သြဂုတ် ၂၁ ၊၂၀၂၆ GG (VOM) ရခိုင်ပြည်နယ်၊ မောင်တောမြို့နယ်၊ အင်းဒင်ကျေးရွာမှာ စစ်ကျန်ဗုံးသီးပေါက်ကွဲလို့ အသက် ၅ နှစ်အရွယ်ကလေးအပါအဝင် ကလေးငယ် ၁၀ ယောက်ထိခိုက်ဒဏ်ရာရရှိခဲ့တယ်လို့ သိရပါတယ် ။ သြဂုတ် ၂၀ ရက်နေ့ ၊ နေ့လယ် ၁၁ နာရီကျော်လောက်လောက်မှာ ကလေးငယ် ၁၀ ယောက်ဟာ စစ်ကျန်ဗုံးသီးကို ထုရိုက်ကစားရာကနေ ပေါက်ကွဲမှုဖြစ်ပြီး ထိခိုက်ဒဏ်ရာရရှိခဲ့တာဖြစ်ကြောင်း အဲဒီထဲမှာ ခြောက်ယောက်က ဒဏ်ရာပြင်းထန်တယ်လို့သိရ ပါတယ်။ ” ကလေးတွေက သူတို့ကစားနေကျ ခြံလွတ်ထဲမှာ သွားပြီး ကစားကြတာ ။ အဲဒီမှာ ဗုံးသီးကို ဘယ်ကဘယ်လိုရတယ်မသိဘူး ။ထုကြရိုက်ပြီး ဆော့ ကြတော့ ဗုံးကပေါက်ကွဲမှုဖြစ်တာ။ ခုထိအကုန်လုံး ဆေးကုသမှုခံယူနေရပါတယ်။ဖြစ်တဲ့ကလေးတွေက အင်ဒင်းရွာက ငါးယောက် ၊ ပဲရုံရွာက ငါးယောက်ပါတယ် ။ ” လို့ စစ်ရှောင်…

ဩဂုတ် ၂၁ ၊ ၂၀၂၆ CC (VOM) မန္တလေးတိုင်း၊ စဉ့်ကူးမြို့နယ်၊ ပင်လယ်ကြီးကျေးရွာမှာ ​ဒေသတွင်းလက်နက်ကိုင်အဖွဲ့က နေအိမ်အတွင်းဝင်ရောက်ပစ်ခတ်လို့ မိသားစုဝင်သုံးယောက်အပါအဝင် ငါးယောက်သေဆုံးပြီး နှစ်ယောက်ထိခိုက်ဒဏ်ရာ ရရှိခဲ့တယ်လို့ သိရပါတယ်။ ဩဂုတ် ၂၀ ရက်နေ့ ည ၇ နာရီလောက်မှာ လက်နက်ကိုင်ထားတဲ့ လူခြောက်ယောက်က ဆိုင်ကယ်နှစ်စီးနဲ့ ဦးထွန်းထွန်းဝင်း နေအိမ်ကို ရောက်လာပြီး သေနတ်နဲ့ ပစ်သတ်ခဲ့တာဖြစ်တယ်လို့ သိရပါတယ် ။ ” အသတ်ခံရတဲ့အထဲမှာ မိသားစုဝင်သုံးယောက်က လင်မယားနှစ်ယောက်နဲ့ သူ့ယောက္ခမပါ ။ နောက်ထပ်နှစ်ယောက်ကတော့ အဲဒီရွာကပဲ ။ ဒဏ်ရာတွေက ခေါင်းနဲ့ဗိုက်မှာ အများဆုံးတွေ့ရတယ်။ စဥ့်ကူးဘက်က ခုကတည်းက လုံခြုံရေး နိုင်ထားဖို့လိုတယ်။ ” လို့ လုံခြုံရေးတပ်ဖွဲ့နဲ့နီးစပ်သူက ပြောပါတယ်။ အသတ်ခံခဲ့ရသူတွေကတော့ ဦးထွန်းထွန်းဝင်း နဲ့ ဇနီးဖြစ်သူ ဒေါ်ဇာခြည်ဝင်း ၊ ယောက္ခမဖြစ်သူ ဒေါ်ဝင်းမြိုင်…

ဩဂုတ် ၂၀၊ ၂၀၂၆ Shy V (VOM) ရှမ်းပြည်နယ်မြောက်ပိုင်း၊ ကိုးကန့် MNDAA ထိန်းချုပ်ထားတဲ့ ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်မှာ တရုတ်ရဲ့ သတင်းပေးမှုအရ ဩဂုတ်လ ၁၇ ရက်နေ့က အွန်လိုင်း ငွေလိမ် ကျားဖြန့်ဂိုဏ်း တခုကို ဖမ်းဆီးပြီး တရုတ်ဘက်ကို လွှဲပြောင်း ပေးခဲ့ကြောင်း ဒေသခံတွေဆီက သိရပါတယ်။ “ဖမ်းဆီးရမိတဲ့ အွန်လိုင်းငွေလိမ်ဂိုဏ်း ဦးရေတော့ မသိရဘူး ခင်ဗျ။ တရုတ်ဘက်က သတင်းအရ ဖမ်းတာပါ။” လို့ ဒေသခံ အမျိုးသား တယောက်က ပြောပါတယ်။ လောက်ကိုင်မြို့ တုံချိန်ဘက်ရှိ 91 ဟိုတယ်ကို MNDAA တပ်ဖွဲ့က ဩဂုတ်လ ၁၇ ရက်နေ့ ညနေပိုင်းမှာ ဝင်ရောက် စီးနင်း ဖမ်းဆီးခဲ့တာ လို့သူက ပြောပါတယ်။ ဖမ်းဆီးရမိတဲ့ တရုတ်နိုင်ငံသား အွန်လိုင်းငွေလိမ်လုပ်ငန်းရှင်နဲ့ တရုတ်နိုင်ငံသား…

