တဲလ်အဗစ်၊ ဇွန်-၂၅-၂၀၂၄ မျိုးဆက်(VOM) ဟားမတ်စ်တို့ ကြိုးပမ်းနေတဲ့ အမြဲတမ်းအပစ်အခတ်ရပ်စဲရေးကို အစ္စရေးဝန်ကြီးချုပ် နေတန်ယာဟုက ပယ်ချလိုက်ပြီး ယာယီအပစ်ရပ်ဖို့သာ သဘောတူဖို့ဆန္ဒရှိတယ်လို့ ထုတ်ဖော်ပြောဆိုလိုက်ပါတယ်။ လက်ရှိမှာတော့ ဂါဇာကမ်းမြှောင်ဒေသကို အစ္စရေးက ဆက်လက်တိုက်ခိုက်နေပြီ ပြီးခဲ့တဲ့ ၂၄ နာရီအတွင်း လူ ၂၈ ယောက်ထက်မနည်းသေဆုံးခဲ့ကြောင်း ဂါဇာတာဝန်ရှိသူတွေကထုတ်ပြန်ထားပြီး စစ်ပွဲစတင်ပြီးနောက်ပိုင်း သေဆုံးသူ သုံးသောင်းခုနှစ်ထောင်ကျော်ရှိလာပြီဖြစ်ပါတယ်။ ဂါဇာမှာ အဖမ်းခံထားရတဲ့ ဓါးစာခံတွေ လွတ်မြောက်ရေး တစိတ်တပိုင်းအဖြစ် ယာယီအပစ်အခတ်ရပ်စဲရေးကိုသာ သဘောတူမယ်လို့ နေတန်ယာဟုက ပြောပါတယ်။ ဒါပေမယ့်လည်း အစ္စရေးဟာ ဟားမတ်စ်တို့ကို ချေမှုန်းမယ့် ရည်ရွယ်ချက်အောင်မြင်တဲ့ထိ စစ်ပွဲကို ဆက်လက်ဆင်နွှဲမယ်လို့ ဆိုပါတယ်။ မေလအတွင်း အမေရိကန်အဆိုပြုတဲ့ အပစ်အခတ်ရပ်စဲရေးမှာတော့ အဆင့်သုံးဆင့်ပါဝင်ပြီး တိုက်ပွဲတွေ သီတင်းခြောက်ပတ်ကြာ ရပ်နားထားဖို့နဲ့ ဓါးစာခံတွေ လွတ်မြောက်ရေးအပြင် အမြဲတမ်းအပစ်အခတ်ရပ်စဲရေး ရယူဖို့တွေပါဝင်ပါတယ်။ ဝန်ကြီးချုပ်နေတန်ယာဟုရဲ့ မှတ်ချက်ဟာ အမေရိကန်၊ အီဂျစ်နဲ့ ကာတာတို့…

  ဒါကာ၊ ဇွန်-၂၅-၂၀၂၄ မျိုးဆက်(VOM) ဘင်္ဂလားဒေ့ရှ်နိုင်ငံမှာ သေမိန်ချခံရတဲ့ လူသတ်သမားတွေနဲ့ နိုင်ငံရေးသမားတွေကို အများဆုံးကြိုးပေးကွပ်မျက်ခဲ့ပြီး ဒီအကြောင်း အသေးစိတ် စာအုပ်တအုပ်ပါ ရေးသားခဲ့တဲ့ အာဏာပါးကွက်သားတယောက်ဟာ ပြီးခဲ့တဲ့နေ့က သေဆုံးသွားပါတယ်။ အသက် ၇၄ နှစ်အရွယ် ရှာဂျာဟန်ဘွီယန်ဆိုသူဟာ ရင်ဘတ်အောင့်ဝေဒနာ ခံစားရပြီးနောက် မြို့တော်ဒါကာမှာ ဆေးရုံတင်ခဲ့ပေမယ့် ဆေးကုသနေစဉ်အတွင်း သေဆုံးသွားတယ်လို့ ဆရာဝန်တွေက အတည်ပြုပြောဆိုပါတယ်။ ဘွီယန်ဟာ လူတွေကို ကွပ်မျက်မှု ၂၆ ကြိမ်ထက်မနည်းပြုလုပ်ခဲ့ပြီး အချို့သောအစီရင်ခံစာတွေမှာတော့ သူဟာ အကြိမ်ပေါင်း ၆၀ ထိကွပ်မျက်မှုပြုလုပ်ခဲ့ကြောင်း ဖော်ပြထားပါတယ်။ တော်လှန်ရေးသမားဟောင်းဖြစ်တဲ့သူဟာ ဓါးပြတိုက်မှု၊ လူသတ်မှုအတွက် ထောင်ဒဏ် ၄၂ နှစ်ကျခံနေပြီးနောက် ကွပ်မျက်မှုကိုလုပ်ပေးရတဲ့ အာဏာပါးကွက်သားတယောက်ဖြစ်လာပြီး ဒီအတွက် ထောင်ကနေ ၁၀ နှစ်စောပြီး ပြီးခဲ့တဲ့နှစ်က လွတ်မြောက်ခဲ့ပါတယ်။ သူ့လက်ချက်နဲ့ ကွပ်ချက်ခံရသူတွေထဲမှာ ဘင်္ဂလားဒေ့ရှ်လက်ရှိဝန်ကြီးချုပ်ရဲ့ ဖခင်ဖြစ်သူကို လုပ်ကြံသတ်ဖြတ်မှုမှာ ပါဝင်တဲ့ စစ်ဘက်အရာရှိတွေ၊…

  ဆိုးလ်၊ ဇွန်-၂၅-၂၀၂၄ မျိုးဆက်(VOM) တောင်ကိုရီးယားကနေ ထိုင်ဝမ်ကို ပျံသန်းတဲ့ တောင်ကိုရီးယားလေကြောင်းလိုင်း ခရီးသည်တင်လေယာဉ်တစင်းဟာ ပျံသန်းနေစဉ် လေယာဉ်ချို့ယွင်းမှုကြောင့် ခရီးသည် ၁၃ ယောက်ကို ဆေးရုံပိုဆောင်ခဲ့ရတယ်လို့ ဒေသတွင် သတင်းဌာနတွေက ဖော်ပြထားပါတယ်။ လေယာဉ်ခရီးစဉ် အမှတ် KE189 ဟာ ပြီးခဲ့တဲ့ စနေနေ့ညနေ ဒေသစံတော်ချိန် ၄ နာရီ ၄၅ မိနစ်မှာ အင်ချွှန်းနိုင်ငံတကာ လေဆိပ်ကနေ ခရီးသည် ၁၂၅ ယောက်ကို တင်ဆောင်ပြီး ပျံသန်းခဲ့တာဖြစ်ကြောင်း တောင်ကိုရီးယားအခြေစိုက် ယွန်ဟတ်သတင်းဌာနက ဖော်ပြထားပါတယ်။ လေယာဉ်ပျံသန်းပြီးနောက် မိနစ် ၅၀ အကြာ အပန်ဖြေကျွန်းဖြစ်တဲ့ ဂျယ်ဂျူကျွန်းကို ဖြတ်သန်းစဉ်မှာတော့ လေယာဉ်ရဲ့ အတွင်းခန်းဖိအားကို ထိန်းညှိပေးတဲ့ လေဖိအားစနစ်မှာ ပြသနာဖြစ်ပွားခဲ့တယ်လို့ အဆိုပါသတင်းဌာနက ဖော်ပြထားပါတယ်။ လေယာဉ်ပျံသန်းမှု ခြေရာခံဝက်ဘ်ဆိုက် ဖိုက်ရေဒါ၂၄ ရဲ့အဆိုအရ လေယာဉ်ဟာ ရှစ်မိနစ်အတွင်း ပေနှစ်သောင်းခွဲထိ…

