စက်တင်ဘာ ၉ ၊ ၂၀၂၆ GG (VOM) ရန်ကုန်မြို့၊ ဗိုလ်တထောင်မြို့နယ် ၊ ၄၁ လမ်းက အိမ်ရှင်ကိုသတ်သွားတဲ့ တရားခံတွေဟာ အိမ်အကူသားအမိဖြစ်ပြီး လက်ရှိမှာ ဖမ်းဆီးရမိထားတယ်လို့ သိရပါတယ်။ အိမ်ရှင်ဖြစ်တဲ့ အသက်ကြီးပိုင်း အမျိုးသမီးတဦးတည်း အိမ်မှာရှိနေချိန် အိမ်အကူအသားအမိက အိမ်ရှင်ကို သတ်ပြီး ရွှေနဲ့ငွေတွေယူကာ ထွက်ပြေးသွားတာဖြစ်တယ်လို့ သိရပါတယ်။ အဲဒီနောက်မှာ ရဲတပ်ဖွဲ့က လူသတ်မှုကျူးလွန်သူကို ဖမ်းဆီးရမိ စုံစမ်းစစ်ဆေးခဲ့ရာ ထွက်ပြေးသွားတဲ့ အိမ်အကူနဲ့ သမီးဖြစ်သူကို ဧရာဝတီတိုင်းမှာ မနေ့ကညနေပိုင်းက ဖမ်းမိခဲ့တယ်လို့ သိရပါတယ်။ ” သူတို့က မနေ့က ရန်ကုန်ကနေ ဧရာဝတီဘက်ကို ပြန်သွားတာ။ မနေ့က ညနေပဲ ကားဂိတ်မှာပဲဖမ်းလိုက်တယ်သိရတယ်။ ဒီကအိမ်ရှင်ကို ခေါင်းအုံးနဲ့ဖိ သတ်ပြီး ပြေးတာ ငွေတွေကိုယူသွားတယ်သိရတယ် ။ ” လို့ လုံခြုံရေးတပ်ဖွဲ့နီးစပ်သူက ပြောပါတယ်။ အိမ်အကူက အိမ်ရှင်ကိုသတ်ဖြတ်တဲ့…

စက်တင်ဘာ ၉ ၊ ၂၀၂၆ GG (VOM) မန္တလေးတိုင်း၊ ပြင်ဦးလွင်မြို့နယ်၊ ပြင်စာကျေးရွာရှိ နည်းပညာတက္ကသိုလ် (ရတနာပုံဆိုက်ဘာစီးတီး)မှာ ကျောင်းသားအချင်းချင်း ဓားထိုးမှုဖြစ်ပြီး တယောက်သေကာ တယောက်ထိခိုက်ဒဏ်ရာရရှိခဲ့တယ်လို့ သိရပါတယ်။ စက်တင်ဘာ ၈ ရက်နေ့ ၊ ညပိုင်း ၇ နာရီကျော်လောက်မှာ တက္ကသိုလ်ကျောင်းဝန်းထဲက ရွှေကျွန်းသာအမျိုးသားအဆောင်ရဲ့ တတိယထပ်မှာ ကျောင်းသားနှစ်ယောက်က အရက်သောက်စားပြီး ဆူညံနေတဲ့အတွက် ပတ်ဝန်းကျင်ကို အနှောက်အယှက်ဖြစ်တာကြောင့် ဆူညံခြင်းမလုပ်ဖို့ ကျောင်းသားတယောက်က သွားရောက်ပြော​ရာကနေ အချင်းချင်း ရန်ဖြစ်ပြီး လူသေစေ တဲ့အထိ ဓားထိုးမှု ဖြစ်ခဲ့တာလို့ သိရပါတယ်။ ” အရက်သောက်ဆူနေလို့ အောက်ထပ်က ကျောင်းသားက သွားတားတာကို အရက်သောက်နေတဲ့ ကျောင်းသားနှစ်ယောက်က လက်သီးနဲ့ဝိုင်းထိုးကြတာလို့သိရတယ်။ အဲဒီမှာ အထိုးခံရတဲ့ကျောင်းသားက ဝရံတာမှာတွေ့တဲ့ ဓားနဲ့ထိုးလိုက်တာ ။တယောက်ကသေတယ်။ တယောက်က ဒဏ်ရာရတယ် သိရတယ်။ ကျန်တာတော့ မသိသေးဘူး။ ဒီကိစ္စမျိုးတွေဆိုရင်…

စက်တင်ဘာ ၉ ၊ ၂၀၂၆ CC (VOM) နေပြည်တော် ၊ပျဥ်းမနားမြို့နယ်ထဲမှာ ဒုဗိုလ်မှူးကြီး နဲ့ အရာခံဗိုလ်တို့ စီးလာတဲ့ဆိုင်ကယ်ကို ပြည်ထဲရေး ဝန်ကြီးရဲ့ ကိုယ်ရေးအရာရှိဖြစ်သူ ဗိုလ်ကြီးက ဝင်တိုက်မိပြီး ဒုဗိုလ်မှူးကြီး သေဆုံးခဲ့တယ်လို့ သိရပါတယ်။ ဖြစ်စဥ်က စက်တင်ဘာ ၈ ရက်နေ့ ည ၁၁ နာရီလောက်မှာ ပျဥ်းမနားမြို့နယ် ၊ရွာကောက်ရပ်ကွက်၊ ပေါင်းလောင်း(၁)ရပ်၊ ရန်ကုန်-မန္တလေးကားလမ်းဟောင်းပေါ် မှာ ဗိုလ်ကြီးဝင်းနိုင်ထွန်းမောင်းလာတဲ့ကားက ဒုဗိုလ်မှူးနဲ့ အရာခံဗိုလ်တို့စီးလာတဲ့ဆိုင်ကယ်ကို အရှိန်မထိန်းနိုင်ဘဲ နောက်ကနေ ဝင်တိုက်မိခဲ့တာ လို့သိရပါတယ်။ အဲဒီယာဥ်တိုက်မှုကြောင့် ဒုဗိုလ်မှူးကြီး အောင်ဟိန်းထွန်း (ထဆရ- ၁ တပ်ရင်းမှူး၊ ဆအတ-၃၊ အင်းတကော်သို့တပ်ပြောင်းသူ)က ဆေးရုံမှာ သေဆုံးခဲ့ပြီး ထဆရ(၁)မှဒုအရာခံဗိုလ် ပြည့်ငြိမ်းက ထိခိုက်ဒဏ်ရာ ရရှိခဲ့တယ်လို့ သိရပါတယ်။ ” ယာဥ်တိုက်မှု ဖြစ်စဥ်ကမှန်ပါတယ်။ ည ၁၁ နာရီလောက်ပါ…

စက်တင်ဘာ ၇ ၊ ၂၀၂၆ GG (VOM) နေပြည်တော်က ကားအငှားဝန်ဆောင်မှုလုပ်ကိုင်သူအမျိုးသားကို သတ်ပြီး ကားကိုလုယက်ကာ အလောင်းကို အမြန်လမ်းမှာစွန့်ပစ်မှု မနေ့က စက်တင်ဘာ ၆ ရက်နေ့ ဖြစ်ပွားခဲ့ပြီး တရားခံကို ညတွင်းချင်းဖမ်းမိခဲ့တယ်လို့ သိရပါတယ်။ အသတ်ခံရသူဟာ ဇဗ္ဗူသီရိမြို့နယ် ၊ သုခတော်ဝင်အိမ်ရာမှာနေထိုင်တဲ့ အသက် ၃၄ နှစ်အရွယ် ကိုဝင်းကို ဖြစ်ပြီး အလောင်းကို မနေ့ကညနေ ၅ နာရီခွဲလောက်က အမြန်လမ်း ၂၇၉ မိုင် ၁ ဖာလုံမှာ တွေ့ရှိခဲ့ရတာ ဖြစ်ပါတယ်။ ” သေနတ်နဲ့ပစ်သတ်သွားတာ။ တရားခံကို ညကဖမ်းမိတယ်။ အသေးစိတ်တော့ နေ့လယ်လောက်မှသိရမယ်။အလောင်းကို နေပြည်တော်ကနေ မန္တလေးဘက်အသွား အမြန်လမ်းဘေးနဲ့ ပေ ၃၀၀ ကျော်လောက်မှာ ပက်လက်အနေနဲ့ တွေ့ရတာ။မျက်လုံးဖူးယောင်နဲ့ ခေါင်းပေါက်ပြဲဒဏ်ရာလည်းတွေ့ရတယ်။” လို့ လုံခြုံရေးတပ်ဖွဲ့နဲ့ နီးစပ်သူက ပြောပါတယ် ။…