ဩဂုတ်၂၀ ၊ ၂၀၂၆ GG (VOM) မကွေးတိုင်း၊ မကွေးမြို့နယ် ကန်ဦးကျေးရွာမှာ အဖေဖြစ်သူရဲ့ အရက်ကြောင်ကြောင်ပြီး ပြင်းထန်စွာ ရိုက်နှက်မှုကြောင့် အသက် ၅ နှစ်အရွယ်သား သေဆုံးခဲ့ရတယ်လို့ သိရပါတယ်။ ဖြစ်စဥ်က ဩဂုတ် ၁၉ ရက်နေ့မနက် ၈ နာရီခန့်လောက်မှာ သားဖြစ်သူကို အဖေဖြစ်သူက ရွာအပြင်ဘက်ခေါ်ထုတ်သွားပြီး ကိုင်ပေါက်ခြင်း ၊ ရိုက်နှက်ခြင်း ၊ လည်ပစ်ညှစ်တာတွေပြုလုပ်ခဲ့တာကြောင့် ကလေးငယ်သေဆုံးခဲ့တယ်လို့ သိရပါတယ် ။ ” အဖေက အရက်ကြောင်နေပေမယ့်လည်း မိဘဆိုတော့ အဲဒီလိုသေလောက်တဲ့အထိ မလုပ်လောက်ဘူးထင်တာရယ် ၊ မူးနေတော့ မပြောချင်တာနဲ့ ကလေးကိုထည့်ပေးလိုက်ကြတာလို့သိရတယ်။ ကလေးခန္ဓာကိုယ်မှာ တုတ်နဲ့ရိုက်ထားတဲ့ဒဏ်ရာတွေလည်းတွေ့ရတယ်။ ကလေးက သူခေါ်သွားပြီးရိုက်တဲ့နေရာမှာပဲ ဆုံးသွားတာ ။ အ​ဖေဖြစ်ပြီးတော့ ကိုယ့်သားသမီးကို ဒီလောက်တောင်လုပ်ရက်တယ်။ ” လို့ ဖြစ်စဥ်သိတဲ့ ဒေသခံကပြောပါတယ်။ ဖခင်ဖြစ်သူရဲ့ ရိုက်နှက်တာကိုခံရလို့ ကလေးငယ်မှာ…

ဩဂုတ် ၂၀ – ၂၀၂၆ SS (VOM) ရန်ကုန်တိုင်း၊ ဒဂုံမြို့နယ်၊ ဘုရားကြီးရပ်ကွက်၊ ရွှေတိဂုံဘုရား မြောက်ဘက်မုခ်နဲ့ အနောက်ဘက်မုခ်ကြားရှိ ဗုဒ္ဓဘာသာကလျာဏယုဝအသင်း (YMBA) ရုံးခန်းကို ဒီကနေ့ ဩဂုတ် ၂၀ ရက်၊ နေ့လယ် ၁၂ နာရီ၊ မိနစ် ၅၀ က လက်နက်ကိုင် လူလေးယောက် ရောက်လာပြီး ဗဟိုအတွင်းရေးမှူးကို ဖမ်းဆီးခေါ်ဆောင်ဖို့ ကြိုးစားခဲ့တယ်လို့ ဒီဖြစ်စဉ်ကို သိရှိသူတွေက ပြောပါတယ်။ အခင်းဖြစ်ချိန် အသင်းရုံးခန်းအတွင်း ဗဟိုအတွင်းရေးမှူး ဦးမောင်မောင်ညွန့်၊ ရန်ကုန်တိုင်း အတွင်းရေးမှူး ဒေါ်မြတ်စုလှိုင်တို့နဲ့အတူ တခြား အမျိုးသား နှစ်ယောက်၊ အမျိုးသမီး တယောက်၊ စုစုပေါင်း ငါးယောက် ရှိနေခဲ့တာဖြစ်ပြီး အမည်မသိ အမျိုးသား လေးယောက် ရောက်လာကာ ဗဟိုအတွင်းရေးမှူးကို ထိုးကြိတ်ဖမ်းဆီးဖို့ လုပ်ဆောင်ခဲ့တာလို့ သိရပါတယ်။ “ဗဟိုအတွင်းရေးမှူးကို လူနှစ်ယောက်က ချုပ်ပြီး…