ပေကျင်း ၊ ဇူလိုင်-၃-၂၀၂၄ မျိုးဆက်(VOM) တရုတ်နိုင်ငံမှာ မိုးသက်မုန်တိုင်းတွေတိုက်ခတ်ပြီး ယန်ဇီမြစ်နဲ့ အခြားမြစ်တွေ ရေကြီးလျှံလာတာကြောင့် လူနှစ်သိန်းခွဲကျော်ကို ဘေးလွတ်ရာရွှေ့ပြောင်းပေးခဲ့ရကြောင်း တရုတ်နိုင်ငံပိုင် သတင်းဌာနက ဖော်ပြထားပါတယ်။ တရုတ်နိုင်ငံမှာ မကြာသေးမီကာလတွေအတွင်း မိုးသည်းထန်စွာ ရွာသွန်းခြင်း ၊ အပူလှိုင်းဖြတ်ခြင်းစတဲ့ ပြင်းထန်တဲ့ ရာသီဥတုအခြေအနေတွေနဲ့ ရင်ဆိုင်ခဲ့ရပါတယ်။ လက်ရှိတိုက်ခတ်ခဲ့တဲ့ မုန်တိုင်းကြောင့် အန်ဟူပြည်နယ်မှာ လူကိုးသိန်းကိုးသောင်းကျော်ထိခိုက်ခဲ့ပြီး နှစ်သိန်းခွဲကျော်ကို ဘေးလွတ်ရာ ရွှေ့ပေးခဲ့ရတာဖြစ်ပါတယ်။ ပြီးခဲ့တဲ့နေ့ ညနေထိ အန်ဟူဒေသရှိ ခရိုင် ၃၆ ခရိုင်မှာ မိုးသက်မုန်တိုင်းတွေ ကျရောက်ခဲ့ပြီး နိုင်ငံရဲ့အရှည်ဆုံးမြစ်ဖြစ်တဲ့ ယန်ဇီမြစ်ဟာ သတိပေးစိုးရိမ်ရေမှတ်ထက် ကျော်လွန်နေပြီး ဆက်လက်မြင့်တက်နေတယ်လို့ ပြည်နယ်အရေးပေါ် စီမံခန့်ခွဲရေးဌာနက ထုတ်ပြန်ပါတယ်။ ဒါအပြင် မိုးဆက်လက်ရွာသွန်းမှုတွေကြောင့် ပြည်နယ်အတွင်းရှိ အခြားသောမြစ်နဲ့ ရေကန်ခြောက်ခုဟာလည်း သတိပေးချက်အဆင့်ထက် ကျော်လွန်နေကြောင်း သတိပေးထားသည်။ အန်ဟူရှိ ယန်ဇီမြစ်တလျှောက် ရေကာတာတွေနဲ့ တမံတွေကို စောင့်ကြည့်ဖို့…

  မော်စကို ၊ ဇူလိုင်-၃-၂၀၂၄ မျိုးဆက်(VOM) ရုရှားသမ္မတပူတင်ဟာ တရုတ်သမ္မတရှီကျင်းပင်နဲ့ ကာဇက်စတန်မှာ ဒီနေ့တွေ့ဆုံမှာဖြစ်ကြောင်း ရုရှားသမ္မတရုံးက ထုတ်ပြန်ပါတယ်။ကာဇက်စတန်မှာကျင်းပမယ့် ရှန်ဟိုင်းပူးပေါင်းဆောင်ရွက်ရေးအဖွဲ့ရဲ့ ထိပ်သီးဆွေးနွေးပွဲမှာ သမ္မတနှစ်ယောက် တွေ့ဆုံမှာဖြစ်ပါတယ်။ ယူကရိန်းအရေးကြောင့် အမေရိကန်အပါအဝင် ဥရောပနိုင်ငံတွေနဲ့ပဋိပက္ခတွေဖြစ်ပွားနေတဲ့ ရုရှားဟာ တရုတ်နိုင်ငံ ပူးပေါင်းဆောင်ရွက်မှုတွေ မြှင့်တင်ဖို့ ရည်ရွယ်နေတယ်လို့ အကဲခတ်တွေက ဆိုပါတယ်။ သမ္မတနှစ်ယောက်ရဲ့ တွေ့ဆုံမှုဟာ နှစ်နိုင်ငံစီးပွားရေးနဲ့ စစ်ဘက်ပူးပေါင်းဆောင်ရွက်မှုတွေ ပိုမိုခိုင်မာဖို့ သဘောတူခဲ့တဲ့ မေလထိပ်သီးဆွေးနွေးပွဲအပြီးမှာ ခုတကြိမ်ဖြစ်ပေါ်လာတာဖြစ်ပါတယ်။ သမ္မတပူတင်ဟာ ပြီးခဲ့တဲ့လက မြောက်ကိုရီးယားကို သွားရောက်ခဲ့ပြီး အရေးပေါ်အခြေအနေမှာ နှစ်နိုင်ငံအကြား စစ်ရေးကူညီပေးတာအပါအဝင် ဘက်စုံမဟာဗျူဟာမြောက် မိတ်ဖက်သဘောတူစာချုပ် ချုပ်ဆိုခဲ့ပြီး တရုတ်နဲ့ရုရှားအကြားမှာလည်း ဆက်ဆံရေးဘယ်လို နီးကပ်လာမလဲဆိုတာကို အကဲခတ်တွေက စောင့်ကြည့်နေကြပါတယ်။ လက်ရှိကျင်းပမယ့် ရှန်ဟိုင်းပူးပေါင်းဆောင်ရွက်မှုအဖွဲ့အစည်းအဝေးမှာတော့ အဖွဲ့ဝင်နိုင်ငံတွေဟာ အမေရိကန်နဲ့ ဥရောပဦးဆောင်တဲ့ မူဘောင်ကိုဆန့်ကျင်တဲ့ ရပ်တည်ချက်နဲ့ပတ်သက်ပြီး ထည့်သွင်းဆွေးနွေးဖွယ်ရှိနေပါတယ်။ Ref:NHK Photo:AP #Voiceofmyanmar #VOM…

  တိုင်ပေ၊ ဇူလိုင်-၃-၂၀၂၄ မျိုးဆက်(VOM) တရုတ်နိုင်ငံ တောင်ပိုင်းကမ်းရိုးတန်းကမ်းလွန်မှာ ထိုင်ဝမ်ငါးဖမ်းသင်္ဘောတစင်းကို တရုတ်ကမ်းခြေစောင့်တပ်က ဖမ်းဆီးထိန်းသိမ်းလိုက်ကြောင်း ထိုင်ဝမ်တာဝန်ရှိသူတွေက အတည်ပြုပြောဆိုပါတယ်။ ငါးဖမ်းသင်္ဘောကို ထိုင်ဝမ်ကထိန်းချုပ်ထားတဲ့ ကင်မင်ကျွန်းအနီးမှာ တရုတ်ကမ်းခြေစောင့်တပ်က စစ်ဆေးခဲ့ပြီး သင်္ဘောပေါ်မှာတော့ အမှုထမ်းခြောက်ယောက်ပါတယ်လို့ဆိုပါတယ်။ ဖမ်းဆီးသွားတဲ့ ငါးဖမ်းသင်္ဘောအမှုထမ်းတွေကို ချက်ချင်းပြန်လွှတ်ပေးဖို့နဲ့ ထိုင်ဝမ်ရေလက်ကြား တင်းမာမှုတွေ လျော့ပေါးရေးအတွက် တရုတ်ကို ထိုင်ဝမ်တာဝန်ရှိသူတွေက တောင်းဆိုထားပါတယ်။ ဇူလိုင် ၂ ရက်ညပိုင်းက ဖူကျန်ပြည်နယ်ကမ်းလွန်မှာ တရုတ်ကမ်းခြေစောင့်သင်္ဘောနှစ်စင်းက ရေကြောင်းဆိုင်ရာ စစ်ဆေးမှုတွေအတွက် အဆိုပါငါးဖမ်းသင်္ဘောကို ရပ်တန့်စစ်ဆေးခဲ့ကြောင်း ထိုင်ဝမ်တာဝန်ရှိသူတွေက ပြောပါတယ်။ ငါးဖမ်းသင်္ဘောကို ကယ်တင်ဖို့ ထိုင်ဝမ်ကင်းလှည့်သင်္ဘောနှစ်စင်း စေလွှတ်ခဲ့ပေမယ့်လည်း တရုတ်ကမ်းခြေစောင့်တပ်က တားဆီးခဲ့ပြီး ငါးဖမ်းသင်္ဘောကို ဖူကျန်ဆိပ်ကမ်းကို