ဇန်နဝါရီ ၁၂၊ ၂၀၂၅။ NN(VOM) ရှမ်းပြည်နယ်မြောက်ပိုင်း သီပေါနှင့် မိုင်းရယ်မြို့​တွေမှာ အွန်လိုင်းလောင်း ကစားရုံ​တွေနဲ့ မူးယစ်ဆေးဝါး ချက်ရုံ​တွေကို တပ်မတော်က ရှင်းလင်း သိမ်းဆည်း ရမိတယ်လို့ အစိုးရဘက်က သတင်းထုတ်ပြန်ထားပါတယ်။ သီပေါမြို့နယ် နားလင်းရွာအနီးမှာ ယခုလ ၈ ရက်နေ့က နယ်မြေရှင်းလင်း ရေးလုပ်တဲ့တပ်မတော် စစ်ကြောင်းကို လက်ကိုင်အဖွဲ့တဖွဲ့က စတင်ပစ်ခတ်ခဲ့လို့ တပ်မတော်က လိုက်လံရှင်းလင်းရာမှ လောင်းကစားရုံတွေနဲ့ မူးယစ် ဆေးဝါး ချက်ရုံတွေကို ဖမ်းဆီးရမိခဲ့တယ်လို့ အစိုးရထုတ်ပြန်ချက်မှာ ဖော်ပြထားပါတယ်။ ဇန်နဝါရီလ ၉ ရက်နေ့ နေ့လယ်ပိုင်းမှာ သီပေါမြို့နယ် နားလင်းရွာအနီး အွန်လိုင်းငွေလိမ်လုပ်ငန်းအတွက် အသုံးပြုနေသော လူနေအဆောက်အအုံ နှစ်လုံးအတွင်းကနေ လက်တော့ပ် ၁၈ လုံး၊ စတားလင့် စက် ၅ လုံး အပါအဝင် ဆက်စပ်ပစ္စည်းများကို သိမ်းဆည်းရမိတယ်လို့ ဆိုပါတယ်။ တပ်မတော် စစ်ကြောင်းတွေက နားလင်းရွာအနီး…

ဒေလီ၊ ဇန်နဝါရီ-၁၂-၂၀၂၆ မျိုးဆက်(VOM) အိန္ဒိယနိုင်ငံ အရှေ့ပိုင်း ဂျာခန်ပြည်နယ်မှာ တောဆင်ရိုင်းတကောင် တိုက်ခိုက်မှုကြောင့် ကိုးရက်အတွင်း လူ ၂၀ ထက်မနည်း သေဆုံးခဲ့ပြီး အဲဒီဆင်ကို ဖမ်းမိမသေးဘူးလို့ တာဝန်ရှိသူတွေက ပြောပါတယ်။ အနောက်ဆင်းဘမ်ခရိုင်ရှိ ချိုင်ဘာဆာနဲ့ ကိုလ်ဟန် သစ်တောဧရိယာတွေမှာ ဇန်နဝါရီလ ၁ ရက်ကနေ ၉ ရက်အတွင်း သေဆုံးမှု ဖြစ်ပွားခဲ့တာပါ။ လူနဲ့ ဆင် ပဋိပက္ခတွေဟာ အဲဒီဒေသမှာ နှစ်ပေါင်းများစွာကတည်းက ဖြစ်ပွားနေခဲ့တာပါ။ အဓိကအားဖြင့် သစ်တောဖုံးလွှမ်းမှု လျော့နည်းလာတာ ၊ နေထိုင်ရာတွေ ပျက်စီးတာနဲ့ ဆင်တွေကျက်စားရာနေရာတွေအနီး လူသားတွေသွားလာလုပ်ကိုင်မှု တိုးပွားလာတာတွေကြောင့်လို့ တာဝန်ရှိသူတွေနဲ့ သုတေသီတွေက ပြောပါတယ်။ လက်ရှိမှာတော့ တိုက်ခိုက်ခဲ့တဲ့ ဆင်ကို ရှာဖွေဖို့ သစ်တောဝန်ထမ်း ၁၀၀ ကျော် ပါဝင်တဲ့ ကြီးမားတဲ့ ရှာဖွေရေးလုပ်ငန်းကို လုပ်ဆောင်နေတယ်လို့ တာဝန်ရှိသူတွေက ပြောပါတယ်။ “ဒါဟာ…

ဇန်နဝါရီ ၁၂ ၊ ၂၀၂၆ GG (VOM) အပိုင်း ၂ ရွေးကောက်ပွဲမှာ တိုင်းရင်းသားစည်းလုံးညီညွတ်ရေးပါတီ ( တစည) က လွှတ်တော်နေရာ ခြောက်ခု အနိုင်ရရှိထားပြီး တိုင်းရင်းသားပါတီ တခုဖြစ်တဲ့ ကရင်အမျိုးသားဒီမိုကရက်တစ်ပါတီကတော့ လွှတ်တော်နေရာ သုံးခုကို အနိုင်ရရှိခဲ့တယ်လို့ စုံစမ်းသိရှိရပါတယ်။ တစည ပါတီဟာ ရန်ကုန်တိုင်း ၊ ကြည့်မြင်တိုင်မြို့နယ်မှာ တိုင်းဒေသကြီးလွှတ်တော် ၊ မကွေးတိုင်း ၊မြို့သစ်မြို့နယ်မှာ ပြည်သူ့လွှတ်တော် နဲ့ မွန်ပြည်နယ်မှာတော့ ​PR စနစ်နဲ့ ပြည်သူ့လွှတ်တော် နဲ့ အမျိုးသားလွှတ်တော်နေရာတို့ကို အနိုင်ရရှိခဲ့တာ ဖြစ်တယ်လို့ သိရပါတယ်။ ဧရာဝတီတိုင်း ၊ ဝါးခယ်မမြို့နယ်မှာ တိုင်းဒေသကြီးလွှတ်တော်နေရာ နဲ့ မြောင်းမြမြို့နယ်မှာ အမျိုးသားလွှတ်တော် နေရာတို့ကို အနိုင်ရရှိခဲ့တယ်လို့ သိရပါတယ်။ ” လက်ရှိသိရတာ ခြောက် ယောက်တော့ အနိုင်ရထားပါတယ်။ မွန်ပြည်နယ်က ပြည်နယ်တခုလုံးအတွက်…

ဇန်နဝါရီ ၁၂ – ၂၀၂၆ SS (VOM) ပြည်ပနိုင်ငံတွေဆီ သွားရောက် အလုပ် လုပ်ကိုင်မယ့် အလုပ်သမားတွေအနေနဲ့ အလုပ်သမား ဝန်ကြီးဌာနရဲ့ ခွင့်ပြုချက်စာရင်းမှာ ပါမှသာ ရန်ကုန် အပြည်ပြည်ဆိုင်ရာ လေဆိပ်ကနေ ထွက်ခွာခွင့် ရရှိတော့မှာဖြစ်တယ်လို့ အလုပ်သမားညွှန်ကြားရေး ဦးစီးဌာနက မနေ့ ဇန်နဝါရီ ၁၁ ရက်က အသိပေး ထုတ်ပြန်ထားပါတယ်။ မြန်မာအလုပ်သမားတွေ ပြည်ပနိုင်ငံမှာ သွားရောက် အလုပ် လုပ်ကိုင်ခြင်း၊ ခွင့်နဲ့ ပြန်လာခြင်းတွေအတွက် ပြည်ပပြန်လည် ထွက်ခွာလိုပါက အရင်က အလုပ်သမား ညွှန်ကြားရေးဦးစီးဌာနကို အီးမေးလ် ပေးပို့ကာ ထွက်ခွာခွင့် ပြုထားတာဖြစ်ပေမယ့် ဒီကနေ့ ဇန်နဝါရီ ၁၂ ရက်မှ စတင်ကာ အဲဒီစနစ်ကို ပြောင်းလဲလိုက်တာ ဖြစ်တယ်လို့ သိရပါတယ်။ “အရင်တုန်းကတော့ အဲဒီ အချက်အလက်တွေကို အီးမေးလ်ကနေ ပို့ခိုင်းတယ်။ ပြီးရင် သူတို့က…