ကိယက်ဗ်၊ မတ်-၂၃-၂၀၂၄ မျိုးဆက်(VOM) ယူကရိန်း စွမ်းအင်အခြေခံအဆောက်အအုံတွေကို ရုရှားက ဒုံးကျည်တွေနဲ့ တိုက်ခိုက်မှုကြောင့် ယူကရိန်းပြည်သူ သန်းနဲ့ချီပြီး လျှပ်စစ်ဓါတ်အား ပြတ်တောက်နေပါတယ်။ ရုရှားဟာ ပြီးခဲ့တဲ့ညက ဒုံးကျည် အစင်း ၉၀ ကျော်နဲ့ ရှာဟတ်ဒ် ဒရုန်း အစင်း ၆၀ နဲ့ ယူကရိန်း စွမ်းအင်အခြေခံအဆောက်အအုံတွေကို တိုက်ခိုက်ခဲ့တာဖြစ်ပါတယ်။ ဒုတိယအကြီးဆုံးဖြစ်တဲ့ ခါကိဗ်မှာ လျှပ်စစ်ဓါတ်အားလုံး၀ မရဘူးလို့ ဒေသဆိုင်ရာ အကြီးအကဲက ပြောပါတယ်။ ရုရှားဟာ ယူကရိန်းရဲ့ စွမ်းအင်အခြေခံအဆောက်အအုံတွေကို အကြီးအကျယ် ထိခိုက်ပျက်စီးဖို့ လုပ်ဆောင်နေတယ်လို့ ယူကရိန်းစွမ်းအင်ဝန်ကြီး ဂျာမန်းဂလူရှန်ကိုက ပြောပါတယ်။ ရုရှားရဲ့ တိုက်ခိုက်မှုလှိုှု်င်းတွေဟာ အနောက်မဟာမိတ်တွေအနေနဲ့ ယူကရိန်းကို စစ်ရေးအကူအညီတွေ ထပ်မံပေးအပ်ဖို့လိုအပ်နေတယ်ဆိုတာ ပြသနေခြင်းဖြစ်ကြောင်း ယူကရိန်းသမ္မတ ဇီလန်စကီးက ပြောပါတယ်။ ယူကရိန်းအတွက် မဟာမိတ်တွေပေးမယ့် အကူအညီတွေ နှောင့်နှေးသလို့ ရုရှားဒုံးကျည်တွေက နှောင့်နှေးမှာမဟုတ်ဘူးလို့ သူကပြောပါတယ်။…

လန်ဒန်၊ မတ်-၂၃-၂၀၂၄ မျိုးဆက်(VOM) ဝေလမင်းသမီး ကက်သရင်းဟာ ကင်ဆာရောဂါဖြစ်ပွားနေကြောင်း စစ်ဆေးတွေ့ရှိပြီးနောက် အစောပိုင်းအဆင့် ကုသမှုတွေကို ခံယူနေကြောင်း နန်းတော်က ထုတ်ပြန်ပါတယ်။ ဒီလို ကင်ဆာရောဂါဖြစ်ပွားမှုကြောင့် လွန်စွာထိတ်လန့်တုန်လှုပ်ခဲ့ရပေမယ့် လက်ရှိမှာ အခြေအနေကောင်းမွန်ပြိး နေ့ရက်တိုင်း ပိုမိုသန်မာလာကြောင်း သူမက ဗီဒီယိုတခုကတဆင့် ပြောပါတယ်။ သူမ ခံစားနေရတဲ့ ကင်ဆာရောဂါအမျိုးအစားကို ထုတ်ဖော်ပြောဆိုခြင်းမရှိပေမယ့် ဝေလမင်းသမီးဟာ အပြည့်အ၀ ပြန်လည်ကောင်းမွန်းကျန်းမာလာမယ်လို့ ယုံကြည်ကြောင်း သူမနေထိုင်တဲ့ ကန်ဆင်တန်နန်းတော်က ထုတ်ပြန်ပါတယ်။ ဇန်နဝါရီလအတွင်းက ဝမ်းဗိုက်ခွဲစိတ်မှုပြုလုပ်စဉ်က ကင်ဆာရေးဂါရှိမှန်း မသိခဲ့ကြောင်း ဝေလမင်းသမီး ကက်သရင်းကဆိုပါတယ်။ ဒါပေမယ့် အဲဒီနောက်မှာ စမ်းသပ်စစ်ဆေးမှုများအရ ကင်ဆာရောဂါတွေ့ရှိခဲ့ပြီး ဓါတ်ရောင်ခြည်ကုထုံးနဲ့ အစောပိုင်းအဆင့် ကုသခံနေတယ်လို့ ပြောပါတယ်။ ကုသမှုတွေကို ဖေဖော်ဝါရီနှောင်းပိုင်းမှာ စတင်ခဲ့ပြီး ကင်ဆာရောဂါအပါအဝင် ဝေလမင်းသမီးရဲ့ နောက်ထပ်ပုဂ္ဂိုဟ်ရေး ဆေးဘက်ဆိုင်ရာ အချက်အလက်တွေကို မျှဝေထုတ်ပြန်မှာမဟုတ်ကြောင်း ကန်ဆင်တန် နန်းတော်က ထုတ်ပြန်ထားပါတယ်။ Ref:BBC…

မော်စကို၊ မတ်-၂၃-၂၀၂၄ မျိုးဆက်(VOM) ရုရှားနိုင်ငံ မြို့တော်မော်စကိုဆင်ခြေဖုံးရှိ ကပွဲရုံမှာ ဖျော်ဖြေပွဲကျင်းပစဉ် သေနတ်သမားတွေ ဝင်ရောက်တိုက်ခိုက်မှုကြောင်ပ လူ ၆၀ ထက်မနည်း သေဆုံးသွားတယ်လို့ ရုရှာထောက်လှမ်းရေး ကပြောပါတယ်။ ခရိုကပ်စ်မြို့တော်ခန်းမမှာဖြစ်ပွားခဲ့တဲ့ အဲဒီတိုက်ခိုက်မှုအတွင်း လူ ၁၀၀ ကျော်ဒဏ်ရာရရှိခဲ့တယ်လို့ တာဝန်ရှိသူတွေက ဆိုပါတယ်။ ဒီတိုက်ခိုက်မှုကို ကြိုးကိုင်လုပ်ဆောင်ခဲ့ကြောင်း အိုင်အက်စ်အဖွဲ့က ထုတ်ပြန်ထားပါတယ်။ သေနတ်သံနဲ့ ပေါက်ကွဲသံတွေ ထွက်ပေါ်လာချိန်မှာ ဖျော်ဖြေပွဲကို လာရောက်သူတွေဟာ ထိတ်လန့်တကြား ထွက်ပြေးခဲ့ကြပြီး အဆောက်အအုံခေါင်းမိုးထပ်မှ မီးလောင်ခဲ့ပြီး သေနတ်သမားတွေကို ရုရှားလုံခြုံရေးတပ်ဖွဲ့တွေက ရှာဖွေနေပါတယ်။ ဒီတိုက်ခိုက်မှုနဲ့ ပတ်သက်တဲ့ အခြေအနေတွေကို ပိုမိုသိရှိအောင်လုပ်ဆောင်နေတယ်လို့ အမေရိကန် အိမ်ဖြူတော်က ထုတ်ပြန်ထားပြီး ဒီဖြစ်စဉ်မှာ ဘယ်လိုပတ်သက်မှုမျိုးမှမရှိကြောင်း ယူကရိန်းကလည်း ငြင်းဆိုထားပါတယ်။ ပစ်ခတ်မှုအတွင်း လူသုံးယောက်ပါဝင်ပြီး ဖောက်ခွဲရေးပစ္စည်းတွေကို ဖောက်ခွဲခဲ့ကြောင်း သတင်းတွေထွက်ပေါ်နေပါတယ်။ လက်ရှိမှာတော့ လောင်ကျွမ်းနေတဲ့မီးကို လူ ၃၂၀ ကျော်ဖြန့်ကြက်ငြှိမ်းသတ်နေပြီး ရှာဖွေကယ်ဆယ်ရေးလုပ်ငန်းတွေ…