ဒေလီ၊ မတ်-၂၂-၂၀၂၄ မျိုးဆက်(VOM) ထင်ရှားတဲ့ အိန္ဒိယအတိုက်အခံနိုင်ငံရေးသမားနဲ့ ဒေလီဝန်ကြီးချုပ်ဖြစ်သူ အာဗင်ကာဂျ်ရီဝယ်လ်ကို အိန္ဒိယ အဂတိလိုက်စားမှုတိုက်ဖျက်ရေး ကော်မရှင်က ဖမ်းဆီးထိန်းသိမ်းလိုက်ကြောင်း သူ့ရဲ့ အေအေပီပါတီက ပြောပါတယ်။ မစ္စတာကာဂျ်ရီဝယ်လ်နဲ့ အေအေပီပါတီတို့ကတော့ ဘာအမှားမှကျူးလွန်ခြင်းမရှိကြောင်း ငြင်းဆိုထားပြီး ဒါဟာ နိုင်ငံရေးအရ ခြေထိုးမှုဖြစ်တယ်လို့ ဝေဖန်ပြောဆိုထားပါတယ်။ ဖမ်းဆီးမှုဟာ မြို့တော်ဒေလီမှာ အရက်ရောင်းချမှုမူဝါနဲ့ ပတ်သက်နေပြီး အဂတိလိုက်စားမှု စွဲချက်တွေနဲ့ ဆက်စပ်နေကာ အထွေထွေရွေးကောက်ပွဲ မကျင်းပမီ ရက်သတ္တပတ်အနည်းငယ်အတွင်း ထွက်ပေါ်လာခြင်းဖြစ်ပါတယ်။ ရဲတပ်ဖွဲ့ဟာ သူ့ရဲ့နေအိမ်ကို မတ် ၂၁ ရက်က ရှာဖွေမှုတွေ ပြုလုပ်ခဲ့ပါတယ်။ အစိုးရရဲ့ လက်ဝါးကြီးအုပ်မှုကို အဆုံးသတ်ခဲ့တဲ့ ၂၀၂၂ ခုနှစ်က ဒေလီအစိုးရက အကောင်အထည်ဖော်ခဲ့တဲ့ အရက်ရောင်းချမှု မူဝါဒဟာ ပုဂ္ဂလိက ရောင်းချသူတွေကို မလျော်ကန် အခွင့်ကောင်းတွေ ပေးခဲ့တယ်လို့ စွပ်စွဲခံထားရပါတယ်။ ဖမ်းဆီးမှုဟာ အာဏာရ ဘီဂျေပီပါတီရဲ့ မရိုးဖြောင့်တဲ့ နိုင်ငံရေးကစားကွက်ဖြစ်ပြီး…

ဝါရှင်တန်၊ မတ်-၂၂-၂၀၂၄ မျိုးဆက်(VOM) အမေရိကန်အခြေစိုက် Apple ကုမ္ပဏီဟာ စမတ်ဖုန်းဈေးကွက်ကို လက်ဝါးကြီးအုပ်ပြီး ပြိုင်ဘက်တွေကို အသာစီးရယူဖို့ ကြိုးပမ်းတယ်ဆိုကာ အမေရိကန် အစိုးရက Apple ကုမ္ပဏီကို တရားစွဲဆိုလိုက်ပါတယ်။ Apple ဟာ သုံးစွဲသူနဲ့ အက်ပလီကေးရှင်းဖန်တီးသူတွေကို ထိန်းချုပ်ဖို့ အတွက် အက်ပဲအက်ပလီကေးရှင်းစတိုးကို အလွဲသုံးစားပြုနေတယ်လို့ အမေရိကန် တရားရေးဌာနက စွပ်စွဲထားပါတယ်။ Apple ကုမ္ပဏီဟာ ခြိမ်းခြောက်မှုအဖြစ် ရှုမြင်ရတဲ့ အက်ပလီကေးရှင်းတွေကို တားဆီးဖို့နဲ့ ပြိုင်ဘက်တွေရဲ့ ထုတ်ကုန်တွေကို ဆွဲဆောင်မှုနည်းပါးစေဖို့ တရားမဝင်လုပ်ဆောင်မှုများရှိနေတယ်လို့ စာမျက်နှာ ၈၀ ကျော်ပါဝင်တဲ့ တရားစွဲဆိုမှုမှာ ဖော်ပြထားပါတယ်။ Apple ကတော့ စွပ်စွဲချက်တွေကို ငြင်းဆိုထားပြီး တရားစွဲဆိုမှုကို အကောင်ဆုံးရင်ဆိုင်မယ်လို့ ပြောပါတယ်။ တရားစွဲမှုက အမှန်တရားနဲ့ ဥပဒေအရ မှားယွင်းနေတယ်လို့ ယုံကြည်တာကြောင့် ပြင်းပြင်းထန်ထန် ခုခံကာကွယ်သွားမယ်လို့ Apple က ထုတ်ပြန်ထားပါတယ်။ ဒါဟာ…

ကဘူးလ်၊ မတ်-၂၂-၂၀၂၄ မျိုးဆက်(VOM) အာဖဂန်နစ္စတန်နို်ငငံတောင်ပိုင်း ကန်ဒါဟာမြို့မှာ အသေခံဗုံးခွဲတိုက်ခိုက်မှုကြောင့် လူ ၂၁ ယောက်ထက်မနည်း သေဆုံးသွားကြောင်း တာဝန်ရှိသူတွေက ပြောပါတယ်။ ဒီဖြစ်စဉ်ဟာ ကန်ဒါဟာမြို့လယ်ရှိ ဘဏ်တခုမှာ အသေခံဗုံးခွဲခိုက်ခဲ့တာဖြစ်ပြီး အများအပြား ဒဏ်ရာရရှိခဲ့ကာ သေဆုံးသူအရေအတွက် တိုးလာနိုင်တယ်လို့ တာဝန်ရှိသူတွေက ဆိုပါတယ်။ တိုက်ခိုက်မှုကို ကြိုးကိုင်လုပ်ဆောင်ခဲ့တယ်လို့ အိုင်အက်စ်အဖွဲ့က ထုတ်ပြန်ထားပြီး တိုက်ခိုက်မှုဟာ တာလီဘန်တွေကို ပစ်မှတ်ထားတာလို့ ပြောပါတယ်။ တာလီဘန် ၁၅၀ လောက်ရှိတဲ့ လူအုပ်ထဲကို အသေခံဗုံးခွဲခဲ့တာလို့ ဆိုပါတယ်။ ပေါက်ကွဲမှုကြောင့် လက်ရှိချိန်ထိ လူ ၅၀ ကျော်ဒဏ်ရာရရှိခဲ့တယ်လို့ ဆရာဝန်တွေက ပြောပါတယ်။ အာဖဂန်ကို တာလီဘန်တို့က ၂၀၂၁ ခုနှစ် ပြန်လည်ထိန်းချုပ်ပြီးနောက် လုံခြုံရေးအခြေအနေ တိုးတက်ကောင်းမွန်ခဲ့ပေမယ့် နှစ်စဉ် ဗုံးပေါက်ကွဲမှုနဲ့ အသေခံတိုက်ခိုက်မှု ဒါဇင်များစွာ ဖြစ်ပွားနေဆဲဖြစ်ပါတယ်။ တိုက်ခိုက်မှုအများအပြားဟာ အာဖဂန်ရှိ ဟာဇာရာမျိုးနွယ်စုတွေကို ပစ်မှတ်ထားတိုက်ခိုက်ခဲ့ပြီး တာလီဘန်တို့ရဲ့…

Voice of Myanmar အရှေ့အလယ်ပိုင်းရှိ အာရပ်နိုင်ငံများ၏ ဒေသဆိုင်ရာ အဖွဲ့အစည်းတခုဖြစ်သည့် အာရပ်အဖွဲ့ချုပ်ကို အီဂျစ်၊ ဆီးရီးယား ၊ လက်ဘနွန်၊ အီရတ်၊ ဂျော်ဒန်၊ ဆော်ဒီအာရေဗျနှင့် ယီမင်တို့က ၁၉၄၅ ခုနှစ် မတ် ၂၂ ရက်တွင် တည်ထောင်ဖွဲ့စည်းခဲ့သည်။