တီဟီရန် ၊ မတ်-၁၃-၂၀၂၄ မျိုးဆက်(VOM) တရုတ်၊ ရုရှားနဲ့ အီရန်တို့ရဲ့ ပူးတွဲရေတပ်စစ်ရေးလေ့ကျင်မှုကို အိုမန်ပင်လယ်ကွေ့မှ စတင်နေပြီဖြစ်ပြီး စစ်ရေးလေ့ကျင့်မှုကို မတ် ၁၂ ရက်မှ ၁၄ ရက်ထိ ပြုလုပ်သွားမှာဖြစ်ပါတယ်။ သုံးနိုင်ငံ ပူးတွဲစစ်ရေးလေ့ကျင့်မှုမှာ ရုရှားရဲ့ ခရူဇာစစ်သင်္ဘောဦးဆောင်တဲ့ ရေယာဉ်အုပ်စု ၊ တရုတ်ရဲ့ ဒုံးကျည်ဖျက်သင်္ဘောအပါအဝင် စစ်ရေယာဉ်အစီး ၂၀ ကျော်ပါဝင်ခဲ့တယ်လို့ ရုရှားကာကွယ်ရေးဝန်ကြီးဌာနက ထုတ်ပြန်ထားပါတယ်။ စစ်ရေးလေ့ကျင့်မှုမှာ မှောင်ခိုမှုတိုက်ဖျက်ရေးနဲ့ ကယ်ဆယ်ရေးလေ့ကျင့်ခန်းတွေပါဝင်ပြီး ပါကစ္စတန်နှင့် တောင်အာဖရိကတို့ကလည်း လေ့လာသူအဖြစ်ပါဝင်တယ်လို့ အီရန်နိုင်ငံပိုင် သတင်းဌာနက ဖော်ပြထားပါတယ်။ စစ်ရေးလေ့ကျင့်မှုဟာ ဒေသတွင်း ငြိမ်းချမ်းရေးနဲ့ တည်ငြိမ်ရေးကို ကာကွယ်ဖို့ရည်ရွယ်ကြောင်း တရုတ်ကာကွယ်ရေးဝန်ကြီးဌာနက ထုတ်ပြန်ထားပါတယ်။ တရုတ်၊ အီရန်နဲ့ ရုရှားတို့ဟာ အမေရိကန်အပါအဝင်အနောက်အုပ်စုနို်ငငံတွေကိုဆန့်ကျင်ပြီး ညီညွတ်ကြောင်း ပြသလိုနေတယ်လို့ အကဲခတ်တွေကဆိုပါတယ်။ ယူကရိန်းကို ရုရှားရဲ့ ကျူးကျော်မှု၊ ကုန်သွယ်မှုအပါအဝင် တရုတ်နိုင်ငံရဲ့ လူ့အခွင့်အရေးချိုးဖောက်မှုနဲ့ သလျှိုကိစ္စ၊…

Voice of Myanmar ကမ္ဘာပတ်လမ်းကြောင်းတွင် လွှတ်တင်ထားသော ဆိုဗီယက်တို့၏ မီယာ အာကာသစခန်းသို့ အာကာသယာဉ်မှူး လီယိုနစ်ကီဇင်နှင့် ဗလာဒီမာဆိုလော့ယက်ဗ်တို့ကို ဆိုယုဇ် အာကာသာယာဉ်ဖြင့် ၁၉၈၆ ခုနှစ် မတ် ၁၃ ရက်တွင် ပထမဆုံး စေလွှတ်ခဲ့သည်။

