မေ-၁၈ – ၂၀၂၄GG (VOM)တိုက်ပွဲတွေပြင်းထန်နေတဲ့ ရခိုင်ပြည်နယ်၊ ဘူးသီးတောင်မြို့က စစ်တပ်စခန်းတွေကို AA က သိမ်းပိုက်လိုက်ပြီး မြို့ကိုထိန်းချုပ်လိုက်ပြီဖြစ်ကြောင်း AA ဘက်က ဒီကနေ့မေလ ၁၈ ရက်နေ့မှာ သတင်းထုတ်ပြန်လာပါတယ်။ထုတ်ပြန်ချက်မှာ ဘူးသီးတောင်မြို့က နစကတပ်ရဲ့ နောက်ဆုံးလက်ကျန်စခန်းတွေ ဖြစ်တဲ့ ဘူးသီးတောင် ဗျူဟာဌာနချုပ် အပါအဝင် ဗျူဟာလက်အောက်ခံ တပ်ရင်းများ၊ အမြောက်တပ်၊ ထောက်ပို့တပ်ရင်း နဲ့ ဒကစ (စစ်တွေ) လက်အောက်ခံ ဘူးသီးတောင် အခြေစိုက်တပ်ရင်းအချို့ အပါအဝင် စခန်းအားလုံးကို သိမ်းပိုက်လိုက်တာဖြစ်တယ်လို့ ရေးသားထားပါတယ်။ဒီနေ့ သိမ်းပိုက်ခဲ့တဲ့ စစ်စခန်းတွေက ဘူးသီးတောင်ဗျူဟာဌာနချုပ် အပါအဝင် အမတ (၃၇၈)၊ ခမရ (၂၃၄)၊ ခမရ (၃၄၅)၊ ခမရ (၃၅၂) တပ်ရင်းများ၊ အမြောက်တပ်၊ ထောက်ပို့တပ်ရင်း နဲ့ GE တပ်ရင်း တွေဖြစ်တယ်လို့ဆိုပါတယ်။မေလ ၁၃ ရက်ကနေ ၁၆…

မေ ၁၈ – ၂၀၂၄GG(VOM)ကချင်ပြည်နယ်၊ မြစ်ကြီးနားမြို့၊ ပမ္မတီးရပ်ကွက်ထဲကို လက်နက်ကြီးကျရောက်ပေါက်ကွဲလို့ ရပ်ကွက်နေထိုင်သူ နှစ်ယောက်ထက်မနည်း သေဆုံးပြီး ရှစ်ယောက်ထက်မနည်းထိခိုက်ဒဏ်ရာရရှိခဲ့တယ်လို့ မြို့ခံတွေဆီကသိရပါတယ်။ဒီနေ့မေလ ၁၈ ရက်နေ့ အစောပိုင်းမှာလက်နက်ကြီးပစ်ခတ်သံတွေကြားရပြီးနောက် မနက်၈ နာရီလောက်မှာပမ္မတီးရပ်ကွက်ထဲကိုလက်နက်ကြီး ခြောက်လုံးကျရောက်ပေါက်ကွဲပြီး လူသေဆုံးမှုနဲ့ ဒဏ်ရာရသူတွေရှိခဲ့တာဖြစ်တယ်လို့ရပ်ကွက်ဒေသခံတွေကပြောပါတယ်။“မနက်မစောထဲကလက်နက်ကြီးသံတွေကြားရတယ်။ ဘယ်မှာပစ်နေလဲသာမသိရတာ။ ၈နာရီလောက်ကျမှရပ်ကွက်ထဲကျတာ နေအိမ်တွေပေါ်ကျတယ်။ အဘွားတယောက်သေတယ်။ နောက်ထပ်တယောက်လည်းဆေးရုံခေါ်သွားရင်းသေတယ်။ ဒဏ်ရာရသူတွေရှိတယ်။ ကလေးတွေလည်းထိတယ်။ အိမ်တွေလည်းပျက်စီးတယ်။ ၊လက်နက်ကြီးကလည်းဘယ်အဖွဲ့ကပစ်လို့ကျတယ်ဆိုတာ သေချာမသိရဘူး ” လို့ ပမ္မတီးရပ်ကွက်နေထိုင်သူတယောက်ကဖြစ်စဉ်ကိုပြောပြပါတယ်။KIA က ဧရာဝတီမြစ်တဖက်ကမ်းကနေ နမ့်ပေါင်လေတပ်စခန်းကို ပစ်ခတ်တိုက်ခိုက်ခဲ့ရာ စစ်တပ်ဘက်ကလည်း ပြန်လည်ပစ်ခတ်ခဲ့ကြောင်း ၊ အဆိုပါ ပစ်ခတ်မှုဖြစ်စဉ်အကြား အမ္မတီးရပ်ကွက်ထဲကိုလက်နက်ကြီးကျရောက်ခဲ့ရတာဖြစ်ပါတယ်။မြစ်ကြီးနားဒေသခံနောက်တယောက်က ” မနက်ပိုင်းဖြစ်သွားတာ၊ KIA ကလေတပ်စခန်းကိုပစ်တယ်၊စစ်တပ်ကလည်းပြန်ပစ်တယ် အဲဒီထဲမှာ ပမ္မတီးရပ်ကွက်ကထိတာပဲသိတယ်၊ဘယ်သူပစ်လို့ကျတယ်ဆိုတာတော့ မသိဘူး၊ သေဆုံးသူ နဲ့ဒဏ်ရာရသူတွေရှိတာတော့သိတယ်၊မြို့ထဲမှာခုကတော့ အပစ်အခတ်ငြိမ်နေတယ် ” လို့ပြောပါတယ်။လက်နက်ကြီးထိမှန်သေဆုံးသူတွေနဲ့ ထိခိုက်ဒဏ်ရာရရှိသူတွေကိုတော့ မြစ်ကြီးနားဆေးရုံကိုပို့ဆောင်ထားပြီး မြို့ပေါ်မှာလည်းအသွားအလာရှင်းနေတယ်လို့သိရပါတယ်။ ဧပြီလ ၁၉…

မေ ၁၈ – ၂၀၂၄ GG (VOM) ရှမ်းပြည်နယ် ၊နောင်ချိုမြို့နယ်ထဲက ကျေးရွာတွေမှာ တိုက်ပွဲတွေဖြစ်ပွားပြီး လက်နက်ကြီးထိမှန် လို့ အရပ်သားသေဆုံးမှုရှိနေသလို စစ်ရှောင်နေရတဲ့ဒေသခံလည်း ၅၀၀ ကျော်လောက်အထိ ရှိလာနေပြီဖြစ်တယ်လို့ ဒေသခံတွေဆီကသိရပါတယ်။ နောင်ချိုမြို့နယ်ထဲက သရက်ကုန်းရွာဘက်မှာ နစက တပ်ဖွဲ့ဝင်တွေနဲ့ PDF တွေအကြား တိုက်ပွဲတွေဖြစ်ပွားနေတာဖြစ်ပြီး အရင်ရက်က ပါဟက်ရွာထဲကို လက်နက်ကြီးကျည် ကျရောက်ပေါက်ကွဲလို့ နေအိမ်တွေပျက်စီးခဲ့ရသလို ကျေးရွာနေဒေသခံ သုံးယောက်သေဆုံးကာ ထိခိုက်ဒဏ်ရာရသူတွေရှိခဲ့တယ်လို့ ဒေသခံကပြောပါတယ်။ “တိုက်ပွဲဖြစ်နေတာ သုံးရက်ရှိပြီ၊စစ်ဘေးရှောင်နေရတယ်တောထဲမှာ။ အရင်နေ့ကလည်းလက်နက်ကြီးကျလို့ လူသုံးယောက်သေသွားတယ်။ ရွာထဲမနေရဲကြတော့ဘူး၊ အခုသရက်ကုန်းဘက်မှာတိုက်ပွဲတွေဖြစ်နေတယ်။ တဝုန်းဝုန်းပဲ ” လို့ တောထဲမှာစစ်ရှောင်နေရသူဒေသခံတယောက်ကပြောပါတယ်။ ပါဟက်ရွာက လက်နက်ကြီးထိပြီးသေဆုံးခဲ့ရသူသုံးယောက်ကတော့ မထွေးရီ (၄၂ နှစ်)၊ မဝင်းသန္တာ (၃၆ နှစ်) နဲ့ မမိုခမ်းဦး (၁၆ နှစ်) တို့ဖြစ်တယ်လို့သိရပါတယ်။ တိုက်ပွဲကပြင်းထန်မှုကြောင့် သရက်ကုန်းအနီးကရွာတွေနဲ့ စစ်တပ်စခန်းရှိရာအနီးကရွာတွေဟာ…

မေ ၁၈၊ ၂၀၂၄ Shy V (VOM) ကချင်ပြည်နယ်၊ ဗန်းမော်ခရိုင်၊ မိုးမောက်မှာ နစက စစ်တပ်နဲ့ KIA ပူးပေါင်း တပ်ဖွဲ့တို့အကြား တိုက်ပွဲတွေကြောင့် မေလ ၁၇ ရက်နေ့ညက မိုးမောက်ဈေးနဲ့ နေအိမ် တချို့ မီးလောင်ပျက်စီးသွားကြောင်း ဒေသခံတွေဆီက သိရပါတယ်။ “မိုးမောက်ဈေး မရှိတော့ဘူး။ ပါသွားတဲ့ နေအိမ် ၃၀ နီးပါးရှိတယ်။ တချို့က အကုန်မလောင်ဘူး။ အိမ်ထဲကျန်ခဲ့တဲ့ အသက်ကြီးပိုင်းတွေရဲ့ သတင်းမကြားရသေးဘူး။ လွတ်သွားလား၊ မလွတ်ဖူးလားဆိုတာ မသိရသေးဘူး” လို့ ဒေသခံ တယောက်က ပြောပါတယ်။ နှစ်ဘက်တိုက်ပွဲတွေအတွင် လက်နက်ကြီးပစ်ခတ်မှုတွေလည်း အပြန်အလှန်ရှိခဲ့ပြီး ဗန်‌းမော် ဘက်ကနေ မိုးမောက်ဘက် လက်နက်ကြီး ပစ်နေတ “မိုးမောက်က‌တော့ အိမ်တွေလည်း မီးလောင်ကုန်ပြီ။ အကုန်လုံးသွားပါပြီ။” လို့ နောက်ထပ် ဒေသခံ တယောက်က ပြောပါတယ်။ မိုးမောက်…