ဆိုးလ်၊ ဇူလိုင်-၈-၂၀၂၄ မျိုးဆက်(VOM) တောင်ကိုရီးယားမှာ ဆမ်ဆောင်းအီလက်ထရွန်းနစ် လုပ်ငန်းစုက လုပ်သားတွေဟာ လုပ်ခလစာနဲ့ ပိုမိုကောင်းမွန်တဲ့ လုပ်ငန်းခွင့်အခြေအနေဖြစ်ရေးနဲ့ ပတ်သက်ပြီး သုံးရက်ကြာ သပိတ်ကို ဒီနေ့ ဇူလိုင် ၈ ရက်မှာ စတင်လိုက်ပါတယ်။ ဆမ်ဆောင်းအနေနဲ့ သူတို့ရဲ့ တောင်းဆိုချက်တွေကို မလိုက်လျောရင် နောက်ထပ် ဆန္ဒပြမှုတွေ ဆက်လုပ်မယ်လို့ ဆန္ဒပြအလုပ်သမားတွေက ပြောပါတယ်။ အလုပ်သမားတွေဟာ သမဂ္ဂဝင်အလုပ်သမားတွေအတွက် နှစ်စဉ်ခွင့်ပိုပေးတာနဲ့ ဆုကြေးပေးတာမျိုး ပြောင်းလဲလိုနေပါတယ်။ ဆမ်ဆောင်းအီလက်ထရွန်းနစ် အလုပ်သမားသမဂ္ဂဟာ အဖွဲ့ဝင်ပေါင်း သုံးသောင်းကျော်ရှိပြီး တောင်ကိုရီးယားရှိ ဆမ်ဆောင်းလုပ်ငန်းစုအင်အားရဲ့ လေးပုံတပုံနီးပါးရှိပါတယ်။ ဒါပေမယ့်လည်း သပိတ်မှောက်မှုမှာ ပါဝင်မှုနည်းပါးတာနဲ့ စက်ရုံတွေမှာ အလိုအလျာက်ထုတ်လုပ်တဲ့စနစ်တွေကြောင့် အလုပ်သမားတွေရဲ့ သပိတ်ဟာ ကမ္ဘာ့အကြီးဆုံး ချစ်ပ်တွေထုတ်လုပ်တဲ့ ဆမ်ဆောင်းလုပ်ငန်းစုအတွက် များစွာ သက်ရောက်နိုင်ခြေမရှိဘူးလို့ လေ့လာသူတွေက ပြောပါတယ်။ ပြီးခဲ့တဲ့လကလည်း နှစ်စဉ်နားရက်နဲ့ပတ်သက်ပြီး အငြင်းပွားမှုကြောင့် ဝန်ထမ်းအများအပြား နုတ်ထွက်ခဲ့ပြီး ဒီကိစ္စကြောင့်…

  ဂျကာတာ၊ ဇူလိုင်-၈-၂၀၂၄ မျိုးဆက်(VOM) အင်ဒိုနီးရှားနိုင်ငံ ဆူလာဝေစီကျွန်းမှာ မိုးသည်းထန်စွာရွာသွန်းပြီး တရားမဝင်ရွှေတွင်းတခု ပြိုကျလို့ လူ ၁၂ ယောက်သေဆုံးပြီး ၁၈ ယောက်ပျောက်ဆုံးနေတယ်လို့ တာဝန်ရှိသူတွေက ပြောပါတယ်။ ဒီမြေပြိုမှုဟာ ဂေါ်ရွန်တာရိုပြည်နယ် ဆူဝါဝါခရိုင်မှာ မနေ့ကမနက်ပိုင်းမှာ ဖြစ်ပွားခဲ့တာဖြစ်ပြီး တရားမဝင်ရွှေတွင်းအနီး နေထိုင်သူတွေနဲ့ဒေသခံတွေ သေဆုံးခဲ့တယ်လို့ တာဝန်ရှိသူတွေက ဆိုပါတယ်။ အသက်ရှင်သူငါးယောက်ကိုတော့ ကယ်တင်ပြီး ဆေးရုံပို့ထားကာ ပျောက်ဆုံးနေသူ ၁၈ ယောက်ကို ရှာဖွေမှုတွေ ဆက်လက်လုပ်ဆောင်နေပါတယ်။ ပျောက်ဆုံးနေသူတွေကို ရှာဖွေဖို့ အမျိုးသားကယ်ဆယ်ရေးအဖွဲ့ ၊ စစ်ဘက်ဆိုင်ရာ ဝန်ထမ်းတွေပါဝင်တဲ့ ကယ်ဆယ်ရေးသမား ၁၆၄ ယောက်ကို စေလွှတ်ထားတယ်လို့ ပြောပါတယ်။ ဒါပေမယ့်လည်း ရာသီဥတုဆိုးရွားမှုကြောင့် ကယ်ဆယ်ရေးသမားတွေဟာ အခင်းဖြစ်ရာနေရာကို ရောက်ရှိဖို့အတွက် ကီလိုမီတာ ၂၀ လမ်းလျှောက်ရမယ်ဆို တာဝန်ရှိသူတွေက ပြောပါတယ်။ မြေပြိုမှုကြောင့် လူနေအိမ်အများအပြားနဲ့တံတားတစင်းလည်း ပျက်စီးခဲ့ပါတယ်။ ဒီနေ့နဲ့ မနက်ဖြန်မှာလည်း…

  Voice of Myanmar ဗီယက်နမ်စစ်ပွဲမှ အမေရိကန်တပ်များ ရုပ်သိမ်းမှု ပထမအဆင့်အဖြစ် ပထမဆုံးသောတပ်ဖွဲ့ဝင် နှစ်သောင်းငါးထောင် ရုပ်သိမ်းရေးအတွက် တောင်ဗီယက်နမ်မှ အမေရိကန်ခြေလျင်တပ်မ အမှတ်-၉ က ၁၉၆၉ ခုနှစ် ဇူလိုင် ၇ ရက်တွင် စတင်ခဲ့သည်။ #Voiceofmyanmar #VOM #ThisDayInHistory #July7

  ဂါဇာစီးတီး ၊ ဇူလိုင်-၇-၂၀၂၄ မျိုးဆက်(VOM) ဂါဇာကမ်းမြှောင်ဒေသရှိ စာသင်ကျောင်းတကျောင်းကို အစ္စရေးရဲ့လေကြောင်းတိုက်ခိုက်မှုကြောင့် လူ ၁၆ ယောက်သေဆုံးပြီး ဒါဇင်များစွာ ဒဏ်ရာရရှိခဲ့ကြောင်း တာဝန်ရှိသူတွေက ပြောပါတယ်။ အဲဒီစာသင်ကျောင်းဟာ ဂါဇာအလယ်ပိုင်း နူဆီရက်ဒုက္ခသည်စခန်းမှ ဒုက္ခသည် ထောင်ချီပြီး ခိုလှုံနေတဲ့ နေရာဖြစ်ကြောင်း ဟာမတ်စ်ကျန်းမာရေးအာဏာပိုင်တွေက ဆိုပါတယ်။ အစ္စရေးကတော့ အဲဒီစာသင်ကျောင်း ဧရိယာမှ လှုပ်ရှားနေတဲ့ အကြမ်းဖက်သမားတွေကို တိုက်ခိုက်ခဲ့တာလို့ ပြောပါတယ်။ တိုက်ခိုက်မှုဟာ လူစည်ကားတဲ့ စျေးအနီးရှိ စာသင်ကျောင်းခေါင်မိုးကို ပစ်မှတ်ထားခဲ့တာလို့ မျက်မြင်သက်သေတွေက ပြောပါတယ်။ ဒီစာသင်ကျောင်းကို ခိုလှုံရာနေရာအဖြစ် လူ ၇၀၀၀ ခိုလှုံနေတာဖြစ်ပါတယ်။ ဒီတိုက်ခိုက်မှုအတွင်း သေဆုံးသသူတွေထဲမှာ သတင်းထောက်ငါးယောက်ပါတယ်လို့ ဟားမတ်စ်တို့ကပြောပါတယ်။ ပြီးခဲ့တဲ့အောက်တိုဘာ ၇ ရက်မှာစတင်ခဲ့တဲ့ ဂါဇာစစ်ပွဲအတွင်း သေဆုံးသွားတဲ့ သတင်းသမား ၁၅၈ ယောက်ထိရှိလာပြီလို့ နယ်စည်းမခြားဆရာဝန်များအဖွဲ့က ပြောပါတယ်။ စာသင်ကျောင်းကို ထိမှန်ခဲ့တာနဲ့ပတ်သက်ပြီး အစ္စရေးကလည်း…

  ဆိုးလ်၊ ဇူလိုင်-၇-၂၀၂၄ မျိုးဆက်(VOM) တောင်ကိုရီးယားနိုင်ငံမှာ နိုရိုဗိုင်းရပ်စ်ပိုး ကူးစက်နေတဲ့ ကင်မ်ချီတွေ စားမိပြီး လူ ၁၀၀၀ ကျော်ဆေးရုံ တင်ထားရကကြောင်း တာဝန်ရှိသူတွေက ပြောပါတယ်။ ကနဦးမှာ အစာအဆိပ်သင့်သူ ၉၉၆ ယောက်ရှိခဲ့ပေမယ့်လည်း မနေ့ကတော့ ၁၀၂၄ ယောက်ထိ မြင့်တက်လာပါတယ်။ အစာအဆိပ်သင့်သူတွေဟာ အဲဒီကင်မ်ချီတွေကို မြို့မှာရှိတဲ့ ကျောင်းအစားအစာတွေကတဆင့် ရရှိခဲ့တာဖြစ်ပါတယ်။ အော့အန်ခြင်း၊ ဝမ်းလျှောခြင်းနဲ့ ဗိုက်အောင့်တာမျိုး ဝေဒနာခံစားရပြီး ဆေးရုံတက်နေရသူတွေထဲမှာ စာသင်ကျောင်း ၂၄ ကျောင်း ကျောင်းသားတွေနဲ့ ဝန်ထမ်းတွေလည်း ပါဝင်တယ်လို့ နမ်ဝန်မြို့ အာဏာပိုင်တွေက ပြောပါတယ်။ လက်ရှိမှာတော့ ဖြစ်စဉ်နဲ့ပတ်သက်ပြီး အာဏာပိုင်တွေက စုံစမ်းစစ်ဆေးမှုတွေ လုပ်ဆောင်နေပြီး ကင်မ်ချီထုတ်လုပ်တဲ့ ကုမ္ပဏီရဲ့ ထုတ်ကုန်တွေကို ပြန်သိမ်းပြီး ရောင်းချမှုကိုလည်း ရပ်ဆိုင်းထားဖို့ ညွှန်ကြားထားပါတယ်။ နိုရိုဗိုင်းရပ်စ်ဟာ အလွန်ကူးစက်တတ်ပြီး အိမ်သာရေဆေးလက်ကိုင်လို ညစ်ညမ်းတဲ့ မျက်နှာပြင်ပစ္စည်းတွေနဲ့ ရောဂါပိုးရှိပြီးသားသူတွေနဲ့…