  သည်ဟိတ်၊ မတ်-၁၂-၂၀၂၄ မျိုးဆက်(VOM) နိုင်ငံတကာရာဇဝတ်ခုံရုံး(အိုင်စီစီ) ဥက္ကဌအဖြစ် ဂျပန်တရားသူကြီး အကာနီတိုမိုတိုကို ရွေးချယ်တင်မြှောက်ခံရပြီး သူဟာ အိုင်စီစီတရားရုံးကို ဦးဆောင်ခွင့်ရတဲ့ ပထမဆုံးသော ဂျပန်လူမျိုးဖြစ်လာပါတယ်။ နယ်သာလန်နိုင်ငံ သည်ဟိတ်အခြေစိုက် အိုင်စီစီတရားရုံးက သူ့ကို မဲပေးရွေးချယ်ခဲ့ခြင်းဖြစ်ကြောင်း မတ် ၁၁ ရက်မှာ ထုတ်ပြန်ထားပြီး သူ့ရဲ့ ရာထူးသက်တမ်းကတော့ သုံးနှစ်ဖြစ်ပါတယ်။ အကာနီတိုမိုတိုဟာ ၂၀၁၈ ခုနှစ် မတ်လကကတည်းက အိုင်စီစီတရားသူကြီးဖြစ်လာခဲ့ပါတယ်။ သူဟာ ယခင်က ဂျပန်နိုင်ငံမှာ အစိုးရရှေ့နေအဖြစ် နှစ်ပေါင်းများစွာ တာဝန်ထမ်းဆောင်ခဲ့သူဖြစ်ပါတယ်။ လုပ်ဖော်ကိုင်ဖက် တရားသူကြီးတွေက အခုလို ရွေးချယ်ခဲ့တာကြောင်း ဂုဏ်ယူဝမ်းမြောက်ကြောင်း ၊ မိမိအနေနဲ့ အိုင်စီစီအဖွဲ့ဝင်နိုင်ငံဖြစ်ဖို့ ရောမစာချုပ်ကို အတည်မပြုရသေးတဲ့ နိုင်ငံများတွေနဲ့ ဆွေးနွေးမှုတွေမြှင့်တင်ပြီး လူသားမျိုးနွယ်အပေါ် ရာဇဝတ်မှုကျူးလွန်တာတွေကို အကာအကွယ်ပြုနိုင်ရေး ကြိုးပမ်းသွားမယ်လို့ အကာနီက ပြောပါတယ်။ အိုင်စီစီရဲ့ ရည်ရွယ်ချက်ဟာ စစ်ပွဲနဲ့ ပဋိပက္ခများအတွင်း လူမဆန်စွာ…

ပို့အော့ပရင့်၊ မတ်-၁၂-၂၀၂၄ မျိုးဆက်(VOM) ဟေတီနိုင်ငံမှာ သီတင်းပတ်အတန်ကြာ အကြမ်းဖက်မှုတွေ မြင့်တက်လာပြီးနောက် ဝန်ကြီးချုပ် အေရီရယ်ဟင်နရီဟာ ရာထူးကနေနှုတ်ထွက်ဖို့ သဘောတူခဲ့ကြောင်း ကာရေဘီယံနိုင်ငံများအဖွဲ့ ဥက္ကဌက ပြောပါတယ်။ ဟေတီမှာ နိုင်ငံရေးအသွင်းကူးပြောင်းရေး ဆွေးနွေးဖို့ ဒေသတွင်းခေါင်းဆောင်တွေဟာ ဂျမေကာမှာ မတ် ၁၁ ရက် တွေ့ဆုံပြီးနောက် ဝန်ကြီးချုပ် အေရီရယ်ဟင်နရီ နှုတ်ထွက်မယ့် သဘောတူညီချက် ထွက်ပေါ်လာတာဖြစ်ပါတယ်။ မစ္စတာဟင်နရီဟာ လက်ရှိမှာ လက်နက်ကိုင်ဂိုဏ်းတွေရဲ့ တားဆီးမှုကြောင့် ဟေတီကို ပြန်နိုင်ခြင်းမရှိဘဲ ပွာတိုရီကိုမှာ သောင်တင်နေပါတယ်။ သူဟာ ၂၀၂၁ ခုနှစ် ဇူလိုင်လမှာ သမ္မတဟောင်းလုပ်ကြံခံရပြီးနောက် နိုင်ငံကို ဦးဆောင်ခဲ့သူဖြစ်ပါတယ်။ ဂျမေကာမှာ ဒေသတွင်းခေါင်းဆောင်တွေ တွေ့ဆုံမှုအပြီးမျာ ဝန်ကြီးချုပ်အေရီရယ် နှုတ်ထွက်ရေး ၊ အသွင်းကူးပြောင်းရေးကောင်စီဖွ့ဲစည်းခြင်းနဲ့ ယာယီဝန်ကြီးချုပ်ခန့်အပ်ခြင်းတွေပြုလုပ်မယ့် အစီအစဉ်တွေကို သိရှိထားကြောင်း ကာရေဘီယံနိုင်ငံများအဖွဲ့ ဥက္ကဌက အတည်ပြုပြောဆိုပါတယ်။ မကြာသေးမီ သီတင်းပတ်များအတွင်း ဟေတီနိုင်ငံ မြို့တော်ပို့အော့ပရင့်ရဲ့…