာရှိတဲ့ အိမ်ယာတခု၊ Lukyanivska မြေအောက်ရထားဘူတာရဲ့ အစိတ်အပိုင်းတွေဖြစ်ပြီး ဘူတာကတော့ လုပ်ငန်းလည်ပတ်နိုင်ဆဲဖြစ်တယ်လို့ ကိယက်ဗ်မြို့ အုပ်ချုပ်ရေးအဖွဲ့က ထုတ်ပြန်ထားပါတယ်။   ယူကရိန်းအပေါ် ရုရှားရဲ့ အခုလိုတိုက်ခိုက်မှုတွေကြောင့် နျူကလီးယားစစ်ပွဲဖြစ်ပွားလာနိုင်တဲ့ အလားအလာနဲ့ပတ်သက်ပြီး စိုးရိမ်ပူပန်ကြောင်း ကုလသမဂ္ဂအတွင်းရေးမှုးချုပ် အန်တိုနီယို…

ပေကျင်း၊ မတ်-၁၅-၂၀၂၂ မျိုးဆက်(VOM)   တရုတ်နိုင်ငံမှာ မတ် ၁၅ ရက်နေ့က ရောဂါကူးစက်ခံရသူ ငါးထောင်ကျော်ထိ စံချိန်တင်မြင့်တက်ခဲ့တယ်လို့ အာဏာပိုင်တွေက ထုတ်ပြန်ထားပြီး အများစုမှာ ဂျီလင်ပြည်နယ်မှဖြစ်တဲ့အတွက် ပြည်နယ်တွင်းနေထိုင်သူ ၂၄ သန်းကို မတ် ၁၄ ရက်မှာ လော့ခ်ဒေါင်းချလိုက်ပါတယ်။   ဂျီလင်ပြည်နယ်တစ်ခုလုံးနဲ့ နည်းပညာအချက်အခြာနေရာဖြစ်တဲ့ ရှန်ကျန်းဒေသရှိ ဒေသခံတွေအပါအ၀င် နိုင်ငံတ၀န်းရှိ ပြည်သူသန်းပေါင်းများစွာဟာ ကိုဗစ်ကန့်သတ်ချက်တွေနဲ့ လက်ရှိမှာရင်ဆိုင်နေရပါတယ်။   ဒီလို ကိုဗစ်-၁၉ဆိုင်ရာ ကန့်သတ်မှုတွေ ပိုမိုလုပ်ဆောင်လာမှုကြောင့် တရုတ်နိုင်ငံရှိ နိုင်ငံတကာကုမ္ပဏီတွေဟာလည်း သူတို့ရဲ့လုပ်ငန်းလည်ပတ်မှုတွေကို ရပ်ဆိုင်းလိုက်ရတဲ့ အခြေအနေတွေကြုံတွေ့နေရပါတယ်။   လုပ်ငန်းများရပ်ဆိုင်းထားရတဲ့ နိုင်ငံတကာ ကုမ္ပဏီများထဲမှာ တိုယိုတာ၊ ဗောက်၀က်စ်ဂွန် နဲ့ အက်ပဲအတွက် စမတ်ဖုန်းအစိတ်အပိုင်းတွေထုတ်လုပ်ပေးတဲ့ ဖော့စ်ကွန်း ကုမ္ပဏီတို့လည်း ပါ၀င်နေပါတယ်။   ကိုဗစ်-၁၉ ဆိုင်ရာလော့ခ်ဒေါင်းချမှတ်ခြင်းတွေကြောင့် အရေးပါသောထောက်ပံ့ရေး ကွင်းဆက်တွေပြတ်တောက်သွားနိုင်တယ်ဆိုတဲ့ စိုးရိမ်မှုများလည်း လက်ရှိမှာတိုးပွားလာနေပါတယ်။…