ဝါရှင်တန်၊ ဖေဖော်ဝါရီ-၂၅-၂၀၂၄ မျိုးဆက်(VOM) အမေရိကန်နဲ့ ဗြိတိန်လေတပ်ဟာ ယီမင်ရှိ ဟူသီသူပုန်အဖွဲ့ရဲ့ ပစ်မှတ် ၁၈ နေရာကို လေကြောင်းကနေ တိုက်ခိုက်ခဲ့ပြီး ဒါဟာ ဟူသီတို့အပေါ် လေးကြိမ်မြောက် ပူးတွဲလေကြောင်း တိုက်ခိုက်တာဖြစ်ပါတယ်။ မဟာမိတ် တိုက်လေယာဉ်တွေဟာ ဟူသီတို့ရဲ့ စွမ်းဆောင်ရည် ကျဆင်းအောင်လို့ လုပ်ဆောင်နိုင်ခဲ့တယ်လို့ ဗြိတိန်စစ်တပ်က ပြောပါတယ်။ အီရန်ကျောထောက်နောက်ခံပြု ဟူသီသူပုန်တွေဟာ ပင်လယ်နီမှာ သွားလာနေတဲ့ ကုန်တင်သင်္ဘောတွေကို တိုက်ခိုက်မှုတွေလုပ်ဆောင်နေပါတယ်။ မြို့တော်ဆာနားအပါအဝင် ယီမင်ရဲ့ အစိတ်အပိုင်းအများအပြားကို ထိန်းချုပ်ထားတဲ့ ဟူသီသူပုန်တွေဟာ အစ္စရေးအပြင် အနောက်အုပ်စုနိုင်ငံတွေနဲ့ ဆက်နွယ်နေတဲ့ သင်္ဘောတွေကို ပစ်မှတ်ထားတိုက်ခိုက်နေတာဖြစ်ပါတယ်။ ယီမင်ရှိ ဟူသီပစ်မှတ်ရှစ်နေရာက ပစ်မှတ် ၁၈ ခုကို လေကြောင်းကနေ တိုက်ခိုက်ခဲ့ပြီး ဟူသီတို့ရဲ့ မြေအောက်လက်နက် သိုလှောင်ရုံ၊ အလိုအလျောက်ပစ်ခတ်မှုစနစ်၊ လေကြောင်းရန် ကာကွယ်ရေးနဲ့ ရေဒါပစ်မှတ်တွေကို ဖျက်ဆီးခဲ့တယ်လို့ အမေရိကန်က ထုတ်ပြန်ထားပါတယ်။ ကမ္ဘာ့လုံးဆိုင်ရာ…

Voice of Myanmar ချက်ကိုစလိုဗားကီးယား ကွန်မြူနစ်ပါတီသည် ဆိုဗီယက်တို့၏ ကျောထောက်နောက်ခံပြုမှုဖြင့် အစိုးရကို အငြင်းပွားဖွယ်မရှိထိန်းချုပ်နိုင်ခဲ့ပြီး ၁၉၄၈ ခုနှစ် ဖေဖော်ဝါရီ ၂၅ ရက်တွင် နိုင်ငံကို ကွန်မြူနစ်စနစ်ဖြင့် ဆယ်စုနှစ်လေးခုကြာ အုပ်ချုပ်မှုစတင်ခဲ့သည်။

