ဘန်ကောက်၊ မတ်-၃-၂၀၂၄ မျိုးဆက်(VOM) ထိုင်းပါလီမန်မှာ မြန်မာ့အရေး ဆွေးနွေးမှုကို နစကဘက်က ကန့်ကွက်ထားပေမယ့် မြန်မာ့အရေးဆိုင်ရာ ဆွေးနွေးပွဲကို ထိုင်းပါလီမန်မှာ မနေ့ကမတ် ၂ ရက်က စပြီး နှစ်ရက်ကြာ ပြုလုပ်နေပြီဖြစ်ပါတယ်။ ဒီဆွေးနွေးပွဲဟာ သက်ဆိုင်သူတွေအားလုံး အပြန်အလှန်ဆွေးနွေးနိုင်ဖို့ ပထမဆုံးခြေလှမ်းဖြစ်ပြီး မြန်မာ့ငြိမ်းချမ်းရေးအတွက် ရေရှည်တည်တံ့မယ့် နိုင်ငံရေးအဖြေတခုအတွက် လမ်းခင်းပေးမှာပါလို့ ထိုင်းလွှတ်တော်အမတ်ဖြစ်သူ ရန်ဆီမန်ရိုမီက ပြောပါတယ်။ ဆွေးနွေးပွဲမှာ NUG နဲ့ တိုင်းရင်းသားလက်နက်ကိုင်အဖွဲ့အစည်းအချို့က ထိပ်တန်းတာဝန်ရှိသူတွေ တက်ရောက်ဆွေးနွေးခဲ့ပေမယ့်လည်း နစက ဘက်က ကိုယ်စားလှယ် ပါဝင်ခြင်းမရှိပါဘူး။ ထိုင်းပါလီမန်မှာ ဆွေးနွေးမှုဟာ ထိုင်း-မြန်မာ ဆက်ဆံရေးအပေါ် အပျက်သဘောဆောင်တဲ့ သက်ရောက်မှုတွေ ဖန်တီးတာဖြစ်တဲ့အတွက် ပြင်းပြင်းထန်ထန်ကန့်ကွက်ကြောင်း နစကဘက်က ကန့်ကွက်ထားပြီး ထိုင်းအစိုးရအနေနဲ့ နှစ်နိုင်ငံဆက်ဆံရေးကို ထိခိုက်စေမယ့် ဘယ်လိုလုပ်ရပ်ကိုမဆို မလုပ်ရေးအတွက် ပါလီမန်ကို တားဆီးပေးဖို့ မြန်မာနိုင်ငံခြားရေးဝန်ကြီး ဌာနက စာပေးပို့ ထားပါတယ်။…

  ဂါဇာစီးတီး၊ မတ်-၃-၂၀၂၄ မျိုးဆက်(VOM) အမေရိကန်ဟာ ဂါဇာကမ်းမြှောင်ဒေသအတွက် ပထမဆုံးသော လူသားချင်းစာနာမှုဆိုင်ရာ အကူအညီတွေကို စစ်လေယာဉ်သုံးစင်းပေါ်ကနေ လေထီးနဲ့ ချပေးခဲ့ပါတယ်။ ဂျော်ဒန်လေတပ်နဲ့ ပူးပေါင်းလုပ်ဆောင်တဲ့ အဲဒီကူညီရေးမှာ စားနပ်ရိက္ခာ သုံးသောင်းကျော်ကို ပေးပို့နိုင်ခဲ့ပြီး အမေရိကန်ဟာ လူသားချင်းစာနာမှုအကူအညီတွေ တိုးမြှင့်ပေးသွားမယ်လို့ ကတိပြုထားပါတယ်။ ဂါဇာကမ်းမြှောင်ဒေသမှာ အစ္စရေးနဲ့ ဟားမတ်စ်တို့အကြား ခြောက်ပတ်ကြာ အပစ်အခတ်ရပ်စဲရေး သဘောတူညီချက်မူဘောင်ကို သဘောတူဖို့ အကောင်အထည်ဖော်နေပြီလို့ အမေရိကန်ထိပ်တန်းတာဝန်ရှိသူတယောက်က ထုတ်ဖော်ပြောဆိုထားပါတယ်။ လေကြောင်းကနေ အခုလို ထောက်ပံ့မှုဟာ အကူအညီတွေပိုမိုပေးဖို့ စဉ်ဆက်မပြတ်ကြိုးပမ်းမှုရဲ့ တစိတ်တပိုင်းဖြစ်ပြီး အခြားသော နည်းလမ်းတွေနဲ့လည်း အကူအညီတွေ ပေးပို့ သွားမယ်လို့ ဆိုပါတယ်။ ဗြိတိန်၊ ပြင်သစ်၊ အီဂျစ်နဲ့ ဂျော်ဒန်အပါအဝင် အခြားနိုင်ငံတွေက ဂါဇာဒေသအတွက် အရင်ကတည်းက အကူအညီတွေ ပေးပို့ခဲ့ပေမယ့် အမေရိကန်ရဲ့ ပေးပို့မှုကတော့ ဒါပထမဆုံးအကြိမ်ဖြစ်ပါတယ်။ Ref:BBC Photo: AP  

Voice of Myanmar အမေရိကန် အပတ်စဉ်ထုတ် တိုင်းမ်မဂ္ဂဇင်း၏ ပထမဆုံးသော မဂ္ဂဇင်းကို ၁၉၂၃ ခုနှစ် မတ် ၃ ရက်တွင် စတင်ထုတ်ဝေခဲ့သည်။

မော်စကို၊ မတ်-၂-၂၀၂၄ မျိုးဆက်(VOM) နျူကလီးယား သယ်ဆောင်ပစ်ခတ်နိုင်တဲ့ ယားစ် တိုက်ချင်းပစ်ဒုံးကျည်ကို အောင်မြင်စွာ စမ်းသပ်ပစ်ခတ် ခဲ့ကြောင်း ရုရှားစစ်တပ်က ထုတ်ပြန်ပါတယ်။ ဒီတိုက်ချင်းပစ်ဒုံးကျည်ကို နိုင်ငံမြောက်ပိုင်း ပစ်လွှတ်ရေးနေရာကနေ ပစ်ခတ်ခဲ့တာဖြစ်ပြီး နျူကလီးယား ထိပ်ဖူးများစွာကို သယ်ဆောင်နိုင်တယ်လို့ ထုတ်ပြန်ချက်မှာ ဆိုပါတယ်။ ဒုံးကျည်ဟာ ကမ်ချက်တာကျွန်းဆွယ်ရှိ သတ်မှတ်ပစ်မှတ်တွေကို အောင်မြင်စွာ ထိမှန်ခဲ့ကြောင်း ထုတ်ပြန်ချက်မှာ ဖော်ပြထားပါတယ်။ ရုရှားရဲ့ ယားစ်အမျိုးအစာ တိုက်ချင်းပစ်ဒုံးကျည်ဟာ ကီလိုမီတာ ၁၀၀၀ ထိ ခရီးရောက်နိုင်ပြီး ရုရှားနျူကလီးယား တပ်ဖွဲ့အတွက် အဓိက လက်နက်ဖြစ်ကာ လက်တွေ့အသုံးပြုရန် ဖြန့်ကြက်ထားပြီးဖြစ်ကြောင်း ရုရှားစစ်တပ်က ဆိုပါတယ်။ ရုရှားရဲ့ မဟာဗျူဟာမြောက် နျူကလီးယားတပ်ဖွဲ့ဟာ နိုးကြားတက်ကြွမှုနဲ့ ဒီလက်နက်တွေကို အသုံးပြုဖို့ အဆင်သင့်ရှိကြောင်း ရုရှားသမ္မတ ပူတင်က ပြောပါတယ်။ ပူတင်နဲ့ ရုရှားစစ်တပ်ဟာ အနောက်နိုင်ငံတွေ ကြောက်ရွံ့ဖို့နဲ့ ယူကရိန်းအပေါ် ထောက်ခံမှု ကျဆင်းသွားစေဖို့…