ဟောင်ကောင်၊ မတ်-၂၀-၂၀၂၄ မျိုးဆက်(VOM) ဟောင်ကောင်မှာ တင်းကြပ်တဲ့ အမျိုးသားလုံခြုံရေးဥပဒေကြမ်းကို ဟောင်ကောင်ဥပဒေပြုကောင်စီက တညီတညွတ်တည်း အတည်ပြုလိုက်သည်။ ဥပဒေသစ်ဟာ ၂၀၂၀ ခုနှစ်မှာ စတင်သက်ဝင်ခဲ့တဲ့ ဟောင်ကောင်အမျိုးသားလုံခြုံရေးဥပဒေကို ချဲ့ထွင်ထားပြီး နိုင်ငံတော်လျှို့ဝှက်ချက် ခိုးယူတာ၊ သူလျှိုလုပ်တာနဲ့ ပြည်ပဝင်ရောက်စွက်ဖက်မှုအပါအဝင် အမျိုးသားလုံခြုံရေးကို အန္တရာယ်ဖြစ်စေတာတွေကို ကျူးလွန်ရင် ထောင်ဒဏ်တသက်တကျွန်းထိ ချမှတ်နိင်ပါတယ်။ ဥပဒေသစ်ပြဌာန်းနိုင်မှုဟာ သမိုင်းဝင်အခိုက်အတန့်ဖြစ်ပြီး အမျိုးသားလုံခြုံရေးကို အကာကွယ်ပေးထားတဲ့ ဥပဒေဟာ လာမယ့် မတ် ၂၃ ရက်မှာ စတင်သက်ဝင်မှာဖြစ်တယ်လို့ ဟောင်ကောင် အုပ်ချုပ်ရေးမှူး ဂျွန်လီက ပြောပါတယ်။ ဥပဒေရဲ့ အဓိပ္ပါယ်ဖွင့်ဆိုချက်တွေဟာ လွန်စွာကျယ်ပြန့်ပြီး စီးပွားရေး၊ သတင်းမီဒီယာနဲ့ အခြားနယ်ပယ်တွေအပေါ် သက်ရောက်လာမှာတွေကို စိုးရိမ်ပူပန်မှုတွေ ရှိနေပါတယ်။ ဟောင်ကောင်အစိုးရဟာ ဥပဒေကို မတ် ၈ ရက်မှာတင်သွင်းခဲ့ပြီး ၁၁ ရက်အကြာမှာ အခုလို အတည်ပြုခဲ့တာဖြစ်ကာ ဟောင်ကောင်ပြည်သူတွေအပေါ် ပိုမိုတင်းကြပ်တဲ့ထိန်းချုပ်မှုတွေလုပ်ဖို့ အစိုးရကို ခွင့်ပြုပေးသွားမှာဖြစ်ပါတယ်။…

Voice of Myanmar AZT (azidothymidine) ဆေးသည် အေအိုင်ဒီအက်စ်ရောဂါကို ကုသရန်အတွက် အမေရိကန် အစားအသောက်နှင့် ဆေးဝါး ကွပ်ကဲရေးဌာနက ၁၉၈၇ ခုနှစ် မတ် ၂၀ ရက်တွင် ခွင့်ပြုချက်ပေးခဲ့သည့် ပထမဆုံးသော အေအိုင်ဒီအက်စ် ကုသဆေးဝါးဖြစ်သည်။

ဆိုးလ်၊ မတ်-၁၉-၂၀၂၄ မျိုးဆက်(VOM) မြောက်ကိုရီးယားဟာ မတ်လနှောင်းပိုင်းမှာ နောက်ထပ် ထောက်လှမ်းရေး ဂြိုဟ်တုတလုံးကို လွှတ်တင်သွားဖွယ်ရှိကြောင်း တောင်ကိုရီးယားကာကွယ်ရေးဝန်ကြီးက ပြောပါတယ်။ မြောက်ကိုရီးယားခေါင်းဆောင် ကင်ဂျုံအန်ဟာ ယခုနှစ်အတွင်းမှာ နောက်ထပ် ထောက်လှမ်းရေးဂြိုဟ်တုသုံးလုံး လွှတ်တင်ဖို့ အစီအစဉ်ရှိနေပြီး အမေရိကန်နဲ့ တောင်ကိုရီးယားတို့အနေနဲ့ လုံခြုံရေး ပူးပေါင်းဆောင်ရွက်မှု မြှင့်တင်ဖို့ လိုအပ်ကြောင်း ကာကွယ်ရေးဝန်ကြီး ရှင်ဝန်ဆစ်ခ်က ပြောပါတယ်။ ပြီးခဲ့သည့်နှစ် နိုဝင်ဘာလအတွင်းက လွှတ်တင်ခဲ့တဲ့ မြောက်ကိုရီးယားရဲ့ ဂြိုဟ်တုဟာ ထောက်လှမ်းရေးဂြိုဟ်တုအဖြစ် လည်ပတ်လုပ်ကိုင်နိုင်ခြင်းမရှိသေးဘူးလို့ သူကဆိုပါတယ်။ ဒီအတွက်ကြောင့် ယခုမတ်လနှောင်းပိုင်းမှာ နောက်ထပ် ထောက်လှမ်းရေဂြိုဟ်တုကို မြောက်ကိုရီးယားက လွှတ်တင်ဖို့ ကြိုးပမ်းလာနိုင်ခြေရှိတယ်လို့ တောင်ကိုရီးယား ကာကွယ်ရေးဝန်ကြီးက ပြောပါတယ်။ အခုလို မြောက်ကိုရီးယားရဲ့ ခြိမ်းခြောက်မှုတွေ တိုးပွားလာချိန်မှာ တောင်ကိုရီးယားနဲ့ ဂျပန်နိုင်ငံတို့အနေနဲ့လည်း လုံခြုံရေးပူးပေါင်းဆောင်ရွက်မှု မြှင့်တင်သင့်တယ်လို့ ကာကွယ်ရေးဝန်ကြီး ရှင်ဝန်ဆစ်ခ်က ပြောဆိုထားပါတယ်။ Ref:NHK Photo: Japan Times