  ကိယက်ဗ်၊ ဖေဖော်ဝါရီ-၂၄-၂၀၂၄ မျိုးဆက်(VOM) ယူကရိန်းစစ်တပ်ဟာ ရုရှားရဲ့ အေ-၅၀ သူလျှိုလေယာဉ်တစင်းကို ပစ်ချနိုင်ခဲ့ပြီး ဒါဟာ တလအတွင်း ဒုတိယမြောက် ရုရှားစစ်လေယာဉ်တစင်းကို ပစ်ချနိုင်ခဲ့တာဖြစ်ပါတယ်။ ရုရှား သူလျှိုလေယာဉ်ဟာ ယူကရိန်းရှေ့တန်းမှ ၁၂၄ မိုင်အကွာ ရုရှားနိုင်ငံ ရော့ဗ်အွန်ဒန်နဲ့ ကက်စ်နိုဒါ မြို့အကြားမှာ ပျက်ကျခဲ့တာလို့ ယူကရိန်းစစ်ဘက် သတင်းရင်းမြစ်တွေက ပြောပါတယ်။ ကာနက်ဗ်စကွိုင်ခရိုင်မှာ လေယာဉ်အပျက်အစီးတွေ တွေ့ရှိခဲ့ပြီး မီးလောင်နေတဲ့ အပိုင်းအစတွေကို ငြိမ်းသတ်ခဲ့တယ်လို့ အရေးပေါ်ဌာနက ထုတ်ပြန်ပါတယ်။ ရုရှားကတော့ ဒီဖြစ်စဉ်နဲ့ပတ်သက်ပြီး မှတ်ချက်ပြုပြောဆိုတာမရှိသေးပါဘူး။ ယူကရိန်းလေတပ်အကြီးအကဲ မိုင်ကိုလာအိုလက်စ်ချော့ခ်ကတော့ ရုရှားလေယာဉ်ကို ပစ်ချနိုင်အောင် စွမ်းဆောင်နိုင်ခဲ့တဲ့အပေါ် ယူကရိန်းစစ်တပ်ကို ချီးကျူးပြောဆိုထားပါတယ်။ ယူကရိန်းဟာ ရုရှားရဲ့ အေ-၅၀ သူလျှိုလေယာဉ်တစင်းကို ပြီးခဲ့တဲ့ ဇန်နဝါရီ ၁၄ ရက်က ပစ်ချနိုင်ခဲ့ပါတယ်။ ရုရှားမှာ ဒီလေယာဉ်အမျိုးအစား ခြောက်စင်းသာရှိနိုင်တယ်လို့ ဗြိတိန်ထောက်လှမ်းရေးက ဆိုပါတယ်။ ရုရှားတိုက်လေယာဉ်တွေအတွက်…

ပေကျင်း၊ ဖေဖော်ဝါရီ-၂၄-၂၀၂၄ မျိုးဆက်(VOM) တရုတ်နိုင်ငံအရှေ့ပိုင်း နန်ကျင်းမြို့ရှိ အထပ်မြင့် လူနေအဆောက်အအုံတခု မီးလောင်မှုကြောင့် လူ ၁၅ ယောက်သေဆုံးပြီး ၄၄ ယောက်ဒဏ်ရာရခဲ့တယ်လို့ ဒေသန္တရ အာဏာပိုင်တွေက ဖေဖော်ဝါရီ ၂၄ ရက်မှာပြောပါတယ်။ မီးလောင်မှုဟာ လျှပ်စစ်ဆိုင်ကယ်တွေထားရှိရာ အဆောက်အအုံရဲ့ ပထမထပ်ကနေ စတင်လောင်ကျွမ်းခဲ့ခြင်းဖြစ်တယ်လို့ သတင်းစာရှင်းလင်းပွဲမှာ တာဝန်ရှိသူတွေက ပြောပါတယ်။ မီးလောင်ခဲ့တဲ့ အထပ်မြင့်တိုက်ဟာ ရှန်ဟိုင်းမြို့အနောက်မြောက်ဘက် ကီလိုမီတာ ၂၆၀ အကွာမှာရှိပြီး လူရှစ်သန်းနေထိုင်တဲ့ နန်ကျင်းမြို့ရဲ့ ယူဟွာတိုင်ခရိုင်မှာ တည်ရှိပါတယ်။ မီးငြှိမ်းသတ်ရန် မီးသတ်ကား ၂၅ စီးထိ အသုံးပြုခဲ့ရပြီး ဒဏ်ရာရသူ ၄၄ ယောက်ကို ဆေးရုံပို့ပေးထားပြီး တယောက်မှာ အသက်အန္တရာယ် စိုးရိမ်ရကြောင်း တာဝန်ရှိသူများက ပြောပါတယ်။ ဘေးကင်းလုံခြုံရေးဆိုင်ရာ စည်းမျဉ်းများ လျော့ရဲခြင်းနှင့် လိုက်နာမှုနည်းပါးခြင်းတို့ကြောင့် တရုတ်နိုင်ငံမှာ လူအသေအပျောက်ရှိတဲ့ မီးလောင်ကျွမ်းမှုတွေ မကြခဏဆိုသလို ဖြစ်ပွားလေ့ရှိပါတယ်။ Ref:AFP…