ဒက်ကာ၊ ဖေဖော်ဝါရီ-၂၄-၂၀၂၄ မျိုးဆက်(VOM) ဆီနီဂေါသမ္မတ မက်ကီဆေးလ်ဟာ ရာထူးသက်တမ်းကုန်ဆုံးမယ့် ဧပြီ ၂ ရက်နေ့မှာ ရာထူးကနေ ဆင်းပေးမယ်လို့ ထုတ်ဖော်ကြေညာလိုက်ပါတယ်။ ဒါပေမယ့်လည်း ရွေးကောက်ပွဲကျင်းပရေးနဲ့ပတ်သက်ပြီး တင်းမာမှုတွေကတော့ ရှိနေဆဲဖြစ်ပါတယ်။ ယခုလအတွင်းမှာကျင်းပမယ့် သမ္မတရွေးကောက်ပွဲကို လာမယ့်ဒီဇင်ဘာလထိ ရွှေ့ဆိုင်းလိုက်တဲ့အပေါ် နိုင်ငံတဝန်းမှာ ဆန္ဒပြမှုတွေ အကြီးအကျယ်ဖြစ်ပွားနေပါတယ်။ ရွေးကောက်ပွဲကျင်းပမယ့် နေ့ရက်အချိန်ကိုတော့ လာမယ့် ဖေဖော်ဝါရီ ၂၆ ရက်မှာကျင်းပမယ့် နိုင်ငံရေးဆွေးနွေးပွဲတွေမှာ ဆုံးဖြတ်သွားမယ်လို့ သမ္မတ မက်ကီဆေးလ်က ပြောပါတယ်။ ဒါပေမယ့် မတည်ငြိမ်မှုတွေကို ဖြေရှင်းဖို့ရည်ရွယ်ထားတဲ့ ဆွေးနွေးပွဲတွေမှာပါဝင်ဖို့ အတိုက်အခံတွေကတော့ ငြင်းဆိုထားပါတယ်။ ရွေးကောက်ပွဲရွှေ့ဆိုင်းမှုနဲ့ပတ်သက်ပြီး သမ္မတမက်ကီဆေးလ်က နိုင်ငံတကာက ပြစ်တင်ဝေဖန်မှုများနှင့် ရင်ဆိုင်နေရပါတယ်။ ရွေးကောက်ပွဲ ရွှေ့ဆိုင်းတဲ့ သမ္မတရဲ့ဆုံးဖြတ်ချက်ဟာ ဖွဲ့စည်းပုံအခြေခံဥပဒေနဲ့ မညီညွတ်ဘူးလို့ ဆီနီဂေါဖွဲ့စည်းပုံအခြေခံဥပဒေ တရားရုံးက ပြီးခဲ့တဲ့သီတင်းပတ်မှာ အမိန့်ချခဲ့ပါတယ်။ Ref:BBC Photo:AFP

Voice of Myanmar အမေရိကန်သည် ပါရှန်ပင်လယ်ကွေ့စစ်ပွဲတွင် ကူဝိတ်ကို သိမ်းပိုက်ထားသော အီရတ်တပ်များအား လေကြောင်းတိုက်ခိုက်မှုများ ပြုလုပ်ပြီးနောက် တလအကြာ ၁၉၉၁ ခုနှစ် ဖေဖော်ဝါရီ ၂၄ ရက်တွင် မြေပြင်ထိုးစစ် စတင်ခဲ့သည်။

  ဝါရှင်တန်၊ ဖေဖော်ဝါရီ-၂၃-၂၀၂၄ မျိုးဆက်(VOM) သိပ္ပံပညာရှင်တွေဟာ ထရိုင်ရာစစ်ခေတ်က ၁၆ ပေအရှည်ရှိ နဂါးလို့ ယူဆရတဲ့ ရေနေတွားသွားသတ္တဝါ တကောင်ရဲ့ အကောင်းအတိုင်းရှိနေသေးတဲ့ ကျောက်ဖြစ်ရုပ်ကြွင်းသစ်ကို ထုတ်ဖော်ပြသလိုက်ပါတယ်။ တွေ့ရှိခဲ့တဲ့ ကျောက်ဖြစ်ရုပ်ကြွင်းဖြစ်ခဲ့တဲ့ သတ္တဝါဟာ လွန်ခဲ့တဲ့နှစ်သန်းပေါင်း ၂၄၀ ကဖြစ်ပြီး လည်ပင်းအလွန်ရှည်လျားတာကြောင့် နဂါးတကောင်လို အသွင်မျိုးဖြစ်ကာ တရုတ်နိုင်ငံတောင်ပိုင်းရှိ ထုံးကျောက်လှိုဏ်ဂူတွေထဲက ရှာဖွေတွေ့ရှိခဲ့တာဖြစ်ပါတယ်။ ဒီမျိုးစိတ်ဟာ ၂၀၀၃ ခုနှစ်မှာ စတင်ဖော်ထုတ် တွေ့ရှိခဲ့တဲ့ ဒိုင်နိုဆယ်ဖယ်လိုဆောရပ်စ် မူလမျိုးစိတ်ဖြစ်တယ်လို့ သိပ္ပံပညာရှင်တွေက ဆိုထားပြီး သမိုင်းမတင်ခင်ခေတ်က ထူးဆန်းတဲ့သတ္တဝါတကောင်ရဲ့ ခန္ဓာဗေဒဖွဲ့စည်းမှုကို အပြည့်အစုံဆုံး တွေ့ရှိခဲ့တာဖြစ်ပါတယ်။ “ ဒါဟာ သိပ္ပံပညာရှင်တွေအတွက် ပထမဆုံးအကြိမ်တွေ့ရှိတာဖြစ်ပြီး ဒါဟာ အရမ်းထူးဆန်းတဲ့ သတ္တဝါတကောင်ဖြစ်တယ်” လို့ ကျောက်ဖြစ်ရုပ်ကြွင်းကို လေ့လာနေတဲ့ နိုင်ငံတကာအဖွဲ့မှာပါဝင်သူ စကော့တလန် အမျိုးသားပြတိုက်က ဒေါက်တာ နစ်ခ်ဖရာဆာက ပြောပါတယ်။ ကျောက်ဖြစ်ရုပ်ကြွင်းမှာ ခြေလက်တွေပါဝင်ပြီး လည်ပင်းဟာ…

  ဝါရှင်တန်၊ ဖေဖော်ဝါရီ-၂၃-၂၀၂၄ မျိုးဆက်(VOM) ကမ္ဘာ့အသက်အကြီးဆုံး ခွေးအဖြစ် သတ်မှတ်ခံထားရတဲ့ ခွေးလေး ဘော်ဘီနဲ့ပတ်သက်ပြီး အငြင်းပွားမှုတွေကြောင့် အသက်အကြီးဆုံးအဖြစ် သတ်မှတ်ချက်ကို ရုပ်သိမ်းဖယ်ရှားခံခဲ့ရပါတယ်။ ပြီးခဲ့တဲ့နှစ်က သေဆုံးခဲ့တဲ့ ခွေးလေးဘော်ဘီဟာ ကမ္ဘာ့အသက်အကြီးဆုံးခွေးအဖြစ် အခိုင်အမာပြောဆိုထားတဲ့ အတိုင်း အသက်အရွယ်အကြီးဆုံးဖြစ်ကြောင်း လုံလောက်တဲ့ သက်သေမရှိဘူးလို့ ဂင်းနစ်စံချိန်အဖွဲ့က ထုတ်ပြန်ပါတယ်။ ဘော်ဘီရဲ့ အသက်အရွယ်ဟာ ပြီးခဲ့သည့်နှစ် ဖေဖော်ဝါရီလက ချီးမြှင့်ခဲ့တဲ့ မှတ်တမ်းဝင်ဆုကို ပေးအပ်ဖို့ လုံလောက်သော အထောက်အထားမရှိကြောင်း တိုင်ကြားကန့်ကွက်မှုတွေရှိခဲ့တယ်လို့ ဂင်းနစ်စံချိန်အဖွဲ့က ပြောပါတယ်။ လက်ရှိမှာ ကမ္ဘာ့အသက်အကြီးဆုံးခွေးအဖြစ် ဘယ်ခွေးက စံချိန်သစ်တင်နိုင်မယ်ဆိုတာကို မဆုံးဖြတ်ရေးသေးကြောင်း ဂင်းနစ်စံချိန်အဖွဲ့က ပြောပါတယ်။ ဘော်ဘီဟာ ပေါ်တူဂီမှဖြစ်ပြီး အဲဒီခွေးမျိုးစိတ်ဟာ ပုံမှန်အားဖြင့် အသက် ၁၂ နှစ်ကနေ ၁၄ နှစ်ထိသာ အသက်ရှည်ကြပါတယ်။ အသက်အကြီးဆုံးအဖြစ် ဆုပေးအပ်ချိန်မှာ ဘော်ဘီဟာ အသက် ၃၀ ရှိတယ်လို့ ဆိုပါတယ်။…