မေ ၊ ၉-၂၀၂၂ SP (VOM) စစ်ကိုင်းတိုင်း ၊ စစ်ကိုင်းမြို့နယ် ၊ ဆားတောင်မြို့ ၊ ရွာဝေးရပ်ကွက်၊ မန္တလေး – စစ်ကိုင်း – ရွှေဘိုကားလမ်း မှာရှိတဲ့ စွမ်းထက်ကျော် စက်သုံးဆီဆိုင်ဟာ မနေ့ မေလ ၈ရက် ည ၁၁ နာရီဝန်းကျင်က ဓားပြတိုက်ခံခဲ့ရတယ်လို့ ဆားတောင်မြို့ခံတွေဆီက သိရပါတယ်။ ” ဆိုင်ကယ်နဲ့ မျက်နှာဖုံးစွပ်ထားတဲ့သူတွေ ဆိုင်ထဲကိုရောက်လာပြီး ၊ ဆိုင်ရှင်သူဌေးရဲ့နားထင်ကို သေနတ်နဲ့ ထောက်ထားတယ် ၊ ဆီရောင်းကောင်တာထဲက ပိုက်ဆံ သိန်း ၁ ရာကျော်နဲ့ ဖုန်း ၂ လုံး ယူတယ် ၊ နောက်ပြီး ဆိုင်ဝန်ထမ်း မိန်းကလေးတွေရဲ့ နားကပ် ၂ ရံ နဲ့ ဖုန်း ၂ လုံးပါ အတင်းလုယူသွားတာ ”…

မေ ၉-၂၀၂၂ VOM (GG) တရားစွဲဆိုခံထားရလို့ တိမ်းရှောင်နေရတဲ့ ပဲခူးတိုင်း အနောက်ပိုင်း၊ အုတ်ဖိုမြို့နယ်က NLD ကိုယ်စားပြုတိုင်းဒေသကြီး(၁) လွှတ်တော်ကိုယ်စားလှယ် ဦးမောင်မြင့်ဟာ မနေ့ မေလ ၈ရက်နေ့မှာ ရောဂါနဲ့ကွယ်လွန်သွားတယ်လို့ သိရပါတယ်။ ဦးမောင်မြင့်ဟာ သူတိမ်းရှောင်နေတဲ့ နေရာမှာပဲ ရောဂါနဲ့သေဆုံးသွားတာဖြစ်ပြီး အဓိကကတော့ ကုသဖို့ဆေးဝါးအလုံအလောက်မရှိတာကြောင့် သေဆုံးတာဖြစ် တယ်လို့ သိရပါတယ်။ ” သူက အမှုဖွင့်တရားစွဲခံထားရတော့ ရှောင်နေတာကြာပြီ၊ သေတာတော့ မနေ့က ညနေကလို့ကြားတယ်။ အခုသူ ရောက်နေတဲ့နေရာက ရောဂါကုဖို့ဆေးမလုံလောက်ပေမယ့် ဆေးရုံကို သွားပြီးကုသဖို့ကြလည်း ဝရမ်းထုတ်ခံထားရတော့ အဆင်မပြေတော့ နောက်ဆုံးအသက်ပေးလိုက်ရတာလို့တော့ သိရတယ်။ ” လို့ အုတ်ဖိုမြို့နယ်ပရဟိလုပ်ကိုင်နေသူတဦးကပြောပါတယ်။ ဦးအောင်မြင့်ဟာ ကျောင်းဆရာအဖြစ်ကနေ နူတ်ထွက်ပြီး ၂၀၂၀ ခုနှစ် ရွေးကောက်ပွဲမှာ NLD ပါတီကိုယ်စားပြုအမတ်အဖြစ် ဝင်ရောက်ယှဉ်ပြိုင်ပြီး အနိုင်ရခဲ့တဲ့ လွှတ်တော်ကိုယ်စားလှယ်တဦးဖြစ်ပါတယ်။ လက်ရှိမှာ ဦးမောင်မြင့်ကို ပုဒ်မ…

မေ ၊ ၉-၂၀၂၂ SP (VOM) စစ်ကိုင်းတိုင်းက ကျေးရွာပေါင်း ၅၀ ကျော်ဟာ ရွာလုံးကျွတ်နီးပါး မီးလောင်ခဲ့တာကြောင့် လယ်ယာလုပ်ငန်းခွင်သုံးပစ္စည်းတွေ မီးလောင်ဆုံးရှုံးခဲ့ရပြီး အခုနှစ် မိုးကြိုကာလမှာ ကောက်ပဲသီးနှံတွေ စိုက်ပျိုးနိုင်ဖို့ အခက်တွေ့နေရတယ်လို့ မီးဘေးသင့်တောင်သူတွေဆီက သိရပါတယ်။ ” ရွာက မီးရှို့ခံရတာပါ ၊ ဘယ်သူတွေရှို့တယ်ဆိုတာ မပြောရဲပါဘူး ၊ ကြောက်နေရပါတယ်၊ တရွာလုံး မီးလောင်ပြီး လယ်ယာလုပ်ငန်းသုံး နွားတွေ ၊ ထွန်စက်တွေ ၊ ရိတ်သိမ်း ချွေလေ့စက်တွေ မီးလောင်ကုန်တယ် ၊ မျိုးစေ့ကမှအစ ဘာမှ မရလိုက်ဘူး ၊ အဲ့ဒါကြောင့် အခုနှစ် မိုးကြိုသီးနှံ စိုက်ပျိုးဖို့ အခက်အခဲဖြစ်နေရတာပါ ” လို့ မင်းကင်းမြို့နယ် ၊ ဇင်းကလင်းရွာခံ တောင်သူတယောက်က ပြောပါတယ်။ အဲ့ဒီလို လယ်ယာလုပ်ငန်းသုံးပစ္စည်းတွေ မီးလောင်ဆုံးရှုံးခဲ့တဲ့အတွက် အခုနှစ် မိုးကြိုသီးနှံ…

မေ ၉-၂၀၂၂ SW(VOM) ရခိုင်ပြည်နယ်၊ ကျောက်တော်မြို့နယ်က မဟာမုနိစစ်ဘေးရှောင်စခန်းမှာ ဒီကနေ့မနက်အစော ၁ နာရီလောက်မှာ မီးလောင်မှုဖြစ်ပွားခဲ့ပြီး အိမ်ခြေ ၂၆၀ ကျော် မီးထဲပါသွားတယ်လို့ စခန်းတာဝန်ခံဆီက သိရပါတယ်။ ” မီးလောင်တာကတော့ ဟုတ်ပါတယ်။ နေအိမ်တွေအကုန်ပြာကျသွားတယ်။ မီးကိုမတားဆီးနိုင်လိုက်ဘူး။ မီးသတ်ကားတွေကလည်း အချိန်မီရောက်မလာဘူး။ ဒီအတိုင်းရွာသားတွေနဲ့ ဝိုင်းငြိမ်းသတ်ကြရတာ မနိုင်လိုက်ဘူး” လို့ စစ်ရှောင်စခန်းတာဝန်ခံတဦးက ပြောပါတယ်။ ကျောက်တော်မြို့ပေါ်က မီးသတ်ကားတွေဟာ မီးစတင်လောင်ကျွမ်းပြီး ၂ နာရီကျော်လောက်မှာမှ ရောက်ရှိလာတာဖြစ်တယ်လို့ စခန်းတာဝန်ခံက ပြောပါတယ်။ ဒီကိစ္စနဲ့ပတ်သက်လို့ ကျောက်တော်မြို့နယ် မီးသတ်ဦးစီးဌာန ဦးစီးမှူးကိုဆက်သွယ်မေးမြန်းခဲ့ပေမယ့် အဆက်အသွယ်မရရှိခဲ့ပါဘူး။ မီးလောင်ကျွမ်းမှုကြောင့် မီးဘေးဒုက္ခသည် ရာနဲ့ချီရှိနေပြီး မိုးရွာနေတဲ့အတွက် စားနပ်ရိက္ခာနဲ့ အမိုးအကာစတဲ့ အကူအညီတွေလိုအပ်နေကြောင်း စစ်ဘေးရှောင်တယောက်က ပြောပါတယ်။ “အခုက မိုးရွာနေတယ်ဆိုတော့ စစ်ဘေရှောင်တွေအတွက် စားရေး သောက်ရေး နေရေးထိုင်ရေး အခက်အခဲရှိတယ်။ စားနပ်ရိက္ခာအကူအညီတွေပေးဖို့ တာဝန်ရှိသူတွေကို…

