Voice of Myanamr အသက် ၄၃ နှစ်အရွယ် ဒီမိုကရက်တစ်နိုင်ငံရေးသမား ဂျွန်အက်ဖ်ကနေဒီသည် ၁၉၆၀ ပြည့်နှစ် နိုဝင်ဘာ ၈ ရက်တွင် အမေရိကန်၏ ၃၅ ဦးမြောက်သမ္မတအဖြစ် ရွေးချယ်ခံခဲ့ရပြီး နိုင်ငံသမိုင်းတွင် အသက်အငယ်ဆုံး သမ္မတဖြစ်သည်။

  တီဟီရန်၊ နိုဝင်ဘာ-၇-၂၀၂၃ မျိုးဆက်(VOM) အကျဉ်းချခံထားရတဲ့ အီရန်လူ့အခွင့်အရေးလှုပ်ရှားသူ နာဂျက်စ် မိုဟာမာဒီဟာ ငြိမ်းချမ်းရေးနိုဘယ်ဆုချီးမြှင့်ခံရပြီးနောက် တလအကြာမှာ အစာအငတ်ခံဆန္ဒပြမှု စတင်နေပြီဖြစ်ကြောင်း သူမရဲ့ မိသားစုကပြောပါတယ်။ အသက် ၅၁ နှစ်အရွယ် မိုဟာမာဒီဟာ သူနဲ့အခြားအကျဉ်းသားတွေကို ကျန်းမာရေးစောင့်ရှောက်မှု အီရန်အာဏာပိုင်တွေက ပိတ်ပင်ထားတာနဲ့ မဖြစ်မနေ ခေါင်းစည်းပုဝါဝတ်ဆင်ရမယ့် ဥပဒေကို ဆန့်ကျင်မှုအဖြစ် အစာအငတ်ခံဆန္ဒပြနေတာဖြစ်ပါတယ်။ မိုဟာမာဒီဟာ နှလုံးနဲ့အဆုတ်အခြေအနေတွေအတွက် ဆေးဝါးကုသမှုခံယူဖို့ လိုအပ်နေပေမယ့် အစိုးရရှေ့နေတွေက သူ့ကိုဆေးရုံတက်ကုသခွင့် ပိတ်ပင်ထားကြောင်း သိရပါတယ်။ သူမဟာ အကျဉ်းထောင်အတွင်းမှာ ဆံပင်ကို ဖုံးအုပ်ဖို့အတွက် ခေါင်းစည်းပုဝါဝတ်ဆငဖို့ ငြင်းဆန်ခဲ့တာကြောင့် သူ့ကို ဆေးဝါးကုသခွင့် ပိတ်ပင်ထားတာဖြစ်ကြောင်း သူ့ရဲ့မိသားစုက လွန်ခဲ့သည့်သီတင်းပတ်က ပြောပါတယ်။ အမျိုးသမီးအကျဉ်းသားတွေ ဆေးရုံတက်ဖို့အတွက် ဟီဂျပ်ဝတ်ဆင်ရမယ်ဆိုတဲ့ သတ်မှတ်ချက်ဟာ လူမဆန်သလို လက်ခံနိုင်ဖွယ်မရှိကြောင်းနဲ့ မစ္စမိုဟာမာဒီရဲ့ အခြေအနေနဲ့ပတ်သက်ပြီး အလွန်စိုးရိမ်ကြောင်း နော်ေ၀ နိုဘယ်ဆုကော်မတီဥက္ကဌက ထုတ်ဖော်ပြောဆိုပါတယ်။ Ref:BBC…

  ဆိုးလ်၊ နိုဝင်ဘာ-၇-၂၀၂၃ မျိုးဆက်(VOM) တောင်ကိုရီးယားနိုင်ငံတဝန်းမှာ ကြမ်းပိုးတွေ ကူးစက်မှုအကြီးအကျယ်ဖြစ်ပွားနေတာနဲ့ပတ်သက်ပြီး အာဏာပိုင်တွေက ထိန်းချုပ်နိုင်ဖို့ လုပ်ဆောင်နေကြပါတယ်။   ကြမ်းပိုး ကူးစက်ပျံ့နှံ့မှုတွေဟာ မြို့တော်ဆိုးလ်၊ ဘူဆန်၊ အင်ချွန်းနဲ့ အခြားမြို့တွေမှာ နိုဝင်ဘာ ၅ ရက်ထိ နေရာ ၁၇ နေရာထက်မနည်းမှာ ဖြစ်ပွားနေကြောင်း တောင်ကိုရီးယားအခြေစိုက် သတင်းဌာနတွေက ဖော်ပြထားပါတယ်။   နိုင်ငံအနောက်တောင်ပိုင်း ဒေဂူမြို့ရှိ တက္ကသိုလ်တစ်ခုမှာလည်း စက်တင်ဘာအစောပိုင်းကစပြီး ကြမ်းပိုးတွေ ကူးစက်ပျံ့နှံ့လာမှုကို ရင်ဆိုင်ခဲ့ရပါတယ်။ တောင်ကိုရီးယားပြည်သူအချို့ကတော့ ကြမ်းပိုးရန်ကြောက်လို့ ရုပ်ရှင်ရုံတွေနဲ့ အများသူငှာနေရာတွေကို ရှောင်ရှားလာကြပါတယ်။   အခုလိုမဖြစ်ပွားမီ ၁၉၆၀ ခုနှစ်တွေအတွင်း တနိုင်ငံလုံး ကြမ်းပိုးသုတ်သင်ရှင်းလင်းမှုအပြီး တောင်ကိုရီးယားမှာ ကြမ်းပိုးတွေကို အမြစ်ပြတ်ချေမှုန်းနိုင်ခဲ့ပြီလို့ ယူဆခဲ့ပါတယ်။   ဒီကိစ္စနဲ့ပတ်သက်၍ အာဏာပိုင်တွေဟာ ကြမ်းပိုးတုံ့ပြန်ရေးအဖွဲ့ဖွဲ့စည်းပြီး ဝမ်သန်း ၅၀၀ ရန်ပုံတွေနဲ့အတူ နှိမ်နှင်းဖို့ လုပ်ဆောင်နေကြပါတယ်။ တောင်ကိုရီးယားမတိုင်ခင်က…

  ဂါဇာစီးတီး၊ နိုဝင်ဘာ-၇-၂၀၂၃ မျိုးဆက်(VOM) အစ္စရေးစစ်တပ်ဟာ ဂါဇာကမ်းမြှောင်ဒေသကို တောင်နဲ့မြောက်ပိုင်းခြားလိုက်ပြီး ဂါဇာမြို့ကို ဝိုင်းထားလိုက်ပြီဖြစ်ကြောင်း အစ္စရေးစစ်တပ်က ပြောပါတယ်။ ဂါဇာရှိ ဟားမတ်စ်တွေရဲ့ ပစ်မှတ် ၄၅၀ ကျော်ကို အစ္စရေးစစ်တပ်က ညပိုင်းမှာ စစ်ဆင်ရေးပြုလုပ်တိုက်ခိုက်ခဲ့ပြီး ဥမင်လှိုဏ်ခေါင်းတွေ၊ ကင်းစခန်းတွေအပါအဝင် ဟားမတ်စ်တို့ရဲ့ အမာခံနယ်မြေတွေကို ပစ်မှတ်ထားခဲ့တယ်လို့ ဆိုပါတယ်။ ပဋိပက္ခတွေ အဆုံးသတ်ရေးအတွက် အပစ်အခတ်ရပ်စဲရေးတောင်းဆိုမှုတွေကို အစ္စရေးဝန်ကြီးချုပ် နေတန်ယာဟုက ပယ်ချထားပြီး အစ္စရေးဓါးစာခံတွေ ပြန်မလွတ်မချင်း အပစ်အခတ်ရပ်စဲဖို့ အကြောင်းမရှိဘူးလို့ ထုတ်ဖော်ပြောဆိုထားပါတယ်။ ပါလက်စတိုင်းစစ်သွေးကြွ ဟားမတ်စ်အဖွဲ့ဟာ အစ္စရေးနဲ့တိုက်ပွဲတွေအတွင်း မြေအောက်ဥမင်လိုဏ်ခေါင်းကွန်ရက်တွေကို အားထားဖွယ်ရှိနေပါတယ်။ လက်ရှိချိန်ထိ ဂါဇာကမ်းမြှောင်ဒေသမှာ အစ္စရေးရဲ့တိုက်ခိုက်မှုကြောင့် သေဆုံးသူ တသောင်းကျော်ထိ မြင့်တက်လာကြောင်း ဂါဇာကျန်းမာရေးတာဝန်ရှိသူတွေက အတည်ပြုပြောဆိုပါတယ်။ အစ္စရေးမှာတော့ ဟားမတ်စ်တွေရဲ့ တိုက်ခိုက်မှုကြောင့် လး ၁၄၀၀ ကျော်သေဆုံးခဲ့ပါတယ်။ Ref:NHK Photo: AP/ Anadolu

  Voice of Myanamr အမေရိကန်အာကာသအေဂျင်စီ(နာဆာ) သည် အင်္ဂါဂြိုဟ်ကို ရေရှည်လေ့လာရန် ဒီဇိုင်းထုတ်လွှတ်တင်ထားသည့် Mars Global Surveyor စက်ရုပ်အာကာသယာဉ်နှင့် ၂၀၀၆ ခုနှစ် နိုဝင်ဘာ ၇ ရက်တွင် အဆက်အသွယ်ပြတ်တောက်ခဲ့သည်။