နိုဝင်ဘာ ၉၊ ၂၀၂၆။ NN(VOM) ၁၀၂၇ တိုက်ပွဲကာလတုန်းက မိုင်းခွဲဖျက်ဆီးခံခဲ့ရတဲ့ ရှမ်းပြည်နယ်မြောက် ပိုင်း၊ သီပေါ-ကျောက်မဲ ကုန်သွယ်ရေးလမ်းမကြီးပေါ်က ကျင်သီ တံတားကို ပြန်လည်ပြုပြင်မှာဖြစ်တဲ့အတွက် ငါးတန်အထက် ကုန်တင်ကား တွေ ဖြတ် သန်းခွင့် ယာယီပိတ်ထားမယ်လို့ ဒေသခံတွေနဲ့ယာဉ်မောင်းတွေဆီက သိရပါတယ်။ ဒီလ ၁၀ ရက်နေ့ ညနေ ၄ နာရီကနေ ၁၃ ရက်နေ့ မနက် ၈ နာရီအထိ တံတား ပြုပြင်ရေးလုပ်ငန်းတွေ ဆောင်ရွက်မှာဖြစ်လို့ အဲဒီရက်တွေမှာ တံတားကို ယာယီ ပိတ်ထားမှာဖြစ်တယ်လို့လည်း ရှမ်းနှင့်တိုင်းရင်းသားများ ဒီမိုကရက် တစ်ပါတီရဲ့ သီပေါမြို့နယ် ပြည်သူ့လွှတ်တော် ကိုယ်စားလှယ်ကလည်းကလည်း အသိပေးထားပါတယ်။ “ကားသေးတွေကတော့ သွားလို့ရတယ်။ အဓိက ကားကြီးတွေကို ဖြတ်ခွင့် မပေးဘူး။ ကားသေးတွေလည်း အလုပ်လုပ်နေတဲ့အချိန်ဆိုရင် အလှည့်ကျနဲ့ပဲ ဖြတ်လို့ရမယ်လို့ ပြောတယ်” လို့ သီပေါမြို့ခံတယောက်က…
Read Moreဈေးနှုန်းကြီးမြင့်နေတဲ့ နိုင်ငံခြားဖြစ် ဆေးတွေကို၊ ကုမ္ပဏီတိုက်ရိုက်စျေးနဲ့ ရောင်းချပေးမယ်
ရန်ကုန်။ နိုဝင်ဘာ ၉-၂၀၂၆ EP(VOM) နိုင်ငံခြားဖြစ် ဆေးဝါးတွေဈေးနှုန်းမတည်မငြိမ် ဖြစ်နေမှုတွေကြောင့် လူသုံးများတဲ့ ဆေးဝါး ၉၀၀ ကျော်ကို နေပြည်တော်မှာ ကုမ္ပဏီ တိုက်ရိုက်ဈေးနဲ့ ရောင်းချပေးသွားမယ်လို့ သိရပါတယ်။ မြန်မာနိုင်ငံ ဆေးနဲ့ ဆေးပစ္စည်း လုပ်ငန်းရှင်များ အသင်းကနေ၊ နေပြည်တော် အနီးရှိ ပျဉ်းမနားမြို့နယ် မေခန်းမမှာ၊ နိုဝင်ဘာ ၉ ရက်နေ့က စ လို့၊ နိုဝင်ဘာ ၁၃ ရက်နေ့အထိ လေးရက်ကြာ ရောင်းချပေးသွားမှာ ဖြစ်ပါတယ်။ ရောင်းချမယ့် ဆေးဝါးပေါင်း ၉၅၃ မျိုးရှိပြီး၊ အများစု ရောင်းချမယ်ဆေးတွေကတော့ ဆီးချို ၊သွေးတိုး၊ နှလုံးရောဂါ ၊ အစာအိမ်နဲ့ အူလမ်း ကြောင်း ဆိုင်ရာကုသတဲ့ဆေး၊ ဆီး နဲ့ ကျောက်ကပ်ရောဂါအတွက်ဆေး တို့ ဖြစ်ပါတယ်။ ဒါအပြင် အအေးမိ နှာစေး ၊ ဖျားနာ…
Read Moreဖိလစ်ပိုင်ကို ပြောင်းဆန် တန်ချိန်တသောင်း တင်ပို့မယ်
ရန်ကုန်။ နိုဝင်ဘာ ၉-၂၀၂၆ EP(VOM) ဖိလစ်ပိုင်နိုင်ငံကို ပြောင်းဆန် တန်ချိန် တသောင်း တင်ပို့ဖို့ ရှိတာကြောင့် ပြည်တွင်းပြောင်းဆန်စျေးကွက် ပြန်တက်လာနေတယ်လို့ မြန်မာနိုင်ငံ ပြောင်းလုပ်ငန်းရှင်များ အသင်းက ပြောပါတယ်။ နိုဝင်ဘာလအတွင်း ဖိလစ်နိုင်ငံကို ပြောင်းတန်ချိန် တသောင်းထိ တင်ပို့ဖို့ရှိတာကြောင့် ပြောင်းဆန်စျေးကွက် ပြန်လည် လှုပ်ရှားလာတယ်လို့ အသင်းတာဝန်ရှိသူတဦးက ဆိုပါတယ်။ ပြောင်းဆန်စျေး တဟုန်ထိုးကျမသွားအောင်လို့ ပြည်ပ ဝယ်လက်တွေနဲ့ ဆွေးနွေးခဲ့တာဖြစ်တယ်လို့ သူကဆိုပါတယ်။ မြန်မာက ပြည်ပကို တင်ပို့နေတဲ့ ပြောင်းဟာ စိုထိုင်းဆ ၁၄ ရှိတဲ့ပြောင်းဆန်တွေဖြစ်ပြီး တိရိစ္ဆာန်အစာအဖြစ် အသုံးပြုကြပါတယ်။ ပြည်ပကို ပြောင်းဆန်တင်ပို့ရမှု ဆက်တိုက်ကျခဲ့လို့ အောက်တိုဘာလမှာ ပြောင်းဆန်တပိဿာကို ကျပ် ၁,၆၉၀ မှ ၁,၇၁၀ အထိသာ ရှိခဲ့ပါတယ်။ နိုဝင်ဘာ လဆန်းပိုင်းမှာတော့ ပြောင်းဆန်တစ်ပိဿာကို ကျပ် ၁,၈၄၀ မှ ၁,၈၆၀ ခန့်အထိ…
Read Moreပို့ကုန်ရငွေ နိုင်ငံခြားငွေစာရင်းမှာ ထားရှိခွင့်ကာလ ၄၅ ရက်အထိ တိုးမြှင့်ခွင့်ပြု
နိုဝင်ဘာ ၉ – ၂၀၂၆ SN (VOM) ပို့ကုန်တင်ပို့သူတွေအနေနဲ့ ပြည်ပမှ ပို့ကုန်ရငွေ သတ်မှတ်ချက်အတိုင်း ပို့ကုန်လုပ်ငန်းရှင်ရဲ့ နိုင်ငံခြားငွေဘဏ်စာရင်းမှာ ထားရှိခွင့်ကို ရက်ပေါင်း ၃၀ အစား ၄၅ ရက်အထိ တိုးမြှင့် သတ်မှတ်လိုက်တယ်လို့ မြန်မာနိုင်ငံတော်ဗဟိုဘဏ်က ထုတ်ပြန် ကြေညာထားပါတယ်။ အခုလို ပို့ကုန်ရငွေတွေထဲက ကိုယ်တိုင်သုံးစွဲနိုင်မယ့် ပမာဏကို ဘဏ်စာရင်းမှာ ထားရှိနိုင်မယ့်ရက် တိုးမြှင့်ပေးခြင်းဟာ ပို့ကုန် လုပ်ငန်းရှင်တွေအနေနဲ့ သွင်းကုန်လိုင်စင် လျှောက်ထားခြင်း၊ ပြည်ပကို ငွေပေးချေခြင်းလုပ်ငန်းတွေ ဆောင်ရွက်ရာမှာ အချိန်ပိုမိုရရှိစေဖို့အပြင် ပို့ကုန်နဲ့ သွင်းကုန်အတွက် နိုင်ငံခြားငွေ လုပ်ငန်းလည်ပတ်မှု အဆင်ပြေ ချောမွေ့စေဖို့၊ ကုန်သွယ်မှုကဏ္ဍ ဖွံ့ဖြိုးတိုးတက်စေဖို့ ရည်ရွယ်တာလို့ သိရပါတယ်။ ဒီအကြောင်းအရာနဲ့ ပတ်သက်လို့ ပို့ကုန်၊ သွင်းကုန် လုပ်ငန်းရှင်တယောက်က “အရင်တုန်းက ရက် ၃၀ ပဲဆိုတော့ ငွေဝင်လာပြီးတာနဲ့ သတ်မှတ်ရက်အတွင်း အမြန်ဆုံးပြန်သုံးဖို့၊…
Read Moreရည်ညွှန်းစျေးထုတ်ပြီးနောက် စပါးစျေး ပြန်ကျ
နိုဝင်ဘာ ၁၀ ၊ ၂၀၂၆ GG (VOM) မိုးစပါးကို အခြေခံရည်ညွှန်းစပါးဈေးနှုန်းသတ်မှတ်လိုက်ပြီးနောက်၊ ပြည်တွင်းစပါးစျေးကွက်မှာ ကျပ်သိန်း ၂၀ အောက်အထိ ပြန်ကျသွားပြီး အဝယ်အေးသွားတယ်လို့ သိရပါတယ်။ အစိုဓာတ် (၁၄)% ရှိပြီး အဖျင်း၊ အမှော်၊ ဖုန်၊ သဲ၊ ခဲ ကင်းစင်ပြီး အရည်အသွေးဆိုင်ရာ သတ်မှတ်စံချိန်စံညွှန်းတွေနဲ့ ကိုက်ညီတဲ့ တတင်း၄၆ ပေါင်ကိုက် စပါးတင်းတရာကို၊ အခြေခံရည်ညွှန်းဈေးနှုန်း ဆယ့်သုံးသိန်း ငါးသောင်းကျပ် အဖြစ် သတ်မှတ်လိုက်တာပါ။ ဒါ့ကြောင့် သီတင်းကျွတ်ရုံးပိတ်ရက် အပြီးကတည်းက ကုန်သည်နဲ့ ပွဲစားတွေက စပါးစျေးကို ဆက်တိုက်စျေးချပြီး ဝယ်ယူလာနေတာ ဖြစ်ပါတယ်။ သီတင်းကျွတ် မတိုင်ခင်က ရိတ်ခြွေစက်ကျ စပါးပေါင် ၅၀ ရှိ တင်းတရာကို အနိမ့်ဆုံး ၂၁ သိန်း အထက်ရှိခဲ့ပေမယ့် အခုတော့ ၁၉ သိန်းကျပ်ဝန်းကျင်သာ စျေးရှိတယ်လို့ သိရပါတယ်။…
Read Moreမကွေးတိုင်းကသက်တမ်းလွန် မော်တော်ယာဉ်များ ဒဏ်ကြေးဖြင့် သက်တမ်းပြန်လည်တိုးပေးမည်
နိုဝင်ဘာ ၁၀၊ ၂၀၂၆။ NP (VOM) မကွေးတိုင်းထဲက ကုန်းလမ်းပို့ဆောင်ရေး ညွှန်ကြားမှုဦးစီးဌာန (က.ည.န) ရုံးတွေမှာ မှတ်ပုံတင်ထားတဲ့ သက်တမ်း ၅နှစ်လွန် မော်တော်ယာဉ်တွေကို သတ်မှတ်ဒဏ်ကြေးငွေနဲ့ တရားဝင် သက်တမ်းပြန်လည်တိုးမြှင့်ပေးမယ်လို့ ပခုက္ကူခရိုင် ကုန်းလမ်းပို့ဆောင်ရေး ညွှန်ကြားမှုဦးစီးဌာနက ပြောပါတယ်။ အဆိုပါ သက်တမ်းတိုးမြှင့်ခွင့် ညွှန်ကြားချက်ကို ပြီးခဲ့တဲ့ သောကြာနေ့ (နိုဝင်ဘာလ ၆ ရက်) က ထုတ်ပြန်ခဲ့ပြီး ညွှန်ကြားချက်ထုတ်ပြန်သည့်နေ့က စ လို့၊ မကွေးတိုင်းအတွင်းက သက်ဆိုင်ရာရုံးတွေမှာ သွားရောက်ဆောင်ရွက်နိုင်တယ်လို့ သိရပါတယ်။ “ပြီးခဲ့တဲ့ သောကြာနေ့က၊ တိုင်းရုံးကညွှန်ကြားချက်ထုတ်တယ်။ အဲဒီနေ့ကတည်းက စလုပ်လို့ရပါတယ် ဒါပေမယ့် သက်တမ်းတိုးရာမှာက ၂၀၁၆ ခုနှစ် ဇန်နဝါရီလ ၁ ရက်နေ့ နောက်ပိုင်း၊ သက်တမ်းကုန်ဆုံးတဲ့ယာဥ်တွေနဲ့ တလအတွင်း ယာဉ်စစ်ခံနိုင်တဲ့ မော်တော်ယာဉ်တွေကိုဘဲ၊ ဒဏ်ကြေးဆောင်ပြီး သက်တမ်းတိုးခြင်း ေဆာင်ရွက်နိုင်တယ်လို့” ကုန်းလမ်းပို့ဆောင်ရေး ညွှန်ကြားမှုဦးစီးဌာန၊…
Read Moreသူတို့အိမ် အခန်း (၂၅၉)
ဆူးငှက် မန္တလေးသားမို့ —————— ကျွန်တော်သည် မန္တလေးတွင် မွေးဖွားသောကြောင့် ကျုံးမြို့ရိုး ပြာသာဒ်နှင့် ရှေးဟောင်း ယဉ်ကျေးမှုကြားတွင် ကြီးပြင်းခဲ့သည်။ ထို့ကြောင့် ရှေးဟောင်းအငွေ့အသက်မှန်သမျှ ချစ်မြတ်နိုးခဲ့သည်။ ထိုအခါ ရှေးဟောင်းယဉ်ကျေးမှုကို ထိန်းသိမ်းခြင်းနှင့် အတူ ရှေးဟောင်းနှင့် ခေတ်သစ် ယှက်နွယ်မှု၊ ပေါင်းစပ်မှု၊ အပြန်အလှန် အားပြုမှုစသည်တို့ကိုလည်း စိတ်ဝင်စားသည်။ အကယ်၍ နိုင်ငံရပ်ခြားများ သွားခွင့်ကြုံလျှင် အီတလီ ပြင်သစ် ဂရိ စသည့် ရှေးဟောင်းယဉ်ကျေးမှု ထွန်းကား ထင်ရှားခဲ့သည့် တိုင်းပြည်များကို သွားရောက်လေ့လာလိုသည့် အာသီသရှိပါသည်။ ထို့ပြင် နိုင်ငံတစ်နိုင်ငံသို့ သွားရောက်ရမည် ဆိုလျှင်လည်း ရှေးဟောင်းမြို့ကို ပို၍ စိတ်ဝင်စားခဲ့သည်။ ၂၀၁၈ခုနှစ်ရောက်တော့ ထိုဆန္ဒ ပြည့်ခဲ့ပါ၏။ အီတလီ ပြင်သစ် ဂရိစသည့် နိုင်ငံများသို့ သွားရောက်ခွင့် ရခဲ့သည်တော့ မဟုတ်။ ထုံးစံအတိုင်း…
Read Moreအယ်လ်နီညိုကြောင့် အချိန်အခါမဟုတ် မိုးဆက်တိုက်ရွာပြီး ရှမ်းတောင်နဲ့ ရှမ်းမြောက်မှာ ရေကြီးရေလျံ
နိုဝင်ဘာ ၁၀ ၊ ၂၀၂၆ GG (VOM) ရှမ်းပြည်နယ်တောင်ပိုင်းနဲ့ မြောက်ပိုင်းက မြို့နယ်တချို့မှာ အယ်လ်နီညိုကြောင့် အချိန်အခါမဟုတ် မိုးဆက်တိုက်ရွာသွန်းလို့ ရေကြီးရေလျှံမှု ဖြစ်နေတယ်လို့ သိရပါတယ်။ ရှမ်းပြည်နယ် တောင်ပိုင်း၊ အောင်ပန်းမြို့နဲ့ ကလောမြို့မှာဆိုရင် နိုဝင်ဘာ ၉ ရက်နေ့ကတည်း ဒီနေ့အထိ မိုးအဆက်မပြတ်ရွာနေတာကြောင့် ချောင်းရေတွေ မြင့်တက်ပြီး ရပ်ကွက်တွေနဲ့လမ်းမတွေ ရေကျော်နေပါတယ်။ ကလောမြို့မှာဆိုရင် ပလောင်စျေး အပြင် အမှတ် ၂ ရပ်ကွက် နဲ့ အမှတ် ၄ ရပ်ကွက် တွေမှာ ရေကြီးနေပြီး တောင်စောင်းတွေမှာ မြေသားနိမ့်ကျတာတွေ ဖြစ်နေပြီး၊ ကလော – တောင်ကြီးလမ်းမှာလည်း မြေသားပြိုကျလို့ လမ်းယာယီပိတ်ခဲ့တယ်လို့ ဒေသခံတွေက ပြောပါတယ်။ အောင်ပန်းမြို့ အောက်စျေးအပါအဝင် လူနေရပ်ကွက်တွေထဲမှာပါ ရေတွေဝင်ရောက်နေသလို လွိုင်လင်မြို့နယ်မှာလည်း ရေကြီးရေလျှံတာတွေ ဖြစ်နေတယ်လို့ ဒေသခံတွေက ပြောပါတယ်။ လွိုင်လင်မြို့နယ်မှာဆိုရင်…
Read Moreနေပြည်တော်မှာ ပဒေသာပင်ပို့ပြီး ပြန်လာတဲ့သုံးဘီးကားမှောက်
နိုဝင်ဘာ ၁၀ ၊ ၂၀၂၆ CC (VOM) နေပြည်တော် ၊ ဇေယျာသီရိမြို့နယ် ၊ ပေါင်းလောင်းမြစ်ကူးတံတားအဆင်းမှာ ဒီကနေ့ နိုဝင်ဘာ ၁၀ ရက်နေ့ နေ့လယ် ၁၂ နာရီခွဲလောက်က သုံးဘီးကားတစီးတိမ်းမှောက်ပြီး နှစ်ယောက်သေဆုံးကာ သုံးယောက်ထိခိုက်ဒဏ်ရာရရှိခဲ့ပါတယ်။ အဆိုပါ သုံးဘီးကားဟာ ကထိန်ပွဲအတွက် ပဒေသာပင်တွေပို့ပြီးပြန်အလာ၊ တံတားအဆင်းမှာ အရှိန်များပြီး တံတားပေါ်ကနေ ကျော်ကျ တိမ်းမှောက်ခဲ့တာ ဖြစ်ပါတယ်။ “သုံးဘီးမှောက်သွားတဲ့အထဲ ငါးယောက်ပါသွားတယ်။အဲ့ဒီထဲကမှ နှစ်ယောက်က ကုတင် ၁၀၀၀ ဆေးရုံအရောက်မှာ ဆုံးတယ်။ သုံးယောက်ဒဏ်ရာရတယ်။ ” လို့ လူမှုကရုဏာရှင် (ခေါမ) အသင်းမှ တာဝန်ရှိသူတယောက်က ပြောပါတယ်။ သေဆုံးသူတွေက အသက် ၃၉ နှစ်အရွယ် ယာဥ်မောင်း၊ ၃၅နှစ်အရွယ် ကားပေါ်ပါ အမျိုးသားတို့ဖြစ်ပြီး ဇေယျာသီရိမြို့နယ်၊ စည်ပင်ကြီးကျေးရွာ နေသူတွေလို့ သိရပါတယ်။ ဒဏ်ရာရှိသူတွေကတော့ မစိုးရိမ်ရ…
Read Moreဂျာမနီသံရုံး ယာယီတာဝန်ခံ၊ နိုင်ငံခြားရေးဝန်ကြီးဌာနက ခေါ်ယူသတိပေးတာခံရ
နိုဝင်ဘာ ၁၀ ၊ ၂၀၂၆ CC (VOM) ဦးဝင်းမြင့်ရဲ့ ၇၅ နှစ်ပြည့်မွေးနေ့အထိမ်းအမှတ်အဖြစ် ရုပ်သံရိုက်ကူးပြီး ထုတ်လွှင့်ခဲ့တဲ့ ရန်ကုန်မြို့ရှိ ဂျာမနီသံရုံး ယာယီတာဝန်ခံ မစ္စတာ မာသီးရက်စ် လေရှာ့စ်ကို နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကိုကိုကျော်က ဒီနေ့ နိုဝင်ဘာ ၁၀ ရက်မှာ ခေါ်ယူသတိပေးခဲ့တယ်လို့ နိုင်ငံခြားရေး ဝန်ကြီးဌာနက ထုတ်ပြန်ပါတယ်။ ဦးဝင်းမြင့်ရဲ့ တာမွေက နေအိမ်ရှေ့မှာ ရိုက်ကူးခဲ့တဲ့ အဆိုပါ ရုပ်သံဖိုင်မှာ ” ဦးဝင်းမြင့်နဲ့တွေ့ဖို့ ခွင့်ပြုချက်လိုအပ်တယ်လို့ နေပြည်တော်ဘက်က ကျွန်တော့်ကိုပြောတယ်။ ဦးဝင်းမြင့်ကို ပြန်လွှတ်ပေးခဲ့တာ ဒီအချိန်ခြောက်လကျော်ကြာခဲ့ပေမယ့် အခုချိန်ထိ ကျွန်တော်ခွင့်ပြုချက်မရသေးပါဘူး။ ဒီအချိန်မှာကောက်ချက်ချနိုင်တာတခုက ဦးဝင်းမြင့်အမှန်တကယ်မလွတ်လပ်သေးပါဘူး။ သူတွေ့ချင်တဲ့သူနဲ့လွတ်လပ်စွာတွေ့မရှိသလို တခြားသူတွေနဲ့လည်း လွတ်လပ်စွာဆက်သွယ်ပြောဆိုခွင့်မရှိပါဘူး ” ဆိုပြီးမစ္စတာ မာသီးရက်စ် လေရှာ့စ် ပြောထားပြီး၊ ဂျာမနီသံရုံး ရဲ့စာမျက်နာကနေ ထုတ်ပြန်ခဲ့တာပါ။ ရုပ်သံဖိုင်ကို နိုဝင်ဘာ ၈…
Read More