ခေါ်ဆောင်သွားတယ်လို့ ဆိုပါတယ်။ တရုတ်နိုင်ငံဟာ ထိုင်ဝမ်ကျွန်းကို ပိုင်ဆိုင်တယ်လို့ အခိုင်အမာဆိုထားပြီး ပြည်မကြီးနဲ့ ပြန်လည်ပေါင်းစည်းရေးအတွက် လိုအပ်ရင် စစ်အားသုံးမယ်လို့ ပြောဆိုထားပြီး လက်ရှိမှာလည်း ထိုင်ဝမ်ကျွန်းဝန်းကျင်မှာ စစ်ရေးလှုပ်ရှားမှုတွေ…

  ဒေလီ၊ ဇူလိုင်-၃-၂၀၂၄ မျိုးဆက်(VOM) အိန္ဒိယနိုင်ငံမြောက်ပိုင်းမှ ပြုလုပ်တဲ့ ဘာသာရေးအခမ်းအနားတခုမှာ လူအုပ်ပြိုကျမှုကြောင့် လူ ၁၁၆ ယောက် သေဆုံးသွားကြောင်း တာဝန်ရှိသူတွေက ပြောပါတယ်။ ဒီအဖြစ်အပျက်ဟာ ဥတာပရာဒေ့ရှ်ပြည်နယ် ဟာသရာ့စ်ခရိုင်မှာ ဖြစ်ပွားခဲ့တာဖြစ်ပြီး အမျိုးသမီးနဲ့ ကလေးငယ်တွေအပါအဝင် သေဆုံးသူတွေကို ဆက်လက်စိစစ်နေဆဲဖြစ်ပါတယ်။ အသေးစိတ်အချက်အလက်တွေကို ရှင်းလင်းစွာမသိရသေးပေမယ့် ထွက်ပေါက်ဟာကျဉ်းမြောင်းလွန်းပြီး လူတွေအပြင်ထွက်ချိန်မှာ ပြင်းထန်တဲ့ ဖုန်မှုန့်တွေကြောင့် ရုန်းရင်းဆန်ခတ်ဖြစ်ပြီး လူအများအပြားကို တက်နင်းမိခဲ့တာလို့ မျက်မြင်သက်သေတွေက ပြောပါတယ်။ “တရားပွဲပြီးတော့ လူတွေအားလုံးအပြင်ထွက်ချိန်မှာ အခုလိုဖြစ်တာပါ။ တချို့က မြောင်းတွေထဲကျတယ်။ သူ့အပေါ်မှာ နောက်တယောက်ထပ်ကျတယ်။ သေဆုံးသူတွေထဲမှာ ကလေးသုံးယောက်ပါတယ်” လို့ မျက်မြင်သက်သေတယောက်ကပြောပါတယ်။ လက်ရှိမှာတော့ ဖြစ်စဉ်နဲ့ပတ်သက်ပြီးတာဝန်ရှိသူတွေက စုံစမ်းစစ်ဆေးမှုတွေ ပြုလုပ်နေပါတယ်။ အိန္ဒိယနိုင်ငံမှ‌ာ ဘေးကင်းလုံခြုံရေးဆိုင်ရာ စည်းမျဉ်းတွေကို လိုက်နာမှုအားနည်းတာကြောင့် ဘာသာရေးပွဲတော်တွေမှာ လူသေဆုံးမှုတွေ ဖြစ်ပွားလေ့ရှိပါတယ်။ ၂၀၁၈ နဲ့ ၂၀၁၃ ခုနှစ်တို့မှာလည်း ဘာသာရေးပွဲတော်ကျင်းပစဉ်အတွင်း…

  Voice of Myanmar အီဂျစ်သမ္မတ မိုဟာမက်မော်စီသည် ၎င်း၏အုပ်ချုပ်မှုကိုဆန့်ကျင်သည့် ဆန္ဒပွဲများ အကြီးအကျယ်ဖြစ်ပွားပြီးနောက် ၂၀၁၃ ခုနှစ် ဇူလိုင် ၃ ရက်တွင် စစ်တပ်က ၎င်းအားရာထူးမှ ဖယ်ရှားခြင်းခံခဲ့ရသည်။ #Voiceofmyanmar #VOM #ThisDayInHistory #July3