  ဝါရှင်တန်၊ ဇွန်-၂၅-၂၀၂၄ မျိုးဆက်(VOM) မြောက်ကိုရီးယားဟာ သူ့ရဲ့ နျူကလီးယားနဲ့ တာဝေပစ်ဒုံးကျည်အစီအစဉ်တွေမှာ ရုရှားဆီကနေ အကူအညီတွေ ရယူနိုင်ကြောင်း အမေရိကန်နိုင်ငံခြားရေးဝန်ကြီးဌာန ထိပ်တန်းတာဝန်ရှိသူတယောက် သတိပေးပြောဆိုလိုက်ပါတယ်။ အမေရိကန်အခြေစိုက် နိုင်ငံခြားဆက်ဆံရေးကောင်စီက ဝါရှင်တန်မှာ ကြီးမှူးကျင်းပတဲ့ အခမ်းအနားတခုမှာ အခုလို သတိပေးခဲ့တာဖြစ်ပြီး မြောက်ကိုရီးယားကလည်း ယူကရိန်းစစ်ပွဲအတွက် ရုရှားကို စစ်ရေးအကူအညီတွေ ပေးအပ်ခဲ့တယ်လို့သူကဆိုပါတယ်။ ဒီလိုကူညီမှုအတွက် မြောက်ကိုရီးယားက အပြန်အလှန်အနေနဲ့ ရုရှားဆီက ပြန်ရတာတွေအပေါ် ဆွေးနွေးငြင်းခုန်မှုတွေရှိပါတယ်။ ဒါကတော့ မြောက်ကိုရီးယားရဲ့ နျူကလီးယားနဲ့ ဒုံးကျည်အစီအစဉ်အပြင် စွမ်းအင်နဲ့ အခြားအရာတွေပါဝင်တယ်လို့ မိမိတို့ယုံကြည်ထားပါတယ်လို့ အမေရိကန်နိုင်ငံခြားရေးဝန်ကြီးဌာန လက်ထောက်နိုင်ငံခြားရေးဝန်ကြီး ကမ်းဘဲလ်က ပြောပါတယ်။ ရုရှားနဲ့ မြောက်ကိုရီးယားအကြား မဟာဗျူဟာမြောက် မိတ်ဖက်ဆက်ဆံရေး စာချုပ်ကို ပြီးခဲ့တဲ့ သီတင်းပတ်အတွင်းက လက်မှတ်ရေးထိုးခဲ့ပြီး ရုရှား သို့မဟုတ် မြောက်ကိုရီးယားကို ကျူးကျော်တို်ကခိုက်ပါက စစ်ရေးအရ အပြန်အလှန်အကူအညီပေးဖို့အချက်လည်း ပါဝင်နေပါတယ်။ စစ်ရေးအရ ပူးပေါင်းဆောင်ရွက်ဖို့…

  ဆိုးလ်၊ ဇွန်-၂၄-၂၀၂၄ မျိုးဆက်(VOM) တောင်ကိုရီးယားနိုင်ငံရှိ လစ်သီယမ်ဘက်ထရီစက်ရုံတရုံမှာ ဒီနေ့ ဇွန် ၂၄ ရက်ကဖြစ်ပွားခဲ့တဲ့ မီးလောင်မှုကြောင့် လူ ၁၆ ယောက်သေဆုံးပြီး ငါးယောက်ပျောက်ဆုံးနေပါတယ်။ ဆိုးလ်မြို့တောင်ဘက် ဟွာဆောင်ရှိ အာရီဆဲလ် ဘက်ထရီကုမ္ပဏီပိုင် စက်ရုံမှာ လောင်ကျွမ်းခဲ့တဲ့မီးကို မနက် ၁၀ နာရီ မိနစ် ၃၀ မှာ ငြှိမ်းသတ်နိုင်ခဲ့တယ်လို့ တာဝန်ရှိသူတွေက ပြောပါတယ်။ အလုံးရေ သုံးသောင်းငါးထောင်ရှိတဲ့ ဂိုထောင်ထဲက ဘက်ထရီတွေ ဆက်တိုက်ပေါက်ကွဲပြီးနောက် မီးလောင်မှုဖြစ်ပွားခဲ့တာပါ။ ဒါပေမယ့် ပေါက်ကွဲမှုစတင်ဖြစ်ပွားရတဲ့ အကြောင်းရင်းကို စုံစမ်းစစ်ဆေးဆဲဖြစ်တယ်လို့ တာဝန်ရှိသူတွေက ပြောပါတယ်။ စက်ရုံအတွင်းကနေ အလောင်း ၂၀ တွေ့တယ်လို့ ယွန်ဟတ်သတင်းဌာနက အစောပိုင်းမှာ ဖော်ပြခဲ့ပေမယ့် လူ ၁၆ ယောက်သေပြီး နှစ်ယောက်ဒဏ်ရာရထားတယ်လို့ တာဝန်ရှိသူတွေက သတင်းစာရှင်းလင်းပွဲမှာ ပြောပါတယ်။ ကယ်ဆယ်ရေးသမားတွေကတော့ ပျောက်ဆုံးနေတဲ့ လူငါးယောက်ကို အပူတပြင်း…

  တဲလ်အဗစ်၊ ဇွန်-၂၄-၂၀၂၄ မျိုးဆက်(VOM) ဂါဇာကမ်းမြှောင်ဒေသမှာ ဟားမတ်စ်တို့ကို တိုက်ခိုက်နေတဲ့ ပြင်းထန်တဲ့ စစ်ဆင်ရေးကြီးတွေ များမကြာခင် အဆုံးသတ်တော့မှာဖြစ်ပြီး အစ္စရေးတပ်တွေကို လက်ဘနွန်နဲ့ထိစပ်နေတဲ့ နိုင်ငံမြောက်ပိုင်း နယ်စပ်တလျှောက်မှာ ထပ်မံချထားတော့မယ်လို့ အစ္စရေးဝန်ကြီးချုပ် နေတန်ယာဟုက ပြောပါတယ်။ ဒါဟာ စစ်ပွဲပြီးဆုံးပြီးလို့ ဆိုလိုတာမဟုတ်ဘဲ ပြင်းထန်တဲ့စစ်ဆင်ရေးတွေအဆင့်တွေ ရာဖာမှာပြီးဆုံးတော့မှာ ဖြစ်တယ်လို့ သူကဆိုပါတယ်။ ပြင်းထန်တဲ့ စစ်ဆင်ရေးကို လျှော့ချမှာဖြစ်ပေမယ့် ဒါဟာ စစ်ပွဲပြီးသွားတာမဟုတ်ဘူးလို့ သူကပြောပါတယ်။ အစ္စရေးတပ်တွေကို လက်ဘနွန်နယ်စပ်ရှိ နိုင်ငံမြောက်ပိုင်းကို ပြောင်းရွှေ့နိုင်ခြေရှိပြီး ဒါကိုလုပ်ဆောင်နေတယ်လို့ ဝန်ကြီးချုပ်က ပြောပါတယ်။ အစ္စရေးအနေနဲ့ နိုင်ငံကာကွယ်ရေးက အဓိကဦးစားပေးဖြစ်ပြီး ဒုတိယအဆင့်ကတော့ ဒုက္ခရောက်နေတဲ့ အစ္စရေးနိုင်ငံသားတွေကို ကူညီဖို့ဖြစ်တယ်လို့ နေတန်ယာဟုက ဆိုပါတယ်။ လက်ရှိမှာတော့ အစ္စရေးဟာ လက်ဘနွန်အခြေစိုက် ဟဇ်ဘိုလာအဖွဲ့နဲ့ နယ်စပ်မှာ အပြန်အလှန်ပစ်ခတ်မှုတွေ ဆက်လက်ပြင်းထန်နေပြီး ပြီးခဲ့တဲ့သီတင်းပတ်အတွင်းက ဟဇ်ဘိုလာအဖွဲ့က အစ္စရေးကို ဒုံးကျည်ရာနဲ့ချီ တိုက်ခိုက်ခဲ့ပါတယ်။…