မေ ၁၀-၂၀၂၂ VOM (GG) ပြည်ပကို ပို့ကုန်တင်ပို့ပြီး ပို့ကုန်ရငွေပြန်လည်ဝင်ရောက်ဖို့ကျန်တဲ့ ကုမ္ပဏီ ၁၅၈ ခုကို ထပ်မံအရေးယူလိုက်ပြီး ဒါရိုက်တာအဖွဲ့ဝင်တွေကိုပါ အမည်မည်းစာရင်းထည့်သွင်းလိုက်တယ်လို့ ဗဟိုဘဏ်ကအသိပေးလိုက်ပါတယ်။ အခုဆိုရင် အရေးယူထားတဲ့ ကုမ္ပဏီပေါင်း ၆၈၁ ခုရှိနေပြီး ဒါရိုက်တာအဖွဲ့ဝင် အမည်မည်းသွင်းတာကိုတော့ အခုမှ စတင်လုပ်ဆောင်တာဖြစ်တယ်လို့ သိရပါတယ်။ ” ဒါရိုက်တာတွေကိုပါ အမည်မည်းစာရင်း စပြီးသွင်းလာတယ် ပြီးခဲ့တဲ့လတုန်းကတော့၊ မှတ်ပုံတင်သိမ်းတာ ပဲရှိတာပေါ့၊ အရင်က ကိုဗစ်ပေါ့၊ အခုကနိုင်ငံရေးအခြေအနေဆိုတော့ လုပ်ငန်းရှင်တွေကလည်း လုပ်ငန်း တွေကအဆင်မပြေတော့ သူတို့ပြောသလို ဘဏ်စာရင်းထဲငွေတွေထည့်ဖို့က တော်တော်အဆင်မပြေတဲ့အခြေအနေကိုရင်ဆိုင်နေကြရတယ် ၊ ပြီးခဲ့တဲ့ ရက်ကလည်း တခုထုတ်တာတွေ့တယ်၊ အာရှကို ပို့ကုန်ပို့ရင် ၄၅ ရက်အတွင်း ပို့ကုန်ရငွေ ပြန်ရရမယ်တဲ့ “လို့ ပို့ကုန်လုပ်ငန်းရှင်တဦးကပြောပါတယ်။ ထပ်ပြီးအရေးယူလိုက်တဲ့ ကုမ္ပဏီ ၁၅၈ ခုကတော့၂၀၁၆ ခုနှစ်၊ ၂၀၁၇ ခုနှစ်၊ ၂၀၁၈…

မေ ၁၀-၂၀၂၂ KK(VOM) ကိုဗစ်-၁၉ ရောဂါကြောင့် ၂နှစ်ကျော်ကြာပိတ်ထားရတဲ့ ထိုင်း-မြန်မာနယ်စပ်ဂိတ်တစ်ခုဖြစ်တဲ့ မဲဆောက်-မြဝတီ အမှတ်( ၂ )တံတားကို ဒီနေ့မှာ စတင်ဖွင့်လှစ်ခဲ့ပြီး မြန်မာMOU လုပ်သား ၂၈၈ ယောက်ကို စတင်ဝင်ရောက်ခွင့်ပြုခဲ့တယ်လို့ အလုပ်သမားအရေးဆောင်ရွက်နေသူတွေဆီက သိရပါတယ်။ ဒီလိုဝင်ရောက်ခွင့်ပေးတဲ့နေရာမှာ လုပ်သားတွေအနေနဲ့ ကိုဗစ်စစ်ဆေးမှုပြုလုပ်ပြီးပါက ကွာရန်တင်းဝင်ဖို့မလိုဘဲ အလုပ်လုပ်ရမယ့်နေရာကို တိုက်ရိုက်သွားရောက်နိုင်တယ်လို့ ထိုင်းအလုပ်သမားအရေးဆောင်ရွက်သူတဦးက ပြောပါတယ်။ “ချစ်ကြည်ရေးတံတားမှာ တာ့ချ်ခရိုင်အုပ်ချုပ်ရေးမှူးနဲ့ မြန်မာအလုပ်သမားသံအရာရှိတို့ လာကြိုကြတယ်၊ ကိုဗစ်စစ်ထားတဲ့လက်မှတ်ပါရင် လုပ်ငန်းခွင်ကို တန်းသွားယုံပဲ”လို့ သူကပြောပါတယ်။ MOU လုပ်သားတွေအနေနဲ့ ထိုင်းနယ်စပ်ဂိတ်ရောက်ရှိလာပါက ပထမဆုံးအနေနဲ့ ထိုင်းလူဝင်မှုကြီးကြပ်ရေးအဖွဲ့(တော်မော်)က ပထမဦးဆုံးစစ်ဆေးမှုပြုလုပ်မှာဖြစ်ပြီး အလုပ်လုပ်ကိုင်လက်မှတ် (work permit) ထုတ်ပေးဖို့တွက် ထိုင်းအလုပ်အကိုင်ရှာဖွေရေးဌာနမှတာဝန်ရှိသူတွေဆီမှာ မှတ်တမ်းတင်ဓာတ်ပုံရိုက်ရမှာဖြစ်တယ်လို့ ထိုင်းအထည်ချုပ်စက်ရုံမှာ လုပ်နေတဲ့ ကိုရှိုင်းက VOMကို ပြောပါတယ်။ “ပထမ မဲဆောက်ဆေးရုံမှာ ATK စက်နဲ့ ကိုဗစ်စစ်ဆေးမယ်၊ ပြီးရင် နာမည်စာရင်းသွင်းမယ်၊…