ကွာလာလမ်ပူ၊ မတ်-၂၀–၂၀၂၅ ရတီ(VOM) လွန်ခဲ့တဲ့ ၁၀ နှစ်ကျော်က လျှို့ဝှက်ဆန်းကျယ် ပျက်ကျ ပျောက်ဆုံးသွားတဲ့ မလေးရှားလေကြောင်းလိုင်း MH370 လေယာဉ်ရဲ့အပျက်အစီးတွေကို ပြန်လည်ရှာဖွေရေးလုပ်ငန်းတွေ ပြန်လည်စတင်ဖို့ မလေးရှားအစိုးရက အတည်ပြုလိုက်ပါတယ်။ မလေးရှားအစိုးရနဲ့ အိုရှင်းအင်းဖက်နကီ ကုမ္ပဏီတို့သဘောတူညီချက်အရ လေယာဉ်ပျက်ကျတယ်လို့ ယူဆရတဲ့ အိန္ဒိယသမုဒ္ဒရာတောင်ပိုင်း စတုရန်းကီလိုမီတာ ၁၅၀၀၀ ကျယ်ဝန်းတဲ့ ဧရိယာမှာ ရှာဖွေမှုတွေ လုပ်ဆောင်သွားမှာ ဖြစ်ပါတယ်။ လေယာဉ်အပျက်အစီးတွေကို ရှာဖွေတွေ့ရှိမယ်ဆိုရင် ကုမ္ပဏီအနေနဲ့ ဒေါ်လာသန်း ၇၀ ရရှိမှာဖြစ်တယ်လို့ မလေးရှား သယ်ယူပို့ဆောင်ရေးဝန်ကြီးက ပြောပါတယ်။ မလေးရှားလေကြောင်းလိုင်း လေယာဉ်ခရီးစဉ်အမှတ် MH370 ဟာ ကွာလာလမ်ပူကနေ ပေကျင်းကို ပျံသန်းစဉ် ၂၀၁၄ ခုနှစ်မှ ပျက်ကျပျောက်ဆုံးခဲ့တာပါ။ လေယာဉ်ပေါ်မှာ ခရီးသည်နဲ့ အမှုထမ်း ၂၃၉ ယောက်လိုက်ပါခဲ့ပြီး လေယာဉ်ပျောက်ဆုံးမှုဟာ ကမ္ဘာပေါ်မှာ လေကြောင်းဆိုင်ရာ လျှို့ဝှက်ဆန်းကျယ်မှုတွေထဲက တခုလည်းဖြစ်ပါတယ်။ ပျောက်ဆုံးခဲ့တဲ့ နှစ်တွေအတွင်း…

အန်ကာရာ၊ မတ်-၂၀-၂၀၂၅ ရတီ(VOM) သမ္မတလောင်းအဖြစ် ရွေးချယ်ခံရမယ့် အစ္စတန်ဘူလ်မြို့တော်ဝန်ကို တရားဝင်မရွေးချယ်ခင် ရက်ပိုင်းအလိုမှာ အာဏာပိုင်တွေက ဖမ်းဆီးမှုကြောင့် မြို့တော်အစ္စတန်ဘူလ်မှာ အစိုးရဆန့်ကျင်ရေး ဆန္ဒပြပွဲတွေ ဖြစ်ပွားနေပါတယ်။ အစ္စတန်ဘူလ်မြို့တော်ဝန် အက်ခ်ရမ်အင်မာမိုဂလူကို ရီပတ်ဘလီကန် ပြည်သူ့ပါတီရဲ့ သမ္မတလောင်းအဖြစ် ရွေးချယ်ဖို့ စီစဉ်ထားပြီး သူဟာ လက်ရှိသမ္မတ အာဒိုဂန်ကို ယှဉ်ပြိုင်နိုင်မယ် အဓိက နိုင်ငံရေးပြိင်ဘက်အဖြစ် သတ်မှတ်ခံထားရသူလည်းဖြစ်ပါတယ်။ မြို့တော်တွင်လည်း လေးရက်ကြာ ကန့်သတ်မှုတွေနဲ့ လူစုလူဝေးကို ရဲတပ်ဖွဲ့က တားမြစ်ထားပေမယ့် ဆန္ဒပြပွဲတွေ ဖြစ်ပွားခဲ့တာဖြစ်ပြီး လူအုပ်ကိုဖြိုခွဲမှုတွေ လုပ်ဆောင်ခဲ့ပါတယ်။ ဆန္ဒပြသူတွေဟာ အစ္စတန်ဘူလ်မြို့ လမ်းမတွေ၊ တက္ကသိုလ်တွေနဲ့ မြေအောက်ရထားဘူတာရုံတွေမှာ အစိုးရဆန့်ကျင်ရေး ကြွေးကျော်သံတွေနဲ့ ချီတက်ဆန္ဒပြမှုများပြုလုပ်ခဲ့ပြီး ဒါဟာ နှစ်များစွာအတွင်း အစိုးရအပေါ် ပြည်သူတွေရဲ့ မကျေနပ်ချက်တွေကို ထင်ဟပ်နေတယ်လို့ အကဲခတ်တွေက ပြောပါတယ်။ လာမယ့် သမ္မတရွေးကောက်ပွဲကို သပိတ်မှောက်ဖို့ တောင်းဆိုမှုတွေလည်းရှိနေပြီး ရီပတ်ဘလီကန် ပြည်သူ့ပါတီကတော့…

ဝါရှင်တန်၊ မတ်-၁၉-၂၀၂၅ ရတီ(VOM) နိုင်ငံတကာ အာကာသစခန်း (ISS)မှာ ကိုးလကြာ သောင်တင်နေတဲ့ နာဆာအာကာသယာဉ်မှူး ဘတ်ချ်ဝေလ်မိုးနဲ့ ဆူနီဝီလီယံတို့ကို အာကာသယာဉ်နဲ့ ကမ္ဘာမြေကို ပြန်လည်ခေါ်ဆောင်နိုင်ခဲ့ပြီလို့ နာဆာက ပြောပါတယ်။ သူတို့ နှစ်ယောက်ဟာ နိုင်ငံတကာ အာကာသစခန်းကနေပြန်လာဖို့ သူတို့ရဲ့ အာကာသယာဉ် နည်းပညာချို့ယွင်းမှုကြောင့် သောင်တင်နေခဲ့တာပါ။ သူတို့ကို တင်ဆောင်လာတဲ့ Space X ရဲ့ အာကာသယာဉ်ဟာ ကမ္ဘာလေထုထဲကို ဝင်ရောက်ပြီးနောက် ဖလော်ရီဒါကမ်းရိုးတန်းမှာ အာကာသယာဉ်မှူးတွေ ဆင်းသက်ခဲ့ပါတယ်။ သူတို့နှစ်ယောက်ဟာ Space X ရဲ့ Dragon အာကာသယာဉ်နဲ့ နိုင်ငံတကာ အာကာသစခန်းကနေ အခြားအာကာသယာဉ်မှူးနှစ်ယောက်နဲ့ အင်္ဂါနေ့မနက် ၁ နာရီ ၁၅ မိနစ်မှာ စတင်ထွက်ခွာခဲ့ပြီး ကမ္ဘာမြေကို ၁၇ နာရီကြာ ခရီးနှင်ခဲ့ပါတယ်။ လက်ရှိမှာတော့ အာကာသယာဉ်မှူးတွေကို ဟူစတန်ရှိ ဂျွန်ဆင်အာကာသစခန်းကို ပို့ဆောင်ထားပြီး ဆေးဘက်ဆိုင်ရာ…

ကိဗ်ယက်၊ မတ်-၁၉-၂၀၂၅ မျိုးဆက်(VOM) ယူကရိန်းစွမ်းအင် အခြေခံအဆောက်အအုံတွေကို တိုက်ခိုက်တာရပ်မယ်လို့ ပူတင်နဲ့ ထရန့်နဲ့ ဆွေးနွေးပြီး နာရီပိုင်းအကြာမှာ ရုရှားနဲ့ ယူကရိန်းတို့ဟာ အပြန်အလှန်လေကြောင်း တိုက်ခိုက်မှုတွေ ပြုလုပ်ခဲ့ကြပါတယ်။ ရုရှားက ပစ်မှတ်ထားတိုက်ခိုက်တဲ့အထဲမှာ ဆေးရုံတွေလည်း ပါဝင်တယ်လို့ ယူကရိန်းသမ္မတ ဇီလန်စကီးက ပြောပါတယ်။ ဒေါ်နယ်ထရန့်နဲ့ ဆွေးနွေးမှုအတွင်း ယူကရိန်းစစ်ပွဲ အဆုံးသတ်ရေး ကျယ်ကျယ်ပြန့်ပြန့် အပစ်ရပ်မယ့် အဆိုပြုချက်ကို ပူတင်က ပယ်ချခဲ့ပါတယ်။ ယူကရိန်းကို မဟာမိတ်တွေက စစ်ရေးအကူအညီပေးတာ ရပ်တန့်မှသာ အပစ်အခတ်ရပ်စဲရေး အပြည့်အ၀ လုပ်ဆောင်မယ်လို့ ပူတင်က ပြောပါတယ်။ ဒီကိစ္စကို ယူကရိန်းရဲ့ ဥရောပမဟာမိတ်တွေက ယခင်ကတည်းက ပယ်ချထားခဲ့ပါတယ်။ စွမ်းအင်အခြေခံအဆောက်အအုံတွေကို တိုက်ခို်ကမှုရပ်မယ်လို့ သဘောတူပြီးနာရီပိုင်းအကြာမှာ ရုရှားဟာ ဆူမီရှိ ဆေးရုံအပါအဝင် အရပ်ဘက်အဆောက်အအုံတွေကို ဒရုန်း အစင်း ၄၀ ကျော်နဲ့ ပစ်မှတ်ထားတိုက်ခိုက်ခဲ့တယ်လို့ ယူကရိန်းသမ္မတက ပြောပါတယ်။ ရုရှားကာကွယ်